< بارت ٩>
#رسائل_ملقاة_على_قارعة_المجهولكلشي ضدي
حتى هذا الليل ضدي
من بديت اسهر
غفة وخلاني وحدي
هو اني شظال عندي ؟
غير الصور ودموع خدي ... !
(منقوله )الكاتبه شغف🤍
......................................................
دخلنا بسرعه للمطبخ ،
انصدمنا بديمة واكعه بالكاع ودتنزف دم غزير كلش من ايدها
وجان بيدها الثانيه سجينه مدمايهام عصام:- دخيلك ربي ديييمة ، فتحي عيونج يمة ، ياربي جنيت على البنيه ، من كون الله ياخذني اذا صار بيها شي
سنا:- يوم مو وكت هذا الكلام هسسسسة ، البنيه جاي تنزف صدكككك تحجييين اتصلي على. الاسعاف يوووم البنية راح تروح من ايدينا
امي كامت ترجف بقوه ، و صعد ضغطها ،
دخيلك ربي هسه عليمن التفت ، اختي اللي دتنازع الموت لو امي
اتصلنا بالأسعاف بأقصى سرعه ،_يمة وصلو السدية يلا بسرعه لبسي عباتج
دخلنة ويه ديمة واني جنت حاطه وصلة على جرحها و لو مديفيد من كد ما نزفت
امي تبجي وتصيح و فقدت كلش ،_ كلة من ورايه... كله من ورايه ... الله ياخذني ... الله ياخذنييييي
_يوم اهدي عفيه الله ينطيج لتخبليني مو وكت هسه عياط
نسمع ابو الاسعافات ، يتصل ،_ بسرعه جهزوا صالة العمليات للمريضه ،
شباب زيدو الاوكسجين
عجلللل بسررعه... بگلبي اكول ، ربي بس هالاخت بقتلي ، ربي اعطف على حالنا ، يارب عديها سلامات
وصلنا للمستشفى تلكوها كادر ممرضين_ يمة بس كولولي بنتي شبيها ، بس احد بيكم يفهمني دخيل الله ودخيلكم
سنا... اجه دكتور آيه من الجمال صلوات طول بعرض و عيونه يمه سحلني سحل ،
خربببعرضج سنيه بالله هسه وكت زحف واختج دتصارع الموت جوه ، والله هذا الورم اللي براسي الظاهر ينرادله نعال بلكي يصحصح_ خاله رجاءا احنه راح نسوي العلينا انتي بس توكلي على الله
_يمة اروحلك فدوه مستعده افديها بكلبي وروحي بس طلعوها سالمه اموت ولا تفاركني
اباوع لأمي ، والله جنت ادري بيها مستحيل تكون كد كلمتها وكت العصبيه ، تبقى ام ومستحيل تتخلى عن ضناها
اختي...
اختي...
فزيت على صوته_ نعم تفضل دكتور ، تحاجيني اني
_ اي نعم صار ساعه اصيح عليج ومتسمعيني وين جان بالج
_اعتذر اخويه جنت شارده تفضل
_احتاج متبرع للدم فصيلته o+
أنت تقرأ
"رسائل ملقاة على قارعة المجهول "
Romantiekاشْـتَقتُ يـا لَـحْنَ الحَيَــاةِ وَ عِــطْرَهـا هَـل أَنـتَ مِـثْلي يَعْتَـرِيكَ تَوَجُّـدُ؟ يــآ لَيْـتَ لي قَلْبًـا يُصابـِرُ في الهـَوَى أو لِلْـمَشَاعِرِ جَـفْوَةٌ وَ تَبَـلُّدُ عَصَفَـتْ بِنـا الأَيَّـامُ مُـذْ جَـارَ النّّــوى شَــوْقٌ يَل...