﮼رياحين

البارت الرابع

تواصلي معي
عن طريق الأغاني
هناك التقيتك
وهناك ايضا..
اضعتك
تعالي الليلة
نتحدث بالموسيقى

﮼رياحين،لغسق،العلي

اليوم الثاني جانت امي نايمه يمي وجانت ساعه ٥ الفجر سمعت اتصلو ع امي خالي اللي موجود يم رضا بالمستشفى خابرها وبصوت ناصي جانو بحچون .. سويت روحي نايمة حتى امي تحچي براحتها واسمعهم

سمعته يكول لامي لو تلحكون ع رضا لو ماتلحگون ..لان جاي يودع ..
فزيت من مكاني وبچيت..
تبارك: ششنوو يمه شنوو شديحچي خالي؟؟
امي: بسم الله بنتي اهدأي ماكو شيي رجعي نامي ارتاحي
تبارك: يممه على منو دتضحكييين داگلج سمعت بأذني !

گمت خليت شال على راسي وطلعت من الغرفة بسرععه حتى اروح وياها
وصلنا المستشفى بالگوه واحس روحي حتطلع من كثر الخوف عليه ..

فتت عليه للغرفة ..وچان حيل متأذي ومتدمر وفاقد للوعي
طلعت برا الغرفة وبچيت عليه لان ما اتحملت اللي صارله ولا گدرت اسيطر على روحي وابقى يمه ..

حچه ويانا الدكتور ..
الدكتور : حاليا ومثل متعرفون منتشر مرض كُلش مؤذي وعدوى
ابنكم شاكين بوضعه بي كورونا وعلى هالأساس راح يبقى بالحجر لأسبوع حتى نتأكد
- بس دكتور منيين تريد تجي واساسا محد بينا مُصاب وماكو حتى حالات بالعراق ..
الدكتور: ممكن كلش تكون عدوى من شخص .. هو مختلط باحد هالفترة
- دكتور غير عرسه قبل يومين
الدكتور: جائز كُلش تكون عدوى من الاشخاص اللي چانو بالعرس
المهم حاليا منگدر نشخص مرضه غير انه ممكن يكون كورونا ولازم نسوي الفحوصات اللازمة
- زين دكتور ابننا راح يطيب؟ راح يرجع يتشافى
الدكتور: ان شاء الله احنه نسوي اللي علينا والباقي نوكل امرنا بإيد الله

مرّ اسبوع كامل والدكاترة مو واصلين لحل ولا تشخيص لحالته
واهلنا
ساعة يگلولي فلاونزا .. ساعة اسمعهم يتهامسون بيناتهم انهُ رضا مو بخير
مر الاسبوع واثقل اسبوع چان .. على لحظة چنت راح اگع ويا طولي على هالصار ..

رحت للمستشفى بس بقيت گاعده بالممر منهارة كًلش ومو عارفة شسوي ولا رضا شنو بي
ساعه ابچي ساعه ادعي .. ساعة اصفن بحالي وباللي صارلي وبليلة عرسي وما تهنيت
شوي واجه صديق رضا يركض ..
- خاله خاله
جاوبته خالتي ..
- رضا يريد مرته

اني مصدگت سمعت هالحچايه وطفرت راسا للغرفة ..لگيته موجود وفاتح عينه ومابي شي راسا لزم ايدي ..حچيتله بنبرة حزن وعتاب وگتله
تبارك: ليش چنت تريد تعوفني.. انت مو واعدني نبقى سوا ليش هيچ دتأذيني
رضا: ابقي يمي ..
تبارك: انيي باقيه يمكك بس هو انت اللي ردت تعوفني رضا بعدنا مشفنا شي سوا الله يخليك قاوم وانا وياك .. والله ما اعوفك
رضا: تعبان انه
تبارك: سولفلي شبيك .. شصاير شنو اللي يأذيك بس گلي
رضا: كلشي يأذيني كلشي

رجع غمض عيونه وصار يون بصوت رايح
اتأذيت بالزايد على حالته وگلبي يوجعني عليه
اجو طلعوني لان مو مسموح ابقى گاعده يمه خصوصا هو مرضه مينعرف شنو من شي .. وخافو انعدي منه ومخلوني ابقى