Oops! This image does not follow our content guidelines. To continue publishing, please remove it or upload a different image.
Zhan Shan Wei Wang / fantasy-romance, comedy, vampire, werewolf
__________
unicode
__________
မနက်ဖြန်ဆိုရင် ကျွန်မ ကောလိပ်စတက်ရတော့မယ်။
မွေးရပ်မြေကနေ နေရာသစ်၊ ကျောင်းသစ်ကို ရုတ်တရက်ပြောင်းရလို့တစ်မျိုးကြီးဖြစ်ပေမယ့် မတတ်နိုင်ဘူးလေ။ အဖေနဲ့အမေက ဒီဘဝဒီမျှပဲဆိုပြီး မပြောမဆိုကွာရှင်းလိုက်ကြတာကိုး။
နောက်အိမ်ထောင်ပြုမယ့်အဖေနဲ့ လိုက်နေလို့လည်းမဖြစ်တော့ ဝါရှင်တန်မြို့နယ်၊ ဖော့စ်မြို့ကို အမေနဲ့ပြောင်းလာရတယ်။ ကျွန်မသဘောကျတဲ့ Twilight ဇာတ်လမ်းတွဲထဲကမြို့ကိုပြောင်းရလို့ မသိမသာပျော်မိတာတော့အမှန်ပဲ။ အချိန်ရရင် အဲ့ဒီကျောင်းကိုသွားလည်လို့ရတယ်မဟုတ်လား။
“မစ်ခဲလာ (Mikkela) အဆင်ပြေရဲ့လား သမီးလေး”
အခန်းထဲအထုပ်ချနေတုန်း အမေဝင်လာတယ်။ အရွယ်တင်တဲ့အမေက လိမ္မော်ရောင်ဆံပင်ရှည်ကို အပျိုလေးတစ်ယောက်လို ကျစ်ဆံမြီးကျစ်ပြီး ကလစ်လှလှလေးပန်ထားရဲ့။ တကယ့်အပျိုလေး ကျွန်မကတော့ ၂၄ နာရီ ပွစလောင်းလန်နေတဲ့ဆံပင်ကို စတီးဘီးကုပ်လေးတစ်ခုပဲကုပ်ထားတာပေါ့။
“ပြေပါတယ် အခန်းလေးက မကျဉ်းမကျယ်နဲ့ချစ်ဖို့ကောင်းတယ်”
“သမီးသဘောကျဖို့အဓိကပါပဲကွယ်၊ ပြီးရင်အောက်ဆင်းခဲ့ဦး၊ ခဏနေရင် အမေ့သူငယ်ချင်းလာမှာ သမီးနဲ့မိတ်ဆက်ပေးမယ်”
“ဟုတ်”
မစ်ခယ်လာတစ်ယောက် ဖုန်းကဖွင့်ထားတဲ့သီချင်းသံတငြိမ့်ငြိမ့်နဲ့ နေရာချပြီးနာရီဝက်လောက်အကြာ အိမ်ရှေ့ကိုကားတစ်စီးဆိုက်လာတယ်။ ပြတင်းပေါက်ကလှမ်းကြည့်တော့ Kia Picanto ကားတစ်စီး။
YOU ARE READING
Dear Spring [One Shot Collection]
FanfictionCollection of BJYX, ZSWW, LSFY one shot stories Written with love and effort, Tianyi
![Dear Spring [One Shot Collection]](https://img.wattpad.com/cover/263795705-64-k883300.jpg)