مرحبا اعزائي ، بمناسبه قدوم سنه ٢٠٢٣ احب اقدم اجمل التهاني ، متمنيه لكم سنه مليئه بالسعاده والفرح ، اترككم ويه القصه ...
( بارت ١٩ )
#رسائل_ملقاة_على_قارعة_المجهول
وَ تراهُ يصمِتُ كي يواريَ حُبَّهُ
وَ بِقَدَرِ ما تُخفى المَحَبَّةُ تُعلَمُ
عَبَثًا يُخَبِّئُ سِرَّهُ في صَمتِهِ
من قالَ ان الصمتَ لا يتكلَّمُ؟
منقوله *
الكاتبه ..."شغف"♥️
_________________________________________
ركضت واني متهستره واصوات عياطهم وبجي امي ونحيبها وتواسيلها عتتني عت ، ماعرف شنو احساسي بهاللحظه ، هلع ، كره ، خوف ، حقدت ع الكل حتى ع نفسي ، حتى ع الهوة اللي
ماراضي ينگطع مني
اختض وارجف بكل خطوه اخطيها وادعي الله ياخذني ولا اسوي اللي ببالهم ،
دفعت الباب بقوه شويه وتنكسر من قوه الركعه ، فتت وسديتها ،
وكعت بالكاع احس رجلي مدتساعدني اكوم ولا احرك اي شي من جسمي تصنمت بالكاع متجيه راسي ع الباب وعيني بالغرفه
غمضت عيني و عيطت بدون وعي ، واركع راسي بالحايط
سنا_ منووو انتووووو ،،، ليييش هيج تسوون بيه ليش ،،، شنو الرحمة رااحتتت حتىىى من گلبج يممة حتىىى منجج لييش؟ طلبتتتت منجج شيييي ثگلتتت عليييج بشي حتىىى تشمرينييي شمرة الچلاب لوااحد لا تعرفي ولا اعرفه شنو من گلب لعددد ،،
احجي واعيط واضرب راسي بالحايط اريد شي يخفف النار اللي بگلبي ماكو حتى الم ماكو
شويه و سمعت الباب تندك بقوه ، وصوت امي وبجي اختي
غمار _ سنااااا اطلعيييي لا اكسر الباب وحك الخلقج ، لججج تسمعينيييي سنااااا ،
ام عصام _ ولج يمه سنا بس فتحي الباب بس افتهمي مني يمه لا تعليني يمه لخاطري
سنا _وخروووووو عوفونيييي لا والله اكتللل روحييي والله العلي العظيم ماظل شي اخسره بعد
غمار_ سمعت صوت تكسر فد شي جنها مرايه وصار هدوء بعدها ، تهسترت ام سنا ووكعت بالكاع تلطم وتبجي وتصيح ( راحت بنتيي ،، شسويت )
عطت بصوت عالي _ سنااااااااا تسمعييينييي لجججج سناااااا
ضربت الباب مرتين ثلاثه بقوه حد ما كسرتها لان جانت قويه كلش فتت للغرفه وماجاي اشوف دربي من العصبيه
شفتها مكرفصه ع روحها حتى بدون حجاب بالكاع وصافنه ع صوره بالكاع مكسوره ما اهتميت رحت بكل عصبيه عتيتها من ايدها بدون اي حجايه وهي مستسلمة بس دموعها تنزل ، شفت حجابها واكع شلته وشمرتة ع راسها طلعتها من الغرفه اللي حالتها حاله وامها واختها يركضن ورايه يردون يعرفون وين موديها ، نزلت بيها جوه ، ودخلتها باي غرفه صارت كدامي شمرتها بالصاله وسديت الباب وقفلتها مجان عندي غير هالحل حتى افهِمها
أنت تقرأ
"رسائل ملقاة على قارعة المجهول "
Storie d'amoreاشْـتَقتُ يـا لَـحْنَ الحَيَــاةِ وَ عِــطْرَهـا هَـل أَنـتَ مِـثْلي يَعْتَـرِيكَ تَوَجُّـدُ؟ يــآ لَيْـتَ لي قَلْبًـا يُصابـِرُ في الهـَوَى أو لِلْـمَشَاعِرِ جَـفْوَةٌ وَ تَبَـلُّدُ عَصَفَـتْ بِنـا الأَيَّـامُ مُـذْ جَـارَ النّّــوى شَــوْقٌ يَل...
