لا تنسون التصويت + متابعة للحساب
قراءة ممتعة #الشمرية✍️🕊
______
صبا : حترمي نفسج سحر وعرفي حدودج
شجن: خليت عيني ع كاع ما شلتهن ابد يجرن وامسح دموعي من بورا شيلتي دخلت ام علي كضت ايدي وهدت بيها تكاونن بسببي اجيت اكلها خليها لا تحجي وياها ما تسوه مانطتني
فكه احاجيها الزلمه شافهن هئيج خله وطلع
سحر: وانتي شكو تدخلين
صبا: ادخل وانتي منو وتحجين ع غيرج بهاي الطريقه
وتنزلين من مقامهم كليلي انتي منو شايفه روحج
سحر: شوفي نطيتج مجال تحجين سدي حلكج احسن ال..
نوال: شصاير هنا شبيجن
شجن: اجت البت تحجي سبكتها ام علي
صبا: دخلت اغير ملابس علي وخليت شجن يمجن يمه انتي والحجيه رجعت للمطبخ لكيتها حاصرتها وتحجي عليها وهاي تبجي دكللها شكلج شكل الخدامات.
نوال: سحر صدك هل حجي
سحر: عمه مو هيج قصدي اني سألتها شصيرين من صبا
صبا: ومن مجاوبتج تهينيها هيج وجان زيد واكف إذا تريدين سالي هو يجاوب زيد احجي مو هانتها كدامك
زيد: لا دخلني بسوالف النسوان
شجن: حجه الحجايتين وخله وصعد انه افرك بأيدي ما أريدن تصير بهل بيت مشاكل بسببي ام علي خيه ما حجت شي البنيه
صبا: انتي سكتي لا تحجين تنرفزيني من تحجين
شلون تخليها تهيننج ومترديها
نوال: بسج صبا يمه اخذي شجن دخليها لغرفتي لا تضل هنا
سحر: عمه انتي تصدكين اني هيج احجي وياها
والله العضيم محجيت شي غير ردت اتعرف عليها وهاي صبا كبرتها
نوال: هزيت براسي وعفتها ومشيت
شجن: دخلت الحجره وجها كاب نار من الغضب اعاينلها تحجي وحدها وتصيح
صبا: طبعا ميدخل مدام سالفه بيها ست الحسن ميدخل
وانتي والله مشايفه وحده مثلج ثوله صدك تحجين خالتها تحجي عليج وانتي منزله راسج تبجين مو اخذها من شعرها واسحل المطبخ بيها واحسب الله ما خلقها
شجن: كلش تفاجأت من غضب ام علي جنت احسبنها فقيره وما تعصب طلعت نار موجره لون احد ندك بيها
_ ما احبن المشاكل
_ ولج لتضلين هيج الناس تاكل الفقير وتعلسه ولا تهتم
خليج قويه والي يشمرج بماي شمري بدم
_ هه عاد موش هلكثر
_ تضحك الفطيره شو وخري عني انتي تشلين حالي
_ لا تزعلين مني تدرين بيه شكثر اعزنج
_ استغفرالله كتلج هاي البنيه حيه ابتعدي عنها تشوفيها يمنى اطلعي يسره ترا اذا استفردت بيج تاكلج وتذي عظمج اني جنت هيج بالأول بعدين عرفتها مو مال عيني وغاتي عاملتها بالمثل صحيح جنت اكرها من الجامعه بس من صارت كرايب رجلي كلت عيب احترمها بس ناس مو وجه احترام شسوي
أنت تقرأ
بين قلبي والقدر
General Fictionرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
