﮼رياحين

البارت الثالث

هُواي حبوني. لَچن
ماخذنيّ وجهَك
حِزني من وجُوه
ناسي الما تِشبهك
حِزني من يحچولي عنك
يا بعد كُل ضحكه بيّه وحِزني مِنك .

﮼رياحين،لغسق،العلي
_________

جيت حجيت لامي كتلها اريد اتزوج تبارك
ورايدها بالحلال خافت شوي وگالتلي
امي:رضا لتفشلني بعدين وياها هاي خالتك .. صح تبارك دائما اتمناها چنتي واحبها صح الله ما رزقني ببنات بس بنات اخواتي ماحسسني بهالشي
رضا:لا خلص يوم انا رايدها ؏ سنة الله ورسوله وجايها من الباب مو العب وياها ودزيتلها حچي وكتلها انا رايدج
امي:اي وشجاوبتك تبارك
رضا:البنيه فكرت وقبل اسبوع رجعت خبر انها موافقة
امي: خير ان شاء الله اليوم احجي ويا ابوك..

ثاني يوم رجعت من الشغل بالليل سبحت وجيت اتعشا
امي :حجيت ويا ابوك وابوك فرح وكال من الزينات اندزلهم خبر ونروح نمشي
دزينالهم خبر قبل لا نروح نمشي .. حتى نعرف جوابهم
رجعولنا انهم موافقين
بنهاية الاسبوع .. رحنا ليمهم بالحلة
خابرتها بالطريق
رضا: ها ابو التوت وين انتِ؟
تبارك: رضاااا حصير زوجتك اليوم وتكلي ابو التوت بعدك
رضا: اصلا احلى من اي كلمة غزل
تبارك: اامم اني بالصالون .. وين صرتو
رضا: حنوصل بالطريق
تبارك: اي اني هم مبقى شي

كل شوي ارجع اتصل بيها .. خبصتها خبص .. وردتها تشوفني شلون طالعة ومشوفتني
وصلنا بيتهم وهي جانت واصلة..
وابوها چان الوكيل مالها ..
عقدنا وخلصنا وگمت حتى افوت عليها واشوفها
شفتها وچانت لابسة بدلة زهرية .. ونازكة .. وشعرها الاسود فاتحته چانت طالعة احلى بنية تشوفها عيني
اتذكرت لمن اجتنا وبقت ٣ ايام .. فتت للصالة وهيج جانت بالصالة فاتحة شعرها وچان بطولها .. واسوود مثل الليل
بقيت صافن على شعرها وهي من شافتني راسا لمته ولبست شال ..

ضحكت وجان نفس شعوري من شفت شعرها اول مره ..وطايرين من الفرح .. بس الاختلاف هالمره مالبست الشال مني ..
چنت حيل فرحان ومو مصدگ
گلت تعب السنين راح وانتهى
وصرت اگول لنفسي " معقولة ياربي انتهى كلشي واخذتها "
دعيت الله يتممها علينا
____
گعدت الصبح من وكت .. لان اليوم مهري
چنت بالغرفة داحضر شكم شغلة واجت مرت اخويه (تصير بنت خالتي ) اللي هي كلش عزيزة عليا وصديقات احنه ..
- والله وكبرتي وراح تتزوجين
تبارك: ههههه يعمريي هي هاي الدنيا الحمدلله
- ولج تتذكرين من جيت حجيت وياچ وچنتي خايفة ..
....
قبل ما اوافق على رضا ..
چنت كاعده بالغرفة وحايره واحس روحي ضايعة مااعرف شسوي
خاف اختار قرار واتندم بعدين ..
اجت عليا مرت اخويه
- ها ولج وين جنتي صافنة
تبارك: هلا خيه... ولج ضايعة مااعرف شسوي شتنصحيني
- اخذي رضا لان متلكين مثله وعمرج وحياتج محد راح يفهمج غيره

اني وياها مثل الاخوات ونفس العمر من تزوجت صرت اختها يعني النهار اني كله بغرفتها وياها
رجعت من ذكرياتي ليوم المهر ..
تبارك: اي اي اتذكر .. الحمدلله احسن قرار اتخذته
- الله يهنيكم يارب ويفتحها بوجهكم .. ابد لتخافين وامشي دربچ اخضر