چمره أسر العشك

البارت 37

مــــــــــا ميت كَبل بس شايل التابوت
لأن كل مــــــــــــا أنام أتحلم بنعشي
أنــــه مبــلل رموشـــي بدمعة المحتاز
أنه دموع الفرح مـــــــا وصلت لرمشي
وكَت الخير عشته ومــا شفت بي خير
صاحولي ملك بس مـــا شفت عرشي
عندي عيون بس محسوب ع العميان
أنه مفتح ولكن مــــــــا شفت كلشي
أحــلم بالفــرج وأترس الظلـــمه حجار
ظل هواي ليش نكَول مــــــا ظل شي

.....

منقذ؛وتالي يول وتالي!!!!!!اجي من الدوام تعبان الاگي هيج أكل كافي تعبتيني مو مره مرمرتيني

العنود ؛هاي شبيك هوه غلطت خليت شگر بدون ملح واذا شكد نفسيه صاير

منقذ ؛انه صرت نفسيه هسه؟؟؟؟انه

العنود ؛كافي تصيح يلا شسويت قابل غلط وغلطت هسه اوصيلك دليفري

منقذ ؛يول انه الموگف قسم المتفجرات ع تك رجل تجين انتي تزكحين بوجهي وانتي الماراضيه انوب

العنود ؛اني زوجتك مو جندي جوه ايدك حته تكلي هيج الوكفتهم والموكفتهم مومهم

منقذ ؛روحي عن وجهي روحي لسان دلاله

العنود ؛اوصيلك اكل انته والبنات

منقذ ؛لتوصين الي وصي للبنات صاعد للغرفه انه

العنود ؛شسوي؟

منقذ ؛انطمر انطمررر وخري عن وجهي

العنود ؛

يا داده هذه شبيه الرجال شسويتله قابل

لارين ؛حقه ماما المركه متنجرع

العنود ؛شمدريني والله دايخه عينج ع اخوج هسه اجي

العنود ؛

دخلت للغرفه لكيته ديگلب بـ الفون ركضت جريت التليفون منه

العنود؛لكفتتتتك شدسوي ولك

منقذ ؛عليمن ولك

العنود ؛هاك تليفونك حبيبي تعال نتفاهم شبيك اليوم

منقذ ؛مابيه شي ميلي عني

العنود ؛شوف اذا ملت عنك فـ اروح لهلي واذا مملت عنك اضل لازكه بيك

منقذ ؛شرايده يول؟

العنود ؛شبيك ضايج حبيبي اني ادري انته متعود عليه وع جفصاتي بالطبخ وتعبرهن شبيك اليوم متغير

منقذ ؛مابيه تعبان وشويه مشاكل بالدوام

العنود ؛ريت بيه التعب ولا بيك

منقذ ؛تعاي نتحدئ تحدي

العنود ؛ممم وهوه

منقذ ؛العين بالعين واليرمش ينباس من فوك الرمش

العنود ؛عوف التحدي هسه سرسري وصي ع اكل للبنات خطيه

منقذ ؛عنگود سويلهم اي شي وبس اكعد اطلعكم نتعشه بره