رواية # عشق أهل الأنبار
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميعرائد حطمتني تحطم ام سعودي من دزت صور ومقاطع قديمة وياها اصلا انصدمت من شفتهم شلون مصورتني هاي بدون علمي هنا تأكدت
جانت ناصبه كاميرابغرفتها وتصور كل شخص ينام وياها .. كاتلني القهر وكفت وياها وساندتها ونقذتها من طليقها السابق وابن خالها وخليتهم ينسجنون وفرتلها عمل
وشقة وراتب شتريد بعد ؟!!
بالليل كاعد فوك السطح واشرب جكاير جكارة وره جكارة اعصابي تلفانه انهجم بيتي راحت مرتي حبيبتي لعاندت الكل وخخذتها جاي
افكر منو إلا مصلحة بدماري ؟ام سعودي كالتلي بوقتها جنت مجبورة سامحني معنها مجبورة تسوي بي لسوته منو هاي البنية لتدعي هي حامل مني وانه جاي استغلها
وشلون تعرف كلشي عنيوعن مساعتي لام سعودي ؟
طلعت من شرودي على نغمة التلفون طلعت التلفون
قاسم يتصل بك فتحت خط وميكرفون
نزلت التلفون بالكاع بصفي_نعم
_الوو وينك ولك رائد صدك لسمعته
مرتك زعلانة وتريد تطلك_اي
_ولك شجابك شوداك على ام سعودي ليش
هيج دمرت روحك ليش جاوب ؟_دمرت نفسي بنفسي وخلص قاسم مرتي ماتريدني
تدري بي شكد احبها قاسم راح تعوفني
انه بريء والله_بس كلي شوداك عليها ليش مارجعت
وياهم ليش بقيت ؟_حظي الخر ...بقاني هناك لو مسوي حادث ومتكسر ولا واصل لام سعودي الكحبة الساقطة انه لها
والله بس الزمها الا اثرم لحمها ثرم_شيفيد الكلام بعد الفاس وكع بالراس لازم تثبت برائتك لزينب قبل لاتلاص الأمور
اتصل بيها وفهمها_كرامتي ماتسمحلي اتصل بيها
_خاب ماتاكل تبن شنو كرامتك ماتسمحلك فوك ماأنت الغلطان وماتريد تتصل وتبرئ
موقفك والله حلوة هاي_هي ماتسمع مني وتصدك بيهم ماصدكت لكت زلة علية وتعاركت وراحت لبيت أهلها وتطالب بالطلاق هاي جزاتي لها حاربت الكل لما صارت لي
دللتها والله قاسم مامقصر وياها بشي هيج تتنازل عني بهاي السهولة من اول مشكلة تطلع تطلب الطلاق بدل ماتوكف وياي وتساندني ونعرف منو ورة هاي السالفة تتخله قاسم وتتركني الوحدي .
_هاي هن النسوان مايصدكن يلكن زله وديني لأهلي لو طلقني قابل جديدات عليك هسه ماعلينا تعوذ الشيطان وأتصل بيها خطية هسه مجابلة التلفون وكاعدت تنتظر اتصالك
أنت تقرأ
عشق أهل الأنبار {مكتملة }
Mystery / Thrillerقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد #للكاتبة رواء هادي