رواية بين قلبي والقدر
للكاتبة الشمرية✍️❤️🩹
لا تنسون التصويت للااستمرار
...............
استسلمت ما قاومت مثل الواحد مأيس ماله شي ينتظره نزلت ايدي ورخت حركة رجليه نمل جسمي واحسه صار مثل الثلج وبده يسحبني الماي شويه شويه
كرار: اني عن نفسي ابات بالعيادة واذا تريد وياي هم ونس وهم تخلص اليل ادري بيك تضوج من الازعاج بس تحمل
زيد: عادي مو مهم المهم تقنع امي وترجع وياي معانده تعبتني بس لو اعرف شعدها ويا هيج ناس
كرار: هسه هي تدري بيك هنا
زيد: ما اعرف اتوقع لا احس روحي اختنكت
كرار عندك جكاير
كرار: خلصت خلي ادز واحد من الولد يجيبلنه
زيد: لا خليك كمل شغلك اني طالع وعود ادور
طلعت من العيادة
لمكان هدوء وصوت النهر هيج أجواء تعجبني بس الصبح أعوذ بالله هوسه ما تفتهم شي كعدت ع حافة المي ما يبين شي منه غير لون السواد سواد اليل أتلفت حواليه صوت حركة بس بعيده شفت بنات ثنين بعيد واكفات ضلمه ممبينات عرفتهن من العبي شعدهن طالعات بهل ليل ضليت اباوع عليهن بعدين طلعت تلفوني شفت رساله من سحر قبل لا افتحها سمعت صوت حركه بالنهر مثل الوكع شي التفتت وشفت وحده منهن نهزمت بس الثانية..
صفنت معقولة
ركضت ناحيتها ماكو أثر الها نزعت قميصي وغراضي بس شلون ضلمه
شمرت روحي ع مكان وكعتها ما هتميت للضلام والمي ثلج ادور عليها ماكو لحد ما طخت بأيدي شي شلته عبايتها رفعتها اكثر طلعت ايدها مجلبه بيها لزمتها رفعتها عليه وطلعتها من النهر بس بصعوبه
ركزت بوجهه هاي نفسها البنيه شعدها طالعه بهيج وقت اضرب ع وجهه اكعدي يمعوده شلون ورطه
ضربت ع جهة كلبها حيل بأيدي رجعت خليت ايدي ع صدرها ودست حيل مره مرتين تلاثه مالها نفس ضليت اباوع حواليه ماكو احد يساعدني رجعت عيني عليها ولزمت ركبها عدلتها
تقربت منها وحضنت شفتي شفتها ك اخر امل تنفسي يلااا للحظة نسيت نفسي وعضيت شفتها كل قوتي شهكت لزمت راسها ودرته ذبت المي كله باوعت ع ايدي لازمتها كل قوتها وتشهك من البجي
شجن: ايد نمدت الي حسيت ابوية جان حاضرني وانه اغرك ما عنت نفسي جنت مستسلمه للماي وايد جرتني حيل
أنت تقرأ
بين قلبي والقدر
General Fictionرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
