رواية # عشق أهل الأنبار
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
رائد بقيت كاعد على نار اعصابي جكارة وره جكارة بس بالليل مخلص باكيتين جكاير على كوله محمد مشغل معمل مال دخان اروح وأرجع ومحمد
يروح ويرجع وياي
ويضحك لو يصور بي ويلغي عبالك مراسل وجاي يطني أخبار انوب خربت ضحك علية الصبح جاب الريوك وكعدنا نتريك انه ويا كل ثانية ارفع التلفون واشوف متصل بي أبوي امي واحد من أهلي.
للساعة بال١٠ ضبط وماكو أي اخبار منهم مادري ليش ايست وكلت ماكو اخبار زينة مادام ماردوا
الخبر لي محمد اجه كالب خلقته
_اففففف
_شبيك جنك مرة تطلك ؟
_انجبببب
_سودة بكصتك رائد مانطوك المره
رفعت رأسي اباوعله بصدمة ...
شنووو ؟
_هسه اتصل بي قاسم وكال لا تكول الرائد
كمت متعصب كلش ...
شنو مايكلولي شايفيني زعطوط كدامهم انه الهم هسه اروح اشتكي عليهم وخل اشوف واحد
منكم يدافع لهم والقرآن ابتلي بي
_أصلا مالك كلمة كدام الاهل للأسف والله
_هسه اعلمهم شلون مالي كلمة عمي هنا
_اي هنا
_جاي اروح اشتكي عليهم وماتنازل لو
تنطبق السماء على الأرض وحتى
زينب بعد ماريدها
رحت امشي روحي بطرف خشمي صايرة هذاك التعب لتعبته ويه زينب لما جبتها للدرب هيج تطلع تاليتها ماكو زواج وصلت غرفة
عمي دكيت الباب .
_تفضل
دخلت وضربتله تحية....
سيدي رايدك بموضوع
_اكعد بلا رسميات اريد احجي وياك
بقيت واكف ...
هيج مرتاح عمي
_ماشي اسمع بخصوص الموضوع سالفتك ويه
أهل البنية اللي تحبها ردولي الجواب
_ اعرف الجواب
_منو كالك ؟
_محمد كالي
_ لعد شبيك كالب خلقتك
_تريدني اضحك وافرح بعد مارفضوني
_رفضوك ؟!
_اي
_لا ياطايح الحظ محمد على هالسواية ولك
مارفضوك انطوك المره
بقيت صافن بوجه عمي مامصدك بكلامه ...
ولك انطوك المره شبيك صافن بوجي؟!!
_تحجي الصدك عمي لو تشاقه ؟
_يايوم مشاقي وياك انطوك المرة قبل ساعة اتصل
الشيخ العشيرة بي وكال انطونه المره
_ومحمد جان يضحك علية
أنت تقرأ
عشق أهل الأنبار {مكتملة }
Mystery / Thrillerقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد #للكاتبة رواء هادي
