Oops! This image does not follow our content guidelines. To continue publishing, please remove it or upload a different image.
Zhan Shan Wei Wang / fantasy-comedy (fluffy)
_________
unicode
_________
Hanahaki ဆိုတာ အဖျားရောဂါတစ်မျိုး။ ဘယ်လိုအဖျားလဲဆိုတော့ အချစ်ဖျား။
ဂျပန်လူမျိုးတွေရဲ့ စိတ်ကူးယဉ်ပုံပြင်တွေထဲ ဒီ Hanahaki ဆိုတာလည်း တစ်ခုအပါအဝင်ပေါ့။ လူတစ်ယောက်အပေါ်ရှိတဲ့ တစ်ဖက်သတ်အချစ်တွေ များပြားလျှံကျလာတဲ့အခါမျိုးမှာ Hanahaki ခံစားရတတ်တယ်။ အဖျားလက္ခဏာကတော့ ကဗျာဆန်တယ်။ ချောင်းဆိုးတိုင်း ပါးစပ်ကနေ နှင်းဆီပန်းရောင်စုံ ထွက်ကျတယ်တဲ့။
ပန်းတွေနဲ့ဝေပြီး ပန်းရနံ့သင်းပျံ့တဲ့ ဒီအထူးအဆန်းရောဂါကိုကုဖို့က နည်းလမ်းတစ်ခုသာရှိတယ်။ ကိုယ်တဖက်သတ်ချစ်တဲ့သူကို ဖွင့်ပြောရင်ပြော။ မပြောရင် တစ်သက်လုံးချောင်းဆိုးနေမှာပါ။
သာမန်အချိန်ဆို လည်ချောင်းယားတဲ့အခါသာ ချောင်းဆိုးတတ်ပေမယ့် ချစ်တဲ့သူကိုတွေ့ရင်တော့ အဆက်မပြတ် ချောင်းဆိုးတတ်၊ ပန်းတွေထွက်ကျလာတတ်တယ်တဲ့။
ဟုတ်ကဲ့ ကုသဖို့နည်းလမ်းက တစ်ခုပဲရှိပါတယ်။ ချစ်ရင်ချစ်တယ်ဖွင့်ပြောပါ။ အငြင်းခံရရင်တောင်မှ အဖျားပျောက်ပါတယ်တဲ့။
××××××××××××××××××××××××××××××××××××××××××××××××
"အဟွတ် အဟွတ်!"
"လန့်လိုက်တာဟယ်"
အစ်မဖြစ်သူက ကော်ဖီတစ်ငုံသောက်ရင်း မျက်စောင်းထိုးတယ်။
"ငါလည်း ချောင်းဆိုးချင်လို့ဆိုးနေတာမှမဟုတ်တာ"
ရှောင်းကျန့် ပါးစပ်ထဲကထွက်လာတဲ့ နှင်းဆီပန်းတွေကိုစုရင်း ပလပ်စတစ်အိတ်ထဲထည့်လိုက်တယ်။ အိတ်အကြည်လေးထဲ နှင်းဆီပန်းရောင်စုံပြည့်နှက်လျက်။ ရိုးတံမပါဘဲ အပွင့်လိုက်တွေပဲမို့ ပန်းအကြွေတွေကို အိတ်ထဲထည့်ထားလားမှတ်ရတယ်။
YOU ARE READING
Dear Spring [One Shot Collection]
Fiksi PenggemarCollection of BJYX, ZSWW, LSFY one shot stories Written with love and effort, Tianyi
![Dear Spring [One Shot Collection]](https://img.wattpad.com/cover/263795705-64-k883300.jpg)