( بارت ٥)
#رسائل_ملقاة_على_قارعة_المجهولكلشي ياخذني عليك
الصفنه واشواگي وحسرتي
كلهن يذكرني بيك
وانا حالف ما اجيك !
منقوله ...الكاتبه شغف ✨🖤
................................................
سنا:-
دخلت للبيت واني عيوني غركانه بالدموع
احس دانازع ومدتطلع روحي بيسر وسهوله
عبالك دتطلع مثل الشوك مني
دخلت للغرفه بلا محد يحس
اتوجهت للفراش و طلعت من الكومدي صوره النا صح جانت الوانها مو قويه بس كلما اباع عليها ابتسم واحس بسعاده
ضليت اباوع عليها اريد بس اضحك واقنع نفسي ماكو شي ،
مالكيت غير دموعي تنزل عليها و بللت الصوره
ضليت ابجي واصيح بكلبي ... ربي يكون كد وعده ...
......................................................
مراد /راكب بالباص اللي يودي للمعسكر
كعدت اخر سره يم الجامه وكعد يمي صاحبي غمار
جان وجهي لونه باهت مثل بهتان كلبي بهذا اليوم
منتجي على الجامه ... جريت حسرهولا عبالك جنت انتظر هاي اللحظه اللي اروح بيها للتجنيد
تمنيت لوهله انهو اصيح على ابو الباص واكله وكف
ناسي روحي و جايكم بس جسد...افيييش ربي ركض هالشهرين بس اريد اشوفها
خربيك مريد من هسه اشتاگيت لعرموطاية گلبك
ولا جنك هذاك الشاب الفرحان حتى يخدم بلده
اشوفك من موقف تمنيت تتراجع ،
جريت حسره ثانيه...غمار: اهووو هاي شبيك تأفئف موش كتلتنة بريحة حلكك الجايفة
صفنت عليه وضحكت ،مراد _خربعرضك وك اسكِت لا تصدك الوادم ، ماتشوفني رجال طول بعرض ونافش ريشي عبالك مطي
غمار _ ها چا من شوكت المطي عنده ريش
مراد_ من باض العتوي
غمار _اكلك انت ياهو درسك احياء
مراد _ابو الكيمياء
غمار _شد ابو النضيف ، تهي بهي ، لا فلحنة
بعدين تعال اكلك شبيك شنو السالفه ، ليش ضايج ، چا انت غير تفرح راح تحقق حلمك وتصير جندي ؟ ولو انا خايف من هالناحيه لان انت خراع خضره زايده عليكمراد _اسكت غير گلبي انمرد مريده على فركاها
غمار _من دهر طرك يمريد ولا عبالك جان اكو مطي اقصد حِمار ساحلة سحل من فراشة بعز نومته والله علمود مشتاگ لعرموطتة خاب ماتنجب انت وعرموطتك اللي سمتني تالي عمري حِمار
مراد_انچب لك هاي عرموطاية گلبي ، وچبدي و طحالي
غمار _بعد ضيف عليهن امعائي الغليظة
أنت تقرأ
"رسائل ملقاة على قارعة المجهول "
Roman d'amourاشْـتَقتُ يـا لَـحْنَ الحَيَــاةِ وَ عِــطْرَهـا هَـل أَنـتَ مِـثْلي يَعْتَـرِيكَ تَوَجُّـدُ؟ يــآ لَيْـتَ لي قَلْبًـا يُصابـِرُ في الهـَوَى أو لِلْـمَشَاعِرِ جَـفْوَةٌ وَ تَبَـلُّدُ عَصَفَـتْ بِنـا الأَيَّـامُ مُـذْ جَـارَ النّّــوى شَــوْقٌ يَل...