رواية جديدة بقلم الشمريه
بين زوارق الريف وضجيج المدينة هناك ابطال يرسم كل واحد منهم طريق حياته
ليحذف القدر ما يرسمون ليحدد ما يريده لهم
فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط
هل تتقبل ما كتبه القدر لها ام ت...
نوال: صحيح يمه جان مسافر بس رجع قبل يومين تعال يمه سلم هاي بيبيتك
شجن: ضل بمجانه ما حجه ولا تحرك اشرتله خالتي بعينها نزع البرجلي ودخل
نارسيه: كالو كبر وصار زلمه بس ما تخيلتك هئيج يحرسك لشبابك ياجده كبر وليدج وصار جده حسن الثاني ينويله
شجن: لن الحايط حجه وهو ما حجه بس عاكد حاجبه ويعاين جدامه وجدتي خذته حاصل فاصل وشهرته شهيره ههههههه
نارسيه: بعدك شلولو ولك زبيد
زيد: لا حول الله التفت ع امي تخنزر وتعض بشفتها سكتت
نوال: يمه بعدج صيحيله زبيد هههههههههه
نارسيه: فلك اسود جان موش فرخ كاعد يمج ديرين وجهج تلكي مختفي طلعين باب الحوش ما يخلي فرخ ما يكتله اول ما صار عمرك خمس سنين طحت بنهر والله نجاك من ساعتها لا شفتك ولا شفت اميمتك اااه الله يسامح الجآن السبب
نوال: يمه يبعد عيوني اهم شي رجعت اشوفج بخير وسلامه يمه زيد هاي شجن بنتها لبت خالي مليكه ما تعرفها بس هي جانت تموت عليك الله يرحمها
شجن: ع نفس وضعيته دار عينه بس صفح ورجع شالها عشتو طلع صدك شايف روحها
زيد : اترخص رايح اسبح أهلا وسهلا بيكم
نارسيه: وليدج جده الثاني بس اطباع ابو
نوال: وووف يا يمه فات كلبي حتى السكر لفني من ورا رايح هناك وعايفني لأ سنه ولا سنتين وراكب راسه لا يزوج ولا يرد هنا
