رواية # عشق أهل الأنبار
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميعمن قريت الرسالة كعدت على طرف الجرباية مصدومة من رده بس لا بالحظة غضب مني نهت كلشي بيناتنه وراح يدمر أهلي تشجعت للحظات ومسحت دموعي بإيدي
بسرعة ورديت...
والله مو بقصدي صارت بالحظة غضب وأنت هم مدري شلونك اتصل ماترد على الرسائل لرسلها
لك عبالك متعمد تجاهلني_ تريدين ننهي كلشي بيناتنه ؟
_ ليش هيج تحجي رائد ؟!
_هذا الحجي منكم أنتو ومنج أنتِ مو مني
طلع أنتِ تخليتي عنه من أول
مشكلة صارت_ماتخليت
_تخليتي ادزلج الرسالة
_من حقي ترى اتعصب واحظرك خلي روحك بمكاني لو انه هيج مسويه وياك مو جان اجيت
للحلة وبوسط بيتي الكاك_ انه احبج
_وانه هم احبك
_اوووف وأخيراً كالتها مشتاقلج ام الصخول
بكد عرايكي ويه أهلج_ شوكت تبطلون عرايك ؟
_من ينطوني ياج ابطل عرايك
_رائد عليك الله لا تاخذ فصل من أهلي والله ماعدهم ولحد الآن مطلوبين دين على
البيت لكاعدين بيمارد اتصل رفعت خط ...
الووو_هلاوات يروحي والله افهمج ومقدر ظروفج وظروف أهلج بس اخوج مؤمن حشاج واحد چلب طابك ويه عمج عبالك مو عمه اخو ابوه عبالك اخوه ابن امه وابوه ويدافعله بكرون حديد .
_اعرف والله هسه ندمان بكد شعر راسه
_خلي الندم يفيده
_رائد عوفك منه ومن زيد وعمي وفض الشغلة
بدون افصول لو محاكم فدوة رحت لطولك
رائد لا تاخذ فصل_ تدرين خوش فصل بيهم ههههه
_رائد ماعدنا تفهم شنو ماعدنا
_انتو شعليكم مؤمن وعمج ابو الدجاج يدفع الفصل وخل العشيرة تلمله جزء من الفصل شنو الشغلة هيته يهدد ويتهمون بالقتل ويحجي على العشيرة
_اعرف موهيته غلطة وصارت شنسوي بعد وعمي خطية هواي تضرر خسر ملايين بعد
مامات كل دجاج الحقل ._هاي حوبتي الله طلعها بي
_لا والله حوبتي انه
_مافهمت شلون حوبتج ؟
_راح احجيلك كل السالفة رائد بس لا
تتعصب وتكب بوجي_ماشي احجي ؟
حجيت السالفة كلها شلون أهلي جبروني اتزوج زيد وجان الزواج عباره عن مصلحة كل هم عمي من هذا الزواج قطعة الأرض اللي بصف الحقل مالته
أنت تقرأ
عشق أهل الأنبار {مكتملة }
Mystery / Thrillerقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد #للكاتبة رواء هادي