چمره أسر العشك

البارت23

لـسان المنقذ؛

مامشتاكلي
ولا كلبك موزايك
ولا كلك أريده وحيل محتازه.
يل خليتني اعثر بل مشي بلياك
مثل مشيت شايب ومابيده عكازه

لسـان العنود؛

اي مشتاقلك
توجعني واحجيهه
وبس توصل لهاتي واختنك بيهه
والزمها واخاف الوادم يسمعون
اسد شفتي وتصير بعيني وابجيها

........

بعـد 4 ايام

مهيب؛ منقذ غبي ضيعها من ايده كلش زين يديري العنود موهينه ماتقتنع بسهوله

رحمه؛ اي هيه اذا زعلت منه تضل شهور ومتتنازل حته لو جان الغلط منها عاد يسوي هيج من كل عقله يريد العنود تنزل علئ ضره

مهيب؛ العنود مو هينه المثلها الواحد يخاف يتصرف وياها حته لايخسرها بعدين دحكتي قوتها انتي ودحكتي تضحك ولا هامهه وشون حدرت لهنا وهوه ديعقد قويه انه متاكد تذله للمنقذ

رحمه؛ اوف اختي وادريها متبين الله يعلم البقلبها شنو

رحمه؛

نزلت جوه اشوفهم لكيت بنين كاعده متمكيجه هاي من كل عقلها زوجها مصارله 5 شهور والله بطرانه شون الها نفس

مشيت احضر العشا

بنين؛ حبيبتي اساعدج بشي

رحمه؛ لا عمري ارتاحي

بنين؛ عرفيني علئ عائلتكم

رحمه؛ ليش منقذ مسولفلج او تذكرت هوه بنام بالصاله مملتقين انتي ويا ف حقج

ضليت اسولفلها عن عائلتنا

بنين؛جبيره عائلتكم ماشاءالله

رحمه؛ اي

ساره؛ ماما جوعانه

بنين؛ عيب ماما يصير الاكل وهسه تاكلين

رحمه؛ لا ليش عيب تعاي حبيبتي هسه اصبلج وتاكلين

بنين؛ عوفيها تدلع تصبين ومتاكل

رحمه؛ لا حته لو خطيه

بنين؛ مو عندج اخت ممتزوجه؟

رحمه؛ اي العنود

بنين؛ اي سمعت الكل يحجي بيها هلكد مهمه بعائلتكم اختج يعني

رحمه؛ هيه تفرض احترامها لذالك تشوفين الكل يحجي بيها لان صارلها ايام مجايه للبيت

بنين؛ شعجب من عقدت اني ومنقذ بعد موصلت

رحمه؛ بعد بكيفها تلكيها مشغوله

بنين؛ اممم اي كوليلها تجي نشوفها نتعرف عليها شكو بيها

رحمه؛ ان شاء الله

بكلامنا دخلت خاله ام منقذ

زهور؛ كملتي العشا رحومه شنو بنين شو كاعده متساعديها