چمره أسر العشك

البارت22

حال العنود؛

گون بـمكاني تصير لحظه
أنتَ وضميرك گلي ترضئ؟؟
محتاجلك بَس أنته زعلان!!!
أيامي تمشي شون ماچان
عفتك حَلو شو هسه حِـليان!!!
ما أدري چنت بحِبي تعبان💔
گون بـمكاني تصير ليله!!!
والله الحچي مابيه حيله😞
يالعايش بـفركاي مرتاح
كاسرني لك ما كاسر جناح!!!

خلي أعلئ بالك باچـر تعيش
ومحد يسألك بايعه بيش؟
وياهو اليگلك ليش ماليش؟
بَس الـ بجنحك هذا يا ريش؟؟؟

خلي أعلئ بالك تبقـى طيري
محـد يعـوضك بِـيه غَـيري!!!!!

العنود؛

كاعده اسولف وياهم ضجت من سالفه ماخذها يمه وين يمه يعني؟ شو ماعندي علم بهذا الموضوع سكتت كلت يرجع واحجي ويا

زهور؛ وليدي تورط بهاي السالفه مايدري شون يحميهم

سرئ؛ ان شاء الله يعرف يتصرف منقذ

زهور؛ اتمنه هيج اتمنه يتصرف بعقل وميزعل احد منه

العنود؛ حجت هاي الجمله ضلت ترن براسي
(يتصرف بعقل وميزعل احد منه)
قصدها يزعلني لو شيسوي اني متاكده المنقذ ميستبدلني بغير وحده ولا يأذيني ماهو كالياها احسج قطعه من روحي من تتاذين اموت هوه حجاها الي مستحيل يبدلني اساسا يحبني ميكسرني ميكسرني منقذ

ضليت كاعده وافكاري توديني وتجيبني هناك دخلو هم ابتسمت باريحيه

رحمه؛ اكيد سووا حل

العنود؛ اكيد وجوهم مدري شونها بس يلا اكيد يسوون الحل همه

دنسولف اني ورحمه وسمعنا عيطه مهيب يريدها

رحمه؛ سوي الجاي بربج صبي ويه البنات وقدمي وياهم الولد يريدون جاي اني شويه واجي مهيب ديصيحني

العنود؛ روحي حبي

العنود؛

ضليت اخدر الجاي منتظرته يصير دخلت شيماء والبنات

العنود؛ همزبن اجيتن يلا تعالن دنروح للاستقبال اقدملهم الجاي

هدئ؛(بقلق) لا يولي جيبي اني اقدم

العنود؛ بعد احسن قدمي

العنود؛ اخذت تليفوني داروح للاستقبال يمهم سمعت شيماء من ورايه دتحجي

العنود؛ ويايه دتحجين؟

شيماء؛ اكو غيرج المهم مباركتي للمنقذ

العنود؛ هه علئ شنو اباركله؟

شيماء؛ علئ زواجه وحيعقد قرأن او خطيه متدرين بس يا شكد خطيه انتي كسرج المنقذ اووف الله يساعدج حتنزلين علئ ضره بالمستقبل

العنود؛ شدتخربطين انتي!!!!!! شنو يتزوج

شيماء؛ خطب مرت الشهيد بنو ويكلج تكول للحسن كوم داكعد بمكانه اكيد عجبته خطيييه شكد خطييه انتي