عشق أهل الأنبار {مكتملة }

البارت الأخير

الجزء الثاني # عشق أهل الأنبار
#للكاتبة رواء هادي #قراءة ممتعة لجميع
وقبل كلشي خلوا لايك وعلقوا
بين الفقرات.

مسك " مرت الأيام والشهر والحمدلله والشكر جبت بنوتة تخبل نسخة ثانية من عمتي ام قاسم الكل طاير بيها من الفرحة اولهم عمتي تموت عليها

علمود طلعت تشبهها تكول اللرايح والجاي مسك چنتي تحبني وطلعت بنيتها تشبهني هههه والحمدالله حياتي كلش مستقرة وكدرت
اتفاهم ويه عمتي

وخلصت من ريتاج بعد ماتزوجت بغداد أبد ماصارت تجي للانبار حتى عمتي كطعت رجلها من الانبار صار فقط بالمناسبات تجي ولا تمر بيه ولا تسأل

عني وهذا بفضل الله طبعاً خلصت منها ماعايزني مشاكل بعد ماستقرت حياتي ويه أهل زوجي المهم سيرين حياتها محلوة أبد كل يوم مشاكل هي وزوجها توصل للطلاق

وترجع مادري شلون ؟

رائد يكول كلما تريد تطلك تروح امها الام عباس تسوي واحد معدل وترجع الرجلها ينتهي مفعول السحر يتخاربون وصدك كلامه كل خمس
أشهر سته تكب العيطة

بيناتهم وترجع تخمد عبالك ماكبت من أساس ...

بس بنية وحدة عدها تكول هي ماتريد خلفة بس السمعته من رائد يكول ماتخلف  سمعت حجي من عمتي كوثر قبل فترة جاية زعلانة وحامل
رايحة منزلة الطفل

ومن منزله الطفل يابسة خلفتها وهسة رجلها يريد يتزوج عليها علمود الخلفة الله عاقبها لأن قتلت روح بريئة مالها ذنب وحرمها من الأطفال طول حياتها

المهم بنيتي سمتها عمتي " شمس" وين شموسة وين راحت شموسة رضاوي هو وياها حرب يغار منها لأن الكل هامله ومتفرغ لها اولهم قاسم روحه
من الدنيا شموسة صاير

ورائد يشيل ويدك بروحه يريد بنية من يكعد الصبح يجينه علمود شموسة لو يدز فروحة فاضل يجون ياخذونها له وعلاوي يغار منها انوب
اخاف ادزها لهم

اخاف علاوي ياذيها ولما دزيتها يزعل ومابينه حيل زعل ويا وهي يلكاها من الله الزعلة وتعال ياهو اليجي يراضي ابو علاوي إذا سوالة زعله ...

اجه رائد العصر اخذ قاسم وطلع وجه ماستفسر جان قلبي نقبص لأول مرة ينقبض هالقبضة وحسيت صاير شي من ملامح وجه رائد وقاسم
هم وجه صار مايتفسر

بالليل رجعوا اثنينهم واكفين بره بالحديقة تقربت من يم النخلة وختلت وره الجدع اسمع على كلامهم والصدمة الي طلعوا معرضين للتهديد
من جماعة ام ساندي ..

قاسم _ مايكدرون يسوون شي اطمن

رائد _ والله قلبي مامطمن أبد وخايف
لا يسوون شي بالعائلة

قاسم _ مايكدرون

رائد _كلشي يكدرون يسوون لازم تأخذ الاحتياط ونخلي حراس مراقبة ويه الطلاب المدارس
والاهل ماتطلع الوحدها بعد