"بارت ٢٨"
#رسائل_ملقاة_على_قارعة_المجهول" تعال احچيلي شيحلها ؟
عيونك ما تحبني الفدوه اروحلها
انا الخاطرك رحت اعتذر من ناس
چانت لو تسلم ما اكوملها "
(منقوله )الكاتبه شغف ...🪐🕊
...............................................
غيث : هزيت راسي بالموافقه بقله حيله وجزع
_ الي تشوفي يمه ... اني موافق
كامت ع حيلها و بوستني وتهلهل ع اثر صوتها نزلت سناء
سناء: شكوووو يا ستار تحررت فلسطين ؟
نجلاء بفرح (ام غيث) _ ولج يممة غييير غيث قبل بفاطمه كلولولووللويييش
فتحت سناء عينها ممصدكة اللي سمعته رجعت انظارها المتعجبه عليه وحجت _ تحچي صدك غيث ؟
صفنت شاجاوبها ؟ ماعندي شي اكوله غير الموافقه بعد فرحة امي ماريد اكسرها ولو والله لو بيدي احط نفسي واحرگها ولا اخذ انسانه ما احبها ... ومنو فاطمه بنت الحيه ابتهال
هزيت راسي _ اي صدك
هلهلت بفرح ادري بيها تريد تخلص من المشاكل اللي دتصير بالبيت بسبب هاي السالفه
نجلاء _ وخرييي يمه خل اخابر ابتهال باجر باجر نروحلهم خطابه الف الحمدلله والشكر عين العقل وليدي البنيه بنت اصول واكابر
صفنت شويه ع تسرع امي بس ماريد اكسر فرحتها خليها شتريد تسوي خل تسوي بعد مالي طاقه احجي او اضيع وقتي بكلام مسجيب ولو ١٪ نفع وياها ... اني عزمت انه ارضي امي ولو ع حساب اذيتي ولا اشوفها مره ثانيه ع الحاله اللي صارت اخر مره حسيت من صدك كدت افقد روحي
صعدت لغرفتي وطكيتها نومه عميقه كلش ماكعدت بيها لحد اليوم الثاني
حسيت بايد تندس بيه وتكعدنينجلاء _ كوووم ولكككك صار الظهر والعالم ينتظروونه ولك لا تفشلني يمعود اكعد
غيث بضجر _ هااا يووم واحد ما ينطمرله ساعه
_ هلاااو سااااعه ولك من البارحة نايم وهسه صارت ب ١٢ الظهر ادري هم لو سبات چان كعدت كوووم يول خطيبتك تنتظرك
سمعت اخر شي كالته صارت عندي لحظه ادراك وتذكرت حچينا البارحة و الصار واني وافقت ع فاطمه حطيت ايدي ع عيوني افرك قوي بيها عكنشت وجهي اثر الضوه الفتحته فوك راسي
أنت تقرأ
"رسائل ملقاة على قارعة المجهول "
Romanceاشْـتَقتُ يـا لَـحْنَ الحَيَــاةِ وَ عِــطْرَهـا هَـل أَنـتَ مِـثْلي يَعْتَـرِيكَ تَوَجُّـدُ؟ يــآ لَيْـتَ لي قَلْبًـا يُصابـِرُ في الهـَوَى أو لِلْـمَشَاعِرِ جَـفْوَةٌ وَ تَبَـلُّدُ عَصَفَـتْ بِنـا الأَيَّـامُ مُـذْ جَـارَ النّّــوى شَــوْقٌ يَل...