(بارت ١١)
# رسائل_ملقاة_على_قارعة_المجهول
"بعد ما اعاتبك تندل عنوايني
من امس واصلني كونك موش ناسيني
ظروفك والمسافه اعذار محترگات
شمس شتكلفك الجيه الروازيني؟
لچن بينت من مرسالك بلا شوف
صلاة متأخره بس تريد تگضيني ... "
، حيدر هواد ،
الكاتبه شغف 🖤🕊
.................................
سنا ...
صباح جديد ويوم جديد نبدي بذكر الله سبحانه وتعالى
كعدت و اني كلي نشاط لأول مره احس انه اكو شي اكدر اسوي غير الكعده بالبيت واحساسي بأن اني عاله على اهلي ،
مديت سجادتي و غطيت ما تبقى من شعري ، شعري اللي جان كل من يشوفه يحسدني علي من كد ماجان ثخين واسود و طويل ، الحمد لله على كل حال ، اهم شي أني راضيه بحكم الله وقضائه وقدره وما اتذمر ،
لان بالقناعه و بالرضا عن الذات و شكر الله على كل شيء والاحساس بإنه انت بنعمه فضيييله جدا انعمها الله عليك ملكت كنوز الدنيا ، ( القناعه كنز لا يفنى)
كافي جدا انه الله طول بعمري ٣ سنوات واني اتنفس الهواء
سجدت لله عز وجل بخضوع و نزلت دموع الفرح ممكن اللي يشوفني يكول تبالغ بس صدك
حسيت بأحاسيس لما جنت وحيده بالبيت الله لا يكتبها لعدوي ، احساسي بهذا اليوم مثل احساس الطير اللي اخيرا رف بجناحة وبده يشوف العالم ، اي هذا احساسي ، حرفيا الحياه بدون عمل مالها اي طعم وتحسون نفسكم بلا حياه ،
كملت صلاة وبقيت على السجاده اشكر الله واسبح وادعي لمراد ،
( يارب ، احمي مراد و اعده الي سالما غانما ، اللهم يسر له كل الامور ولا تعسرها ، اللهم سهل له كل الدروب و لا تصعبها ، يا ارحم الرحمين)
وبديت احجي ويه الله وافضفضله ماكو احسن من الله يسمع ويجيب وهو اقرب النا من حبل الوريد
حجيتله عن مدى حبي لمراد و اهلي و ماريد اشوف بيهم شر وبالنهايه كلت ، ربي طول بعمري حتلو بدون ما اطيب بس اريد اشوف اهلي اكثر واشبع منهم وان كتبت الي عمر فلك الحمد والشكر يارب العباد وان كتب على روحي ان تغادر الدنيا فلك الحمد والشكر ،
جريت حسره وكمت من مكاني ، باوعت على روحي بالمرايه ، بدى وزني يقل صار تقريبا ٥٠ لان اني وزني قبل اسبوعين ٥٥ ...
نزلت جوه ،
أنت تقرأ
"رسائل ملقاة على قارعة المجهول "
Storie d'amoreاشْـتَقتُ يـا لَـحْنَ الحَيَــاةِ وَ عِــطْرَهـا هَـل أَنـتَ مِـثْلي يَعْتَـرِيكَ تَوَجُّـدُ؟ يــآ لَيْـتَ لي قَلْبًـا يُصابـِرُ في الهـَوَى أو لِلْـمَشَاعِرِ جَـفْوَةٌ وَ تَبَـلُّدُ عَصَفَـتْ بِنـا الأَيَّـامُ مُـذْ جَـارَ النّّــوى شَــوْقٌ يَل...
