چمره أسر العشك

البارت21

حال المنقذ؛

انه المبيوك انه المامش
    انه البس أسمه بشر عايش
انه الثگلت عليه روحه
   وانه الكل تايهه وكل عابره تلوحه
انه المتروس صدره عتاب
    وانه العينه اعلئ دكه باب
انه المادري شگبره
   انه الفدوه
انه الماله عمر يسوه
   انه الـ بالغربه يتغنى
وانه الماينشد عنه
   وانه الينشد
وانه اليفكد
.............

العنود؛

رحمه؛ يول تعالي يمي شبيج مركوده بالبيت

العنود؛ هاااا يول من عاشر القوم صار منهم متزوجه شسوي يمج

رحمه؛ هههههه ميقبل اتبغدد يزعل يكول اصلج انباري

العنود؛ اوي عيني تتبغدد اكلج مهيب موجود

رحمه؛ اي يولي تعاي

العنود؛ اي جايه اضحك عليه شويه ضايجه

مهيب؛ سمعتج يول تعاي الا مالعب بيج فلك

العنود؛ دمشي يلعب بيه فلك ابو الفلك من فلك طرك

مهيب؛ تعاي يول ضايجين نضحك عليج شوي

العنود؛ مو اسويج قرقوز والله

مهيب؛ ههههههههه منتظريج

العنود؛

نزلت لكيت ماما وضعها مو تمام مخطوف لونها

العنود؛ شبيج ماما

سرئ؛ لا بس هيج هيج

العنود؛ ماما شبيج وجهج ميطمن اكو شي

سرئ؛ لا تعاي سويت كرزات وهاي تاكلين ويايه

العنود؛ اي شكو بيها ناكل عبالي اروح لرحمه بس كلت اعوفها ع باجر احسن

سرئ؛ اي اسراء حامل دريتي؟

العنود؛ لا والله هسه دريت منج اوي حيجي نونو صغيرون يارب تجي نونيه

سرئ: هههه انتي نونيتنه ميحتاج نونيه

العنود؛ طبعا شحدكم تصير غيركم نونيه ثانيه

العنود؛

رغم كل هذا بس تضحك مجامله احسها امي واعرفها بيها شي لو قلقه اعرفها من تقلق

سرئ؛ العنود اذا منقذ تزوج تفرحيله

العنود؛(بابتسامه) شنو افرحله ليش شنو ناوي يتزوج؟

سرئ؛ لا هيج حبيبتي مجرد سؤال اذا قرر يتزوج بس العروسه غريبه مو من عدنا تفرحيله

العنود؛ 

مجرد فكره احس كبلي نعصر عصر شبيها ماما شفتح هالموضوع

العنود؛ ليش لاكي عروسه يعني باله حته يقرر يتزوج

سرئ؛ لا هيج جبناها سوالف بعدين يا بنتي عمره مو قليل31 حقه يتزوج ويشوف اطفاله

العنود؛ الله يسعده اذا ناوي يتزوج اني رايحه لرحمه اشتري بدربي من الاسواق تريدين شي