![[Swarley တို့ဘက်မှာ internet အဖြတ်ခံရလို့ အခုကစပြီး cover pic တွေကို ကျနော်ကိုယ်တိုင် edit ပါမယ်]](https://img.wattpad.com/1e2f90655bcbb702d8c267afc1f5c46616d5d155/68747470733a2f2f73332e616d617a6f6e6177732e636f6d2f776174747061642d6d656469612d736572766963652f53746f7279496d6167652f4842527363505730686a683144413d3d2d313035313835323739322e313638323930336338323432313039353939373031393634303032322e6a7067?s=fit&w=720&h=720)
Oops! This image does not follow our content guidelines. To continue publishing, please remove it or upload a different image.
[Swarley တို့ဘက်မှာ internet အဖြတ်ခံရလို့ အခုကစပြီး cover pic တွေကို ကျနော်ကိုယ်တိုင် edit ပါမယ်]
Bo Jun Yi Xiao / possessive romance
_________
unicode
_________
မီးရောင်လင်းလက်တဲ့ခန်းမကျယ်။ မီးဆိုင်းကြီးတွေထိန်ထိန်လင်းလို့။ ပွဲအပြင်အဆင်က အံသြဖွယ်။ ကြွရောက်လာတဲ့ဧည့်သည်များကလည်း အကောင်းစားဝတ်စုံ၊ တန်ဖိုးကြီးလက်ဝတ်ရတနာတွေနဲ့။ လက်ထဲမှာ ဝိုင်တစ်ခွက် သို့မဟုတ် ရှန်ပိန်တစ်ခွက်စီကိုင်ထားရင်း စကားစမြည်ပြောနေကြရဲ့။
“သူဌေးရှောင်းကတော့ အသက်သာကြီးသွားမယ် ရုပ်ရည်ကအရင်အတိုင်းပဲဗျာ”
“ကိုယ့်လူကမြှောက်နေပြန်ပါပြီ”
“မြှောက်ပြောစရာလားရှင် အဖေနဲ့သားနဲ့ယှဉ်ရင် ညီအစ်ကိုတွေလားတောင်ထင်ရတာ”
သူဌေးရှောင်းခမျာ ချီးမွမ်းသံတွေကို မချိပြုံးလေးနဲ့ပဲတုံ့ပြန်ရတယ်။ အပိုတွေပြောနေမှန်းသိပေမယ့် လောကွတ်ချော်သင့်တယ်ဟုတ်။ ကိုယ်ဖိတ်ထားလို့လာတာကို အလိုက်သင့်တော့နေပေးရမှာပေါ့။
ပြောရရင် ဒီပွဲဖြစ်စေချင်တာမဟုတ်။ အသက်ကဖြင့် ၅၅နှစ်ရှိနေပြီ။ ဒီအရွယ်ကြီးမှ မွေးနေ့ပွဲဆိုတာ ကသိကအောက်နိုင်လွန်းတယ်။ ဒါပေမယ့် ချစ်ဇနီးကိုယ်တိုင်စီစဉ်တာဖြစ်လို့ ငြင်းလို့လည်းမဖြစ်ပြန်။ အခုလိုဆိုတော့လည်း သိပ်မဆိုးလှပါဘူး။ ငယ်သူငယ်ချင်းတွေပြန်ဆုံတယ်။ လုပ်ဖော်ကိုင်ဖက်တွေနဲ့ စကားစမြည်ပြောခွင့်ရတယ်။ မတွေ့တာကြာတဲ့သားငယ်နဲ့လည်း ပြန်တွေ့ရတယ်လေ။
“ပါး”
အနားရောက်လာတဲ့လူငယ်လေး။ အနက်ရောင် suit ကိုမှ နက်ကတိုင်မပါဘဲဝတ်ထားသူ။ အရပ်တော်တော်ရှည်ပြီး အသားအရည်လည်းသိပ်လှပေ၏။
YOU ARE READING
Dear Spring [One Shot Collection]
FanfictionCollection of BJYX, ZSWW, LSFY one shot stories Written with love and effort, Tianyi
![Dear Spring [One Shot Collection]](https://img.wattpad.com/cover/263795705-64-k883300.jpg)