بين قلبي والقدر
للكاتبة✍ #الشمريه❤
صوتو ع بارت قبل لتقرون 🙂💔
______________
... كعدت وكت غروب جدتي بيدها حياكه جايه طرز انه ابوي مات بورا امي بسنه امي ماتت وانه بت الحدعش شالوها من حظني وانه اركض بوراهم اكلهم ردولي امي وين ماخذينها
بجيت حد ما نشفن دموعي
من تحجيلي جدتي تسولف ع امي دكلي جنها نسمه تمر من يمك ولا تحس بيها بس تبتسم ع هواها بنت الهدعش نجرت من حظن امها جنت طفله من راحت امي وخذتني جدتي جانت تضفرلي كصايبي وتمشيني للمدرسة امشي طريج كله اون ع امي بسكوت اخافن ابجي جدام جدتي وتزعل وتضل تبجي هي هماتين
املي بدنيا ابوي يكلي هل وجه الحلو هاذ كون يطلع داكتوره
بس شصار هو هماتين تركني وصرنه بهل حوش انه وجدتي كل ليله أدعي كون يطولي بعمرها عبن بلياها انه وين اروحن
اخافن ع ساعه تتركني مثل ابوي وامي كل ليله ادخل لحجرتها كبل لا انامن اجيس انفاسها يلا تغمض عيني
بنت الهدعش كبرت كبل بوكت وصارت تشتغل بالكاع بت حلمها تلاشه جدامها وصارت تصبح ع جداري الماي ومن ذاك الوكت وانه اشوفن بمنامي زلمه لابس ابيض والابيض كاعد عليه كعود ولاف شي ع ركبته حديد وبيها مثل تيل طويل بعدين يلا عرفت شني هاي ومن جا كرار للسلف ردتلي كل احلامي
دخل صوت جدتي لبالي وانه سرحانه
نارسيه: شجن يمه
شجن: بلي جده
اعاين لن الحطبات خلصن عاينت لجدتي بلي جده كليلي
نارسيه: وانه احيكن جت بالي فروخج يوم الابيض يوم اشيلن فروخج هئيج اشوفنج بيت رجال ينسيج وجع سنينج يا يمه وارتاح انه بكبري
.. رفعت رأسها لسمه وصاحت مو بعيده عليك تجبر خاطري
بهل بت اليتيمه كلشي ماريدن
شجن: خليت الجدر حميت ماي حار لجدتي تتعله
كعدت جدامها كضيت ايدها لون تردينه يجبر بخاطري كون يديمج الي يبعد حيلي
نحنيت ع جف ايدها احبن بي لا تحرمني من هل نعمه
بجيت شالت راسي وخلته بحجرها
نارسيه: ما امشي عنج كبل ما كلبي يطمئن عليج
شعرج ناشف يمه ما معتنيه بي
شجن: جده الكاع خذت كل وكتي يادوب انامن
نارسيه: ناوليني الزيت من الحجره خلي ازيته الج
شجن: ماكولن لا عبن مشتاكه لديناتج كمت جبت الزيت وخليته بيد جده وحليت شعري
شعري مكلكع(كيرلي) وطويل وثخين كلش يفور من جو ايد جدتي من انه عمري يوم وجدتي معتنيه بي بس انه اضوجن منه عبن طيح ايدي من اسرحنه
أنت تقرأ
بين قلبي والقدر
General Fictionرواية جديدة بقلم الشمريه بين زوارق الريف وضجيج المدينة هناك ابطال يرسم كل واحد منهم طريق حياته ليحذف القدر ما يرسمون ليحدد ما يريده لهم فتاة مسكينة تقع في الحب لتتزوج برجل لا تعرفه ويذهب بها إلى أرض لم تحلم بها قط هل تتقبل ما كتبه القدر لها ام ت...
