﮼رياحين

البارت السادس

من يمك حچو بالشوگ
ما چان اعلى شفتك اسمي متمدد؟

عفتني بسرع ويسألون ..
واگلّهم چان متردد

وابچيلك بچي بكل ليل
ما باچي اعلى مستشهد ..

رياحين .. لغسق العلي
_____

بنص الليل حسيت بشعور غريب وجان حاضني حييل
شوي ووخرني عن حضنه .. وعرفته دخل بسابع نومة
عفته ورحت نمت يم امي وحضنتها
وهو ماحس عليا من عفته بقى نايم للصبح بس كل شوي انام واحس شي ديخنگني
اكعد مرعوبة اباوعله بس هو نايم ..
للفجر حسيت بشخص يصيح بإسمي على كيييف وبهمس

"تبارك" " تووته" ...
فزيت ويا طولي وارجف چنت متغطيه بچرچف خفيف .. ومن فزيت بقى وياي
عصرته لجسمي حيييل

تبارك: ها رضا
رضا: ليش عايفتني
تبارك: لا مو شسمه .. گلت يرتاح شوي
رضا: تعاي ما ارتاح الا يمچ اني
تبارك: اي اي جيييت

مشيت ليمه وارجف وهو بسرعة گام بوجهيي
فزيت ورجعت ليورا
مدلي ايده
تبارك: شبيك .. شصار
رضا: نطلع برا ؟ كلش مخنوگ
تبارك: لا مااكدر هسه يگعدون يشوفونه ماكو

رضا: غير مرتي! عليمن خايفة
تبارك: مو خايفة بس حيخافون علينا
مجاوبني طلع لبرا واشرلي بإيده وحچه بصوت ناصي ..
تعاي تووت

طلعت برا وچانت باردة كُلش والچرچف بعده وياي
گعد هو وگعدت يمه بيناتنا مسافة متر ..
انتبهلي واستغرب
رضا: ليش هالبعد؟
تبارك: لا بس باردة ومحسيت
رضا: باردة غير تكونين يمي
تبارك: لا هسه دفيت

رضا: ههفف استغفر الله شبيچ هسه ؟؟
عگد حاجبه وحچاها بنتر..
خفت منه وگمت فزيت من مكاني بسرعة
تبارك:حرجع هسه يگعدون
رجني بصوته العالي
رضا: داگلچ گعديي يمييي ويامن داحچي انه

چان لازم الچرچف من جوا وعاصره بكل حيله ..
رجعت گعدت يمه وارجف
وخر الچرچف عني وخلاه على شعري كله وجسمي

رضا: منو مخلينا بالزائد حتى هيچ حياتنا كلها اتغيرت ؟
تبارك: قدر الله بعد .. الحمد لله على كل حال
رضا : متأذي كُلش .. وهواي شغلات بدت تنمسح من بالي
تبارك: شغلات مثل شنو ..
رضا: ايام حُبنا والخطوبة وكلشي ..
تبارك: معقولة تنساهااا رضاا؟! اني حافظتها مثل ما حافظة اسميي !!

حچيتها بعيون مدمعة وشفايف ترجف ..
مده راسه لچتفي ونام عليه ..
غمضتت عيينيي حييلل وحچه بصوت هادئ ونبرة تعبانة ومبحوحة ..
رضا: احچيلي شوي
تبارك: شحچيي
رضا: اححممم عن ذيچ الايام ..
تبارك: منين ابدي ؟
رضا: اللحظة اللي اجت ببالچ هسه ؟

تبارك: ههههه اول بوسة بيناتنا ؟
رضا: ما ناسيها بس يلا احچيلي ..

.....
بأيام الخطوبة :