چمره أسر العشك

البارت2

منقذ:

عوفي العوي بويه وكومي أدرسي يله جدامي

العنود: معليك لتدخل بيه

منقذ: ول يابه عجل انه مادخل بيج منو اليدخل بويه

العنود: محد افتهمت ورجائاً سد الباب وراك
كلتله هيج عاط بيه عيطه كمت بسرعه للكتب ورجعت ادرس هوه نزل وعافني

اتذكرت من عرفت بيه ابن عمي وعايش ويه جدي بنفس البيت

تذكير.....

منقذ: اعقلي بويه مو بكدج انه تهينيني

العنود: بصياح كل الي جنت تسويه كذب وتمثيل حته تصير جاسوس الجدك جدك الي ظلمنا ومانصفنا جدك الظالم الي بيوم وليله طرد اهلي وماوكفت بعينه حفيداته جدك الي ترك بابا وتبره منه لان حب وحده حرام يحبون جهاله بس عليه جلال من حب واخذ حبيبته جدك الي15سنه حاقد علينا ولا فكر يصالحنا ومرتين راحله بابا وطرده هذا جدك للاسف جنت عبالي تطلع اقاربي صح بس مو عايش ويه جدك الظالم

منقذ: جدي الي تحجين عنه هوه نفسه جدج ول بويه اعقلي عجل انه شنو يخليني هين جاسوس اعقلي بويه وفكري برزانه وعقل وين العنود التحترمني وين العنود الهادئه الرزنه انه تحجين ويايه هيج

العنود: من اليوم مو مثل قبل اني مو مثل قبل وياك خلص من اليوم معامله جديده

منقذ: انه بكدج وتحجين ويايه هيج هينه يالعنود هينه
،،،،،

رجعت من ذاكرتي ومن يومها تغيرت معاملتي ويه منقذ منقذ الي اول منولدت تخليت ع ايده وابويه جان بواجب وجان منقذ شاهد ولادتي كلها مو بيدي جدو اكرهه منصفنا طول هالسنوات ضل حاقد ع امي ويمكن حته ع بابا كلشي اتوقع

رجعت اراجع رياضيات باجر امتحاني سمعت سياره طلعت كلت اكيد طلع منقذ هذا رجع كمت بدلت وسبحت نزلت جوه اهوو يمنه الهوسه زمن وجهالها

العنود: واكول البيت اختنك ثاري يمنه الدوخه الزعاطيط

زمن: دسلمي يمه هاي بنتج متجوز من سوالفها شوفي تطردني اني وجهالي

العنود: يمه يمه منج شكلت اني داده هوه كلت دوخه تعاي حبي اشاقه وياج بوستها وكعدت

سرئ: خفي ايدج عنود وتعاي ساعديني بالعشا

العنود: شمسويه عشه بله حته اشوف يستاهل اجي اساعد لو لا اني كلتها وزمن خربت ضحك هيه ورحمه تصيح

رحمه: الاميره ديانا تعاي ساعدينا

سرئ: داسوي كبده وبرغل وخفايف تعاي لج

العنود؛
باوعت ع زمن وكلتلها خلي اكوم لا تجييني نبع الحنان بالسلاح وكلشي ولا السلاح

رحتلها واغني اغنيه (روح الحبيبي يا هوئ)

سرئ: بعدج بكد الفصمه وتغنين