تم التعديل
...
شجن :جرني من شعري وصار قريب ع وجهي ويا كل كلمة يشد حيل ع راسي جاي احس شعري صار بيده ونشال من راسي
زيد: احجي ليش توترتي عندج علاقه قبل مو اي اكيد لو معندج عليش صفر وجهج نام وياج مو شمسويه هناك يابت الريف احجيييي
شجن:شعري راسي كام يوجعني ابوس ايدك هدني والله ماعندي شي والله العظيم وداعت نارسيه معندي شي ويا احد
زيد:اسمعي زين الراح احجي
صحيح اني اكرهج بس وداعت امي اذا سمعت لو عرفت بالغلط عندج قبل علاقه بأحد قبلي احسب الله ما خلقج
راح ادفنج وما اخلي احد يسال ع جثتح
سمعتتتتي راح اخليج تشتهين الموت كل يووووم
شجن:ااااي ااااي بس هد شعري وعلي جاي ينشلع
شعري من راسي اااااخ يممه
شمرني ع جربايه لميت روحي وكعدت مشه ع جنطته فتحها يفتش ع شي كلب الجنطه وشمرها غاد عبن ما لكا كعد ع قنفه ورفع رجليه كدامه ورجع راسه ليوره وخله ايده ع راسه دموعي نزلن وحجيت بصوت مخنوك شوف وعلي كل كلمه راح احجيها طالعه من كل گلبي ولاني مدوره دغش وياك صح ماهاويتك بس مو شجن بت كاظم التسوي الغلط
سبع سنين بنيه صغيره يتيمه ماعدها ام
مبدله ملابس المدرسه فرحانه عبن راح تروح وايدها بايد ابوها تعبر جم قريه حتى توصل لأول يوم الها بالمدرسه جده هي الضفرت شعري وسوتلي ضفاير حلوه وخلت شرايط بيض عليهن وحذائي جان اول هديه من أبويه شلت الجنطه ومشيت ويا أبويه ركبنه العربانه ويمشي بينه الحصان لحد ما وصلنه جنت فرحانه عبن ابوي وياي بس لمن هد ايدي وراد يمشي ويعوفني ركضت ورا ودموعي بعيوني كتله بويه وين عايفني كلي بويه روحي لصفج وتعلمي ولا تخافين هنا انه مامن عليج ماياذوج ضليت مجلبه بملابسه وما هديته بس هو هد ايدي من قميصه ومشه عني تعلمت بالمدرسه من اول يوم ضليت بي وحدي لازم اتعود راح اضل وقت كلش هواي هنا مازعلت من ابوي بس حزت بخاطري جرت ايدي من ثوبه وضليت ما احاجي لحد ما طلعو كل البنات ويا اهلهن من المدرسه إله انه ضليت متانيه أبويه ياخذني بس ما ردلي لحد ما صار الغروب وصل عمي حسن يصير ابو لمحسن محسن هذا اخوي الدنيا جابته الي ولمن سالته عمي ابوي وين شفته نزلت دموعه وكال امشينه بويه امشينه جدتج متانيتج اخذني ومشه من رديت لكيت جده تبجي والنسوان ينوحن وياها اسال عن أبويه مايرد عليه احد لحد ما صار الليل وانه حتى ما مغيره ملابس المدرسه اجتني جده وكالت عمت عيني عليج يا يمه يا شجن ضليتي لا ام ولا اب سالتها جده وين أبويه كلتلي ابوج مات لحك امج ابوي يشتغل بلام بس ما يعرف يسبح ولن مكلوب بي البلم ومجلب ملابسه بسمار بالبلم حتى ما طلع رأسه ينشد العالم تساعده وطلعه
بنيه عمرها سبع سنين ماتعرف شني موت ضليت الليل كله صافنه ع جده وهي طر الصبح وبعدها تنوح كتلها جده انه جوعانه رايده اكل حتى اروح للمدرسه بس ولا جنها تسمعني ومن ذاك الوكت جده خذتني مره وحده للمدرسه وتالي تعبت مره جبيره مو مال كلساع تمشي عاد ضليت اروحن بوحدي لحد ما خلصت السادس جده تعبت كلش ضليت أنه اسرح بدجاجات وصخول وعدنه نعجه وبقربه شيطلعنه ناكل بيهن أنه وجدتي وشتغلت بكاع عدنه مسؤول هناك بالريف غصب عني اشتغل ويا عبنه ماينجرع بس حتى اطلع جم فلس يجيب دوه لجده
أنت تقرأ
بين قلبي والقدر
General Fictionرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
