بين قلبي والقدر
للكاتبه✍ #الشمريه❤
لا تنسون التصويت+متابعة للحساب
____
زيد: واكف يم الباب وايدي بجيبي منتظر يخلصون بعد ما خليت الاطباء يعيدون التحاليل كلها حتى اتاكد
_ هاي التحاليل تتاكد منها مره ثانيه
_ حاضر دكتور
_ شصار بتحليل الدم
_ بالمختبر هسه رايح اجيبه
شويه وتوصل التحاليل ونطمنك
زيد: ممنون
كرار: رسول تعال وياي اريدك
زيد: كرار اعتمد عليك اريد تحاليل عامه
كرار: لا تشيل هم
طلع اخذ ويا صاحبه ابتسمت هسه شتحسين حبيبتي
_ ولك يمه ايدي راحت من الابر
_ شلت ايدها بستها بيه ولا بيج
حر: شوف جدي بدينه
زيد: التفتت ها الحلو شبيك
حر: شوف جدي اجانه من امريكا وعنده عضلات شاف روحها
نوال: شبيك ويا ابني
حر: لا بالله واني شنو هنا لقيط
زيد: مددت بصف امي وخليت راسي ع رجليها اووف
هواي صارلي منايم مرتاح لعبي بشعري يمه معليج بهذا الهتلي
حر: هو هو اخلاق الغربه اثرت بيك
زيد: كافي راح اكوم العب الغالي
حسن: ولك حر خلي ع راحته لا تضوج اخوك
حر : استغفرالله ليش تحسسوني جايبيني من شارع
زيد: وهاي الحقيقه
حر: والله جنها هيج يمه اعترفي امي ياهيه
نوال: تخبلت يمه
حر: كله من ابنج
زيد: فزيت من مكاني راح ورا جدي جبان
حر : الهروب نصف الرجوله
زيد: لا مو عاقل أبد شكاعد تسربت
حر: المثل هيج مو جدي
حسن : والله يا جدي ما سامع بي كبل
حر : طبعا يأبه طبعا لو زيد الي حاجي جان كلت سامعه
زيد: رايح اشوف الدكتور لا دوخها سد حلكك
حسن: أخذني وياك
زيد: خليك مرتاح جدي
حسن: رايد اطمئن انا هم
زيد: طلعت عبالي ادخن طلع وياي جدي
لزمت ايده ماقبل ضلينه نمشي ونسولف
_ بشرني شلون شغلك وضعك كلشي تمام
_ تمام جدي كلشي ماشي
_ آخر مشروع نجح مو
_ ابتسمت اكيد البارحه خلص واني اصلا جنت حاجز ع يوم الخميس بس صارت سالفة امي ما كدرت انتظر
_ شلون عرفت بوضع نوال حر اتصل عليك
_ نزلت عيني لا مو حر
_ لعد
_ اتصلت ع حر وجان ناسي تلفونه بالبيت وجاوبتني
سحر وكلتلي
_ زين سويت واجيت امك جاي تتعب هواي بغيابك وليدي
_ هانت جدي هانت بس اخلي وضعي يستقر هناك احول كل شغلي هنا وارجع اصلا كاعد كوه هناك بس حلمي خليته حقيقه بسبب السفر جدي لو باقي هنا مستحيل احقق شي
لزم جتفي وبتسم وشفت بعينه نضرت فخر
أنت تقرأ
بين قلبي والقدر
Ficción Generalرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
