﮼رياحين

البارت العاشر

ارد اگلك
كلشي بعيونك خذاني
وارد اگلك
فاهية عيون البشر
من غير رسمك
ارد اشمك
وارجع صغير واضمُك
ارد اشمك
واترس الدنيا ورد
انتَ يا اخر اُغنية تتيه
مني وماترد ..

رياحين .. لـ غسق العلي

_____

تبارك: صدك حبيبي خالة مسوويه دولمة
رضا: يمعودة دا اشاقة .. بس حتى نفلت
تبارك : يااا رضاا صدكك دتحچي لعد ايش ما بقينه للعصر و هم نتونس

ضحكت و غمزتلها .." حتى نروح نكمل نص ديننا مو كافي ؟ "

تبارك: عود تحجي صدگ بالله !! لاحگين لاحگين
رضا: ويعني انتِ ماشبعتي منهم صار ٣ ايام دصعدي صعدي

فتحت باب السيارة هي وتحجي ..
تبارك: مو قصة شبعتي ما شبعتي اهلي هذول احد يشبع من اهله
بس حتى نبقى سوا ووياهم ؏ الأقل بوحودك
رضا: اي ونرجع شكو بيها لتزعل ابو التوت

تبارك: يا صدكك نرجع يلا..
رضا: ولچ وييين فتحتي الباب اقصد بعدين نرجع يا رب علي صبرني
تبارك: على شنو يصبرك ها على شنو

رضا: مو عليچ يابه .. بس توته بشرفچ واضحة يعني مو اليوم اقصد
تبارك: يوووه رضا ليش كبرت السالفة
رضا: ولچ انيي كبرتهااا يا شبيج وياي انتِ !

تبارك: اها سكتنااا سكتنا
رضا: لتسكتين دخيل ربچ .. من تسكتين اعرفچ زعلتي غردي حبيبي غردي

تبارك: عصفور حتى اغرد يعني
رضا: اي حتى حلگ العصفور

تبارك: هالحلگ المو عاجبك كلشي ياكل لتگول حلگ العصفور والله كلشي دااكل
رضا: ااخخ الله منو كال ما عاجبني

تبارك: وشبيك عيني كلشي اتغير بيك حتى نبرتكك .. دخيييل ربك مو مرتاحتلك
رضا: والله لترتاحيلي احسن

تبارك: هههههه عصفوور ووكع بإيد ذيب
رضا: ولو المفروض اسميچ سمچة

تبارك: ليش يابه
رضا: غير بيبي تسميچ تونه ههههههه

تبارك: والله لزمتوها علياا شيخلصني
رضا: لعد شتردين شبي مو حلووو

تبارك: حلوو حلوو بسس الطير احسن
رضا: اافف احلى طيرة شافتها عيني

الطريق كله ظلينا نشاقة و كل شوية يخوف بيه و يضحك
تبارك : و تزعل لو حچيت وگلت اي اخاف وانت مستلمني عبالك ماخذني لتگصيب
رضا: سكتتت والله كلشي ولا تخليني گصاب

تبارك: ههههههه ويييين بابا وين سويتك
رضا: چا مو گلتي تگصيب
تبارك: وتگصيب يعني گصاب

رضا: ها نسيت ابو المخضر هو اليگصب ويذبح
تبارك: صدگ يعني وين صايرة هاي

رضا: اي صدگ ليش اول مره تسمعين
تبارك: يااا عبالي تتشاقة

رضا: ياعلييييي اي والله صدك ياعليييي

تبارك: شككوووو اههووو حبقى ساكته احسن
رضا: ولچ اني عليچ دتگليلي مو اگلك تگصيب يعني گصاب ..