#رواية # عشق أهل الأنبار
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع
نامت باعدة عني كلش نايمة على طرف الجرباية دفعة بسيطة مني توكع بالكاع شمرت التلفون وقتربت منها رادت تكوم حضنتها قوي
ودفنت رأسي بركبتها .
_شلون عينج نامت وقلبي يون ؟
حركت جسمها قوي بحضني وكالت
بصياح ... عوفني رائد
_اهدئي زينب اريد احجي وياج
_ماعندك شي تكوله غير سدي الموضوع زينب وتغشمرني بجم حجاية مووو؟! .. عوفني رائد لك عوفني شبيك لا تبوس عوفني ولك عوفني
بستها بركبتها اكثر من بوسة احبها كلش وماكدر ابتعد عنها ... اسئلي اي سؤال
وراح اجاوبج عليه
_اييي عوفني اول
_ماكدر ولج مشتاقلج
_لو تحبني وتشتاقلي ماتروحلها
_هي مني ؟
_لتخوني وياها
_احلف بالله وكتبه ورسله ماعندي
وحدة غيرج أنتِ بحياتي
_ليش تجذب؟
_اشو انداري خل اتفاهم وياج
_مااا عوفني ادري مراح اجيب نتيجة
وياك من هذا النقاش
درتها علية وضميتها صدري ...
لا يجيب بس اسئلي ؟
_ااااه خنكتني انطيني مجال أتنفس
_وهاي انطيتج مجال يلا احجي
_خلني اكعد واحجي وياك مو مخليني
بحضنك اقل زلة مني اروح بيها
_هههه تمام
بعدت عني بسرعة كعدت كدامي رفعت ايديه خليتهن وره راسي اباوعلها تخزر بي ...
_ادري خزرات لو تشل القلب شل
_منو هاي ؟
_لتراسلني ؟
_اي؟
_والله انه شخصيا ماعرف هاي منو
_ليش تكذب ؟
_والله ماكذب
_مو تراسلها تالي الليل شلون ماتعرف ؟
_خل احجيلج السالفة كلها
_اي احجي ؟
_ شوفي زوبة قبل شهرين تقريباً أو اقل راسلتني بنية على الانستغرام وجانت ناشرة صورتي ومسويه تاك مخفي وكاتبة اريد مثل هذا المنتج
_هه منتج صرت ؟
_هاي سوالف البنات طايحات الحظ المهم ماهتميت لها صارت تراسلني وحتى رقم تلفوني عدها استغربت منين جابت الرقم عاد كلت خل
اتواصل وياها واعرف
أنت تقرأ
عشق أهل الأنبار {مكتملة }
Misteri / Thrillerقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد #للكاتبة رواء هادي
