چمره أسر العشك

البارت 19

قراءه ممتعه❤.

.................................

هذا ليل
وحتى المصوّب يلم روحه ويهيد

وانه ضال مناطر المن ..؟
ما ينام الما عرف روحه شتريد

لـ عقيل العرد

.................................

منقذ؛

ضليت واكف ادحك شديسون ذوله وادحك مهيب واكف بسيارته وره البيت بشويه ضليت داشوفن الوضع شون يصير واشوفنها لافه اليشماغ ومطلعه بس العيون والقمصله وتمشي مثل الفاره مشيت وراها وكضبتها

منقذ؛ كضبتج يوووول شهل وكااااحه شدسوووين باللليل

العنود؛ ءء شجابك

منقذ؛ بجرتي الها جريت اليشماغ حيل وادحك المهيب ديممشي للبيت ركضتله جريته من ياخه الجاكيت ومشيتهم

مهيب؛ شبيك يول انه صغيرون وهيج تسوي

منقذ؛ هسس انه حلفت اكضبكم راس براس

مهيب؛ عجبج من كضبنا يول ام راس المربع

العنود؛ دولي قابل اني الكلتلك امشي بكلامك يولي اختنكت بس وخر ع الاقل انزع اليشماغ

منقذذ؛ انطمي بت ال... اهلج وييين مطلعينج بليل محد حس عليج هي بت.....

العنود؛ لتغلط لك لا ادعبلك ومحمد

منقذ؛ مو ادعبل راسج المربع بت الح...

مهيب؛ اي يبعد حيلي حيل وياها لهل ام شبر ونص هيه طلعتي بهاليل الاظلم

منقذ؛ شنو هيه ول يالحمزه دمشووووووا

العنود؛

والقران بوكتها غير سحلنا مثل الطليان من ركبتنا ومعصب نار اني استشهدت ومهيب يسبني ويسب روحه لان مشه بكلامي وبس يكفخ واردلياها وصرنا من الروس

منقذ؛ هسه تكفخ صار بيناتكم يوولو كافي لا اركع راس براس ومحمد

مهيب؛ هيي شنوو يول ساحلنا سحل وين مودينا

منقذ؛ وره الحديقه داعرفن شاتصرف وياكم وجايب الحزام وياي انه ادحك عليكم وضعكم مو هين بس هينه يالعنود ومهيب الا اعيد تربيتكم

مهيب؛ يول عيب علئ شواربي تهيني كدام الزعط

العنود؛ والعباس ابو راس حار اذا كلت عليه زعطوطه الا امدك هسه واطلع قهر المنقذ كله بيك

المنقذ؛ بت الخ.... انتي ازلمه وتحجين هيج يوووول وحك الانبياء الا اربيج مره ثانيه

العنود؛

بلعت ريك شو هذا سواها صدك نزع حزامه والقران ممجربه ضربه المنقذ بس بيومها صغئ علينه فد مره دنيا ليل وساعه 1 ونص واحنه بس احنه والمنقذ ومهيب يسب ويدعي عليه