"رسائل ملقاة على قارعة المجهول "

بارت ١٢

(بارت ١٢)
#رسائل_ملقاة_على_قارعة_المجهول

مشكلته ... مو كلش فطن ،
بارد مثل حايط سجن
ولا يدري انا شبيه ؟!
وقررت ابادر واعترف
هي الخساره تظل عمر والربح مو يوميه !
( منقوله )

الكاتبه شغف ♥️

فتحت عيني و حطيت ايدي على حلكي
ليش ياربي دخيلك ، ليش هالصدفه ، ليش كلشي احاول اسوي يخرب ، يارب دخيلك ، يعني هسه ام مراد ( سهاد ) هسه كبل تروح تكول لامي واوكع بمصيبه شكدها شكبرها ، وماما شيخلصني من حجيها
ام مراد_ سناا! ماما شدتسوين هنا
سنا_ ه ه هلو عمة شلونج ان شاء الله بعافيه ،عمه  والله داشتغل
ام مراد_ شنو تشتغلين ماما وانتي بهاي الحاله وبعدين مراد يدري بهالحجي ،
تبلعمت و لأول مره اكذب على ام مراد و ماشاءالله وجهي مفضوووح ذاك هو داجذب
و النوب اني من ابدي اكذب اكوم اكرض بلحم اصبعي بإيدي الثانيه و مرات يطلع دم ومانتبه علي
اووووف دخيلك ربي اكره هالعاده بس اكو ناس صدك تجبرنا نكذب
سنا_ ا ا اييي عمه كتبتله رساله وهو وافق وكييف ههههه
ام مراد_ همممم ، شعجب شو احنه مكللنا ولا جاب سيره ولو هو صارله اسبوع محاجي ويانه
الظاهر ملتهي وياج ونسانه ههههه
سنا_ ههههه والله انتي ادره
ام مراد_ زين امج تدري ؟ ولو ماتوقع
سنا_ بصراحة عمة امي متدري لان ادري بيها هسه تضل تحجي ومتقبل اطلع من البيت واني مليت كلش لا دراسه ولا شغله ولا عمله من البيت للمستشفى ومن المستشفى للبيت الله وكيلج وعفيه اريدج تبقين السالفه بيني وبينج ومتوصليها لأمي ، لان اذا تدري تحرمني حتى من صديقتي
ام مراد_ زين حبيبتي مراح اكللها ، بس انتي ليش هيج سويتي بهالحاله و تطلعين ، والمحل كله رياجيل يعني زحمة يا حبي
سنا_ عمة والله مجبوره الله وكيلج مبقالي بس هالحل ان اتحمل و اني لتخافين مدبره حجة تخليني اطلع كل يوم
ام مراد_ همممم ، يلا الله يرزقج حبيبتي ، راح اروح اني مع السلامه
سنا_اهلا وسهلا نورتينا
بكلبي اكول : لا والله ظَلمتينا ، خرب شجابهاا بلكي عاد تلزم لسانها ومتحجي ، غير اذا حجت اشك هدومي
نرجس : اكوووول حوووبي شنو هاي المره شو ضليتي تتودودين وياهة عبالك عرف ولف لو يدري بيج المدير جان طين عيشتج وعيشتي
سنا: لا حبي هاي معارفي وداسلم عليها ،و انتي شعليج يطين عيشتج على شنو
نرجس_ اكووولج غير اني الامر الناهي هنا
سنا_ همممم ، تمام حووبي بعد منحجي
نرجس_ شبيج شنو دتقلدين على كلامي
سنا_ لا حياتي المعذره مو بقصدي من عاشر القوم هم صح كالو ٤٠ يوم بس الظاهر اخذت على ذبت حجيج من اول يوم ههههه
نرجس_ هههههااااي حبيبي فدوااا ، والله هم كلهم ميتين ومنگهريين من كلامي ، كلي انوثه
سنا_ ههههه، وبكلبي اكول طيييييييييط ، استغفر الله ربي يحجون الاخرس
وربي هاي لو غيري جان ملختها وعدلت حلكها المعووج براجدي يعدلها من فوك ليجوه وتجر عدل
والله هذا النوع من البنات جان المفروض ينقرضون ويه الماموث والله والنوب الكحله عبالك تعبي تانكيات بعينها والسواد لو اني بالناصرية اشوفه والله عووووع والنوب الحمره ، خرب شكد احاول اقنع نفسي حريه شخصيه ماكدر يعني صدك يحجون الاخرس
خوب مشيتها يبووووو بحث اخر عبالك صخله تدور على امها وتوها تعرف تمشي
خووووو الكعبببب عوووووع ، ادري شنو جلبت خل اكمل شغلي
وعلى هالمنوال لين كملت شغل
٩:٤٥ م
سنا _ الو ها ناديه وين صرتي
ناديه_ اييي يمعوده بالطريق لتلطشين جنج كراده
سنا_ تعالي وعود احاسبج عالكراده ، اله امرعج مرع
ناديه_ ديلا جايه على منيتي لعد ، اهوووو الازدحام فوول
سنا_ من كون شخاطه التشخط عضامج  ولج بنت اللذين امنو الرصيييييد
ناديه_ ايي اييي نسينا دولي ولي ابن الحلوه ديهورن عليه ، خيييير شكو ، بوووويه شهالجمال خربعشيرتك
سنا_ حلو حلو منو
ناديه_ الرصييييييد عينييييييي
سنا _ احم احم يلا مع مع السلامه ،
ناديه_ كوود باي
لازم احط رصيد هواي منعا للاحراج بهيج مواقف ، وينك مريد خطيبتك ولد العالم حتى بالتلفون زحفت عليهم زحف للنخاع هههههههه فديته ماكو احلى منة حبيب الگلب والروح
........................
١٠:٠٠ م
اووووف وين صارت ست الحسن
اييييي اخييييرا جتي
اشرتلها بإيدي حتى توكف
فتحت الباب ودخلت
_ لككك هاااا يجميييييل شنو اخبار الدياحة هنا
_ سكتي سكتي اليوم جيت اسويها جوايه من هالموقف الصار بيه ،
_ شكو شكو احجيلي خيرج خرب مدي اصير من عائلتكم ياخي حياتكم فلم اكشن بس ناقصها فاندام
_ غير تعوف قلب الصخل
_ الاسددددددد
_ اييي نفس الشي هو گلب ، المهم سمعي شصار ......
شهكت و هي تسوق ،
_ لا بربج ، شكددد فكرررر لعد سنا من امداج
_ سكتي والله اديح اذا درت ماما ، خوب هاي نرجس اوووووف ربي ماعمري شلت هلكد غيبه الاوادم ياخي تجيب الحجايه لروحها
_ سكتي اصلا عجبني ستايلها يفيدني بإغراء سيد تانكي
_ خرب ولج يا تانكي يا مزريب ، شكوووو شنو السالفه ، اكو معجبين هنا لو شنو
_ كلشي بوكته حلو
_ عليج النبي احجي
_ سكتي غير وقعت في دباديب الحب
_منو منو عليج الله حموووت
_ واحد تعرفي بس المشكله تكرهي
_ هي غير لو تطلعها الدره اييي منوووو؟
_ غيث
_ لا عليج الله
طكيتها بزيج ويا عيييييييييع
_ يعني ملكيتي غيره هالغثيث عيع
_ سكتي جماله ، سماره ، لهجته،شطارته ،عيونه
_ طحاله ، جبده ، جلاوييه ،بعدددد
_ وريتة همين ههههههي
_ اييييييع عووووع عيييع ، وين هو جنه بيتنجانايه محروكة خيولي اوف ربي مال نعال على كصته
_ لج حبيته متت عليه
_ بربج ، خرب يومج ، عالعموم لج وبعدين من شوكت عيني هالفيلنغز( مشاعر بالانجليزي) اله
_ من الموقف الصار بيناتنه
_ موووقفففففف. لا عليج الله احجي
شحجي وصلنه
_ وحك الله ماعليه تحجين تحجين
_ شوفي هسه عالسريع راح احجي وانطيج الزبده
_اي احب الزبد ، خرب وكت مشتهاة كمليييي
شوفي ، اليوم دخلت واني مرعبله لان اجتنه مريضه حشى مو بشر تكولين ثور وكلسع ملعبه روحنه بصياحها و عياطها وجسارتها ، ولج النوب هي شكلها يخوف ، و المشكله حامل ودتجيب
وبصاله العمليات تجر بيه وتعر تخيلي عضتني ادري جلب واني كمت اكمز من العضه هاج باعي المتوحشه شسوت بيه كبل وخرت و دانزف رحت اغسل ايدي ، صارت الحالة مستعصيه
واستوجب يجي دكتور ، دكتور النساء والتوليد بالصاله واحتاج دكتور ثاني يعاونه
و فجآه دخل واحد مكمم وطويل واسمر ديغسل يمي  ، شفته اول مشفته سنحت على جمال عيونه من يركز خرب موش عيون عين المها وحق محمد ردت اموت من جماله ضليت صافنه و بعدين كملت
خوب وجهي صار طماطه ماحجيلج ، شافني انزف ، سألني شبيج ناديه كلتله لادكتور مابيه شي بس المره عضتني ، هو طكها ضحكه والنوب مو ضحكة تسحل سحل ورب الكعبه شويه واذبله الرقم
بعدين باوع لايدي كلي وكفي ، جاب شاش و لزكه جروح ، كتله لا دكتور لا اني احطهن ميحتاج ، وبداخلي اركص جوبي ، عاد هو مقبل كال تتلوث ، كبل حطها الي وراح واخذ عيني الزايغه وياه خربجده غير يجنن ويمرع مرع اوووووف ربي
_ لا بدينج ، اشتعلو اي والله اذا هسه اهفج بنعال اريد زمال يفك حلكة ويكول ليش
_ ليش
_ زماله مو بيدج ، الله يكثر من هالمشاهد وياج ولا ويايه ، اخدمج بعرسج ان شاء الله
_ اميييييييين
_ مستعجله الادبسز
_اي والله القطار لا يفوتني
_ باع هاي هي كل عمرج٢١
_ واذا مو اكبر منج بسنة
_ اووووي عود يعني جبيره اووووي عفيييه
_ فدوااااااااا
_ ايييييع لتذكريني دولي خل انزل الله يتمملكم ع خير بس وخري من يمي
_ سكتي لتحجين على مهجة قلبي
_ اووووووع دخل اولي باي
...........................................................................
دخلت لغرفتي واني اضرب اخماس بأسداس ع العوبه ناديه
ذبيت راسي عالمخده و اني داتخيل ومداصدك مراد باقيله ٤ ايام ويرجع اووووف شكد مشتاقتله
يارب يرجع بسلامه ،
متمدده ع الفراش واتذكره واتذكر ضحكته ، واتخيل شلون راح استقبله ،وغطيت بسابع نومه
..........................................................................................
غمار:- اووووف ربييي مبقه شي وارجع اووف شكد فرحان وحك الله اخيرا راح اخلص من هالزربان الي انة بي ، بس شلون ايدي خاليه ، شلون راح امشي بأرض احب الناس الي و ايدي مكاضه ايده شلون راح تخطي رجولي على تراب الوطن ، و هو مو ويايه ، اووووف مراد من رحت احس بعد ماكو للوطن شوگة ولا لهفة ، شكد مشتاقله ، لو هو هسه هنا چان فرح راح يرجع وهو وافي بوعده للمكموعه ، و هو فرحان راح يعقد عليها ، بس ما انتظر و راح ، وكسر وعده ، و بقى حمله عليه ، زين هسه انة شراح احجي شراح اكول ، اهله ، سنا ، شكللهم ، اووووف الحمل ثكيل كلش ثكيل
مشيت راجع من التدريب للمقصوره اتمدد وارتاح
وبراسي اتخذت قرار راح انفذه بس ارجع من الخدمة بخصوص سنا
زيد_ خويه غمار
_ نعم خير شكو
خطيه وجهة كام ينطي الوان وصفى عالاصفر بالاخير هههههه كالعاده
_ استاذ ، احم احم ، التسريح ان شاء الله عالسبت و اليوم اخر يوم تكدر تدز رساله بالبريد لان راح يوقفونه
_ اشششش يعني يا اخي انته ما منك غير الاخبار الخره ، افففف ذكرتني بالمهجومه ست الحسن
_ منيه استاذ
خنزرت بوجههة ، بلع ريكه وحجه بصوت بي رجفه
_ اااه استاذ عندك رساله انطيها لو ماعندك ، حتى انصرف
_ اصبر دقايق ...... هاك اخذ
_ ش شبساع هههه
_ شكو من يمك انت ابن ال ، اخ منك يلساني
_ ح ح حاضر ، مع السلامه
القى التحيه ههههه خطيه من خوفه ، بس والله خوش رجال الله يشهد
_ هلا
_ استاذ
_خيييير مو توك دتنكلع
_ اي مو تذكرت اكو رساله الك من نفس المرسل
_ اهووووو دجيب ، يلا خلصت فلوسك انكشر
_ حاضر حاضر
باوعت عليه ، فريت الرساله بيدي و بديت اقراها
" هلا خويه شلونك ، بويه وحك الله مشتاقتلك بكد مجاري بغداد وما تحتويه ، هههه ، والله داعد الايام حتى تجي و اكحل عيني الواكع رمشها بشوفتك ، صدك مشتاقة لكل شي بيك ، طلتك ، ضحكتك ، عيونك ، حجيك ، شقاك ، حتى ريحتك ...
قاطعت كلامها بتعليقي ، ياريحة ماتكليلي هي خبطه بصل من جميع الانواع ، الله يرحمك ياخويه بس صدك جنت جايف ههههههههه خرب
اي احم احم خل نكمل
... اشتاقيت لمواساتك ، لتشجيعك ، لروحك الحلوه ، حتى عيونك من الكة بيها لمعه حزن مشتاقه اكون سبب واخليها تضحك ، احبك من كل معاميعي "
ضحكت ، احمريت
_ هههههي اول مره تكتب كلام مفهوم بويه طلعت صدك تعرف تغازل انه استحيت هههههه
بعد اباطي فدوه ههههه
حسيت ع روحي ، عدلت نبره صوتي الي تغيرت لنغمه انه بذاتي مسامهعا
احممم احمممم ، بويه جنك سنحت استحي على روحك غمير وعود لعقلك ، عيب ولك هاي خطيبه اخوك بالك وياك تحطها براسك
بس صدك شاطره بالتمغزل الزرگة ههههه احتركو عشيرتها
المهم اني دزي......
صخاااام الصخمني الرساله مالتي مهببه عززززة بعينك غمير هسه صدك راح تشك وتكره المرحوم من ورايه احتركت خل ادور على السنفور هذاك
طلعت بهدوم النوم ،  بالهدوم الداخليه وماحاس على روحي
_ ولككككك محرووووك بكاعك كون يا زيد الخره
زييييييد
سنفوووور
مكموووووع
خررررة
_ نعم سيدي
_ زين صحتك خره جان مجاوبتني
_ نعم؟
_ نعم الله عليك ، اوووف خل اخذ نفس
_ جيب الرساله يمعود
_ يا رساله استاذي
_ ولك اغم مالتي
جان كاعد يم زلم هوايه
_ تقصد مال سنا
كالها بصوت عالي واني فجآه ضجت و عصبت و فرت كلششش
ولككك عاااار شلون تكول اسمها كدامهم ادبسز
كلهم وكفو هدوني ، وانه واكف اصبببب العرك صب من العصبيه
_ اهدء استاذي والله حقك عليه بالغلط والله
_ جيب ولك ،، كحيت ، جيب الرساااااله
انطانياها وهو يرجف
حسيت على روحي مصلخ عبالك الهوه اول مره يضرب رجلي ،
نزلت عيني ع روحي ، وانصدم غمااااار ابو الهيبه و الشهامه طالع بهدوم داخليه وفوك هذا كله جاي يتعارك فشله والله فشششششششله
احمريت من الخجل وكبل ركضت وهم يضحكون من جوه ليجوه ، احمد ربي ما اجه جويسم جان وصل خبر تصلخي للارهابيين
_ خربببب شهالفضيييحة والله ليفضحوني ويشهروني شهيره
وصلت ركض وفتحت الرساله ،
العبببب هاي شكاتب، ادري زيد مايجيني اله بلحظه كاره روحي بيها ،
فتحت الرساله كاتب بيها
( اكلج خويه راجع السبت ماشي ، يلا مع السلامة)
والله لو اني بمكانها بدل ما تاخذني بالاحضان جان تفلت عليه
شجنت احس من كتبتها
عدلتها ورحت لزيد معدل هدومي همزين
_ هاك خويه زيد نفس الُمرسِل زين
عفس وجهة  وكال وهو مقهور
_ حاضر سيدي
يشهد الله انه احبه وماخذ علي ميانه احسه اخويه ، واعرف هو ع نياته بس انه ماعرف شبيه من سمعته نطق بإسمها انجن جنوني وماعرف ليش اول مره احس بروحي ثور هادي ويريد يرفس اي واحد كباله ، باوعتله بنظره انكسر خاطري علي
_ اكلك ...
حيوان ؟
_ نعم سيدي اسف جنت شارد
هسه شكله اني ماعرف حتى اصالح بس بالاكل
_ نذر عليه بس نرجع من التسريح اخذك وناكل كص انه وياك ها شكلت
اشو هذا كبل الابتسامه شكت حلكه شويه ويحضني
_ صدك سيدي!
_ اي يابه ماماكل كبل ، بعدين ميحتاج تكول سيدي اني زميلك وفقط
_ماشي سيدي ،،، العفو غمار
_ لا انت صدك ينرادلك نعال يلا تعدل
_ هههههههه ، ذكرتني بالمرحوم
_ ياهوة
_ اخويه سيدي الله يرحمة ، جان يشبهك بطريقه الصلح
_ الله يرحمة خويه ، شلون مات
_ حادث هو ضابط بحريه وغركت بيهم السفينه جانت مفوله حموله وثكيله
_ الله يرحمة
حسيته دمع شويه ، حقه صدك تقهر هاي الشغله وهو مبين عزيز عليه
طبعا بعد اخوه ، وضكت نفس لوعته بمراد
صح اني وياه تخاوينه
بس شنو شعور الاخ من الاب والام
ماعرف ،
، خره بي خلاني انقهر عليه ،
_ انه اخوك خويه
_ شكرا غمار
_ حبيبي يلا افردها سنفور
_ ههههه ماشي سيد... خويه ههههه
..........................................................................................
ديمة : يارب دخيلك باجر اول امتحان الي شبسااااااع
سنا_ اييي دنلصمي حتخلصين يمعوده والله
ام عصام (رشا) : ماما هسه تشوفيها مثل النفخه بسرعه تخلص والله وتصيرين اعداديه وناكل تبن من وراج حشايه طبعا
ديمة :- اووووف ميته خووووووف دخيلك ربي ، عااااااااااااااا
ام عصام _ يمه بنتي شبيج
ديمة_ ممااامماااماااامااااا
ام عصام _ لج خير شبيييج ، لكيتي ورقه مقاريتها
ديمة_ ياريت بس باعي شنو كدامج
ام عصام _ شكو ولج شو ، يمااااااااي
سنا_ شنو شبيكم خير
ركضت امي يم ديمه و تباوع شويه وتغطي بعينها ولج ولج
ديمة _ ولج ولج طرطر صيااااااار
سنا_ لج ياطرطر ومنو هذا صيار
ديمة_لجججج كمت امسلت باعي وراج
سنا_ شكو ؟
يماااااااااي هذا صدك صرصررررررر وابو شوارب
ديمه_ لعد ابو نعلللل ، كتلييييي ولج يمه فد لا طيار
سنا_والله ماااا معليه ما اقتربله وحده منكم تجاهد و تكتله
وره معاناة
تقدمت امي حتى تكتله
سوينه فلم يم امي
ديمة_بالنعااال ،
سنا _ لج لا بالطاوه
ام عصام_ ولجن انلصمننن
ديمة _ ربي طارن المعلوماااات
سنا_ من الخوف والله هسه ترجع
ديمة_انتي ضلي واسي بيه خرب
خطيه ضلت ماما تتقدم خطوه وترجع تكمز لان يتحرك شويه
اخر شي عاطت عبالك دتجاهد وغمضنه عينه
كتلتتتتتتتتة! ماااااات ابن الصرصر
تخبلنه وكمنه نركص وهاي ديمه كامت تركص و تهلهل و خلصت راحت تراجع
كعدنه نضحك من كل كلبنه
صارت بال ١٢ ...
_ يلا ماما ديمه روحي نامي وراج كعدة من الصبح تجيج منار مو
_ لا عيني حتى هاي عافتني خل تولي ، اصلا بالطكاك اني اروح وحدي
_ ديلا تمام
_ تصبحين على خير يالغاليه
_وانتي من اهله حبيبتي
............................................................
سنا :- كالعاده قبل لا انام اروح اجيك البريد ، عمو سالم هالايام يذبه بالصندوك ويروح
حقه تعب عليه ،
رحت وجان صدك الكة رساله من المقموع مراد بيك
صعدت واني اتمركص بالمشي
دخلت للغرفه وبديت اقراها
" هلا يابعد كل شيبه بيه ، اي والله اني هم مشتاك كلش لصوتج سبحان الله من نعومته تكول صخله توها مخلفه، اي والله ، اروحله فدوه بعد بيتي بيتج  ، ان شاء الله يوم نفرح بيج وبيه ، حبيتي افديج بجلاويي وحك هو الله ، انه جاي السبت ان شاء الله ويصير خير بس اريد التقي بيج على انفراد بمكان ال^^^ ويصير خير ، يلا اودعناكم ،"
صفنت عالرساله بعدين طكيتها ضحكه للضالين متتت على حجيه صح مو رومانسي بس صدك موتني ضحك حبيبي الله يحفظه ، الظاهر التدريب والعسكريه ضاربه ع واير الرومانسيه ،، يارب يرجع سالم غانم
نمت واني حاضنه الرساله ،
..................................................................
ديمه :- كعدت من ال ٦
توتر ، خوف ، طيحان حظ
_ ماما يلا اني راح اروح ادعيلي بداعتي
_ الله يسهلج ماما
_ اوووف ريتني هسه بمكان سنا نايمه واشوخر
_ دولي لا تكمعيها
_ باااي
وصلت للمدرسه واني كلي خوف وتوتر
البنات يتلاطمن و شويه وينصبون جادر ويكلبون القاعه عزه
رحت لمكان شويه بعيد اريد اراجع بهدوء لان كلش هوسه
كعدت على مصطبه بالساحة شويه مكسره بس ع الاقل شويه المكان هادئ
كعدت وبديت اراجع ، تخبلت على غفله وحجيت بصوت عالي
_ ياااارب ع هالدراسه اجيب درجة بيها حظ
سمعت صوت لطيف نازك جاوبني
_ لاتخافين تجيبين درجه عاليه
يمه هاي منو ، ولا حسيت بيج ههههه
_ هههه شلونج ديمه
_ هلو مريم الحمدلله موزييينه ،
_ اكيد من وره الامتحان ، هههه لتخافين والله هسه تشوفين تجي سهله وتفرحين
_ الله شهالايجابيه من الصبح ، هههه والله يا حبيبتي اني ادري بحضي اغبر و ميعدل
_ لا بالعكس صدكيني انتي شاطره وتجيبين الدرجة العاليه بكل سهوله
_ حبيبتي مريومه تسلمين ، صفنت ، باعي تكدرين تنتظريني قبل لا تطلعين عندي حجي وياج
_ اي اكيد انتظرج
_ اي خوش
اندك الجرس ،
_ يمممممممممممماااااااااااي حشخ جوايه دخيلك ربي سهل
ضحكت عليه وهي تكول امين
صدك وجههة بريئ ولطيف تنحب كلش
دخلت للقاعه ، انصدمت بسهوله الاسئله وتذكرت كلام مريم ،
طلعت من القاعه
_ يا الله سهلللللة ، وين مريم
اي هذيج ،
واني امشي شفت نور مكمبصه تلم غراضها باوعتلها صفح
ورفعت خشمي ومشيت ، اي هذا مصير كل من يشيل خشمه ويرفعه و يتكبر
بس شكلها طايح حضه صايره هادئه و متسوي شي الظاهر الله هداها المهم تجفيني شرها
لمحت مريم من بعيد ولوحت بيدي الها
_ هلو مريم ولج صدك سهله الحمدلله
_ مو شكتلج هههههه مبروك عليج من هسه ال ١٠٠
_ ان شاء الله ثنيناتنه مفولات ههه ، باعي مريم ، بس اريد اشكرج كلش على موقفج ويه امي كلش اشكرج لولاج جان مصدكتني و لا دارتلي بال صدك ماعرف شلون اجازيج
_ ميحتاج تشكريني والله انتي انسانه طيبه ومظلومه وقررت اساعدج لان محد وكف وياج
_ شكرا والله فلا انسالج هذا المعروف ، دمعت عيني من كلامها الطيب ومواساتها و طلع كل اللي جنت كاتمته
سحبتني وحضنتني وهي تكول ، ميخالف الظاهر كاتمه هوايه
هي حجت هيج اني ضليت بس ابجي
_ اسفه ماعرف شبيه بس ابجي ههههه
_ ميخالف حبيبتي مبين عليج الحزن ذاك هو ، عينج كلها حزن ووجهج مفضوح
_ ماعرف شكلج بس والله صدك حجايه امي ورده مال الله ولو ملحكت تعرفج بس ارتاحلتج كلش
_ عيوني والله اني هم كلش
_ نصير صديقات
_ اكيد ،
ومن هذا اليوم بلشت صداقتنه وتقريبا صرنة مقربات ، لدرجه صرنه عبالك خوات ابد منفترق ، الحمدلله
.................................................................................................................................
سنا ، ديمه خطيه اول يوم الها ، الله يسهل كون الاسئله سهله
خل انزل اشوف امي
سمعت صوت عالي شويه يعني مسموع
_ اي والله ام عصام شبيج اذا تريدين سئلي صديقتها ، بس امانه لتكليلها اني الكلتلج
ام عصام_ والله لا اعلمها هي وصديقتها !
نزلت ركض جوه
ماما ، ها هلو عمه شلونج
_هلا عمه الحمدلله
_سناااااهذا الكلام صدك!
يتبع............