بالبداية ..
* اعتبروها إشارة او رِسالة
' كُلشي من طَرَف واحد ما يدوم .
....وانتظرتك بين صفنات الليالي وجرح دخان الجگاير
وبين لچمتي وحسرتي وحيرتي .. وكسر الخاطر
وبين مدري او وين صاير
وانتظرتك هلبت تمر بي طيف يضمضم دموعي إعلى باچر
_____﮼رياحين .. لـ غسق العلي 🦌
....
دخلت للغرفة بدلت وصليت .. وكعدت ؏ التلفون شوي واجاني اتصال من رضاا .. رجف گلبي .. وايدي وكلشييي
اريد بس اجاوبه
انتبهت للساعة وچانت :9:09ضحكت حيل وگلت لروحيي " الرقم الملاك .. ملائكتك يحاولون تحذيرك من أن التغييرات قادمة ولكن هذا ليس شيئًا تخشاه. ثق في أن كل ما هو قادم في طريقك سيغير حياتك للأفضل. قد تكون هذه التغييرات صعبة ، لذلك عليك أن تكون شجاعًا وأن تتذكر أن هناك الكثير لتتعلمه من هذا الموقف."
فصل الخط ورجع اتصل جاوبته بسرعه وبلهفة واجاني صوته التعبااان .. بس ردلي روحي
رضا: مناوية ترجعيلي ؟ اشتاقيتلچ ..
٣ كلمات بس حسيتهن هزني هز .. رجفت ومسحت وجهي بسرعة ..
حكيت حاجبي واتجاهلت حچيه بالبداية وگلت ..تبارك: هلا رضا.. شخبارك
رضا: ماعرف مو المفروض تجين وتشوفين اخباري؟تبارك: بس اني گتلك ابقى يم اهلي شكم يوم بين ما اطلع من الحالة اللي دخلت بيها ..
رضا: اي هم حقچتبارك: مادري اذا حقي او لا
رضا: ليش
تبارك:ااممم ماعرف المهم شلون صرترضا: بخير بخير
تبارك: بخير بدوني؟
رضا: تركتيني وانتِ اللي دتعاتبين!
تبارك: مداعاتب اتمنى اصلا تكون بخير
رضا: اي خلص وگتلچ بخيربقينا ساكتين شوي .. وذكرياتنا چانت سيد الموقف
اتذكرت مكالماتنا قبل لنتزوج .. وشلون چنه فرحانين حيل وبيوم گتله :
......
فلاش باگ :تبارك: رضااا معقولة يعني راح تجي ايام احلى من ايام الخطوبة
رضا: اي تجي ليش لا بس ماعرف ليش يگولون ايام الخطوبة احلى ايام تمر على اي اثنينتبارك: اي صحح وهسه اصلا من يردون يتذكرون الاشياء الحلوة يتذكرون ايام الخطوبة راسًا
رضا: واول اسبوع من العرس هههههههتبارك: اويلي منو يتذكر ها بس انت
رضا: لا والله داحچي صدگ
تبارك: شلون يعني
رضا: يعني اللي اعرفهم يگولون اذا تضيگ بيك الدنيا اتذكر اسبوع عرسكتبارك: واحنه شراح نتذكر
رضا: وجودنا سوا كله على بعضه حلو
تبارك: الله يالثقة مراح تمل مني ؟
أنت تقرأ
﮼رياحين
Diversosبعد ان جمع بينهم الحُب و النصيب ألتقوا .. لتتفاجئ تبارك وتُصدم بأكبر رياح للتفرقة قادمة إليهم فـ هل ستُصمد من أجله وتداوي جراحه ؟ .. ام سيكون للقدر رأي اخر؟ ⁃ رياحين .. لـ ﮼غسق،العلي