شفت سياره الخط عقجت وجهي ورحت
العنود: صباح الخير صلاح
صلاح: صباح الخيرات ياله يالعنود اصعدي همزين طلعتي من وقت
العنود: ماريد راح اتمشئ
ضل يصيح ورايه ويكول راح تحمليني مسؤليه وابوج محملج امانه ولا درتله بال مشيت واني اباوع للطريق والهدوء
الساعه8ونص الصبح شوارع مدينه بغداد
منطقه علي الصالح(حي السلام)
امشي وصلاح يمشي ورايه بالسياره عقجت وجهي اوي شكد لزكه قابل حيخطوفني هلكد ابويه موصي عليه مشيت للبيت شفت سياره الحمايه وكفت بصف بيتنا ونزل منها بابا أنتبهلي ابتسملي وفتح أيده ركضت عليه وحضنته
جمال: يمه بنياتي يمه عنود كلبي شونج بابا ليش راجعه مشي
العنود: هستوني دااحجي وندار ورابه وعافني ع صفحه شاف صلاح نزل من السياره
صلاح: صباح الخير سيدي
جمال: صباح النور خير صلاح شو العنود راجعه مشي لعد انت شنو شغلتك
صلاح: والله مارضت سيدي وضليت امشي وراها بالسياره العنود متتعاند سيدي متنغصب
جمال: هاهيه صلاح توكل الله وياك
وندار عليه ليش بابا هيج تسوين وتعاندين مو اخاف عليج يحجي بس احسه يريد يلزكني بالباب هلكد ما عصب
العنود: بابا شسوي احب اتمشئ والدنيا صباح بعدين تعال مشتاقتلك اني بابا خلي نفوت للبيت جريته من ايده واحاول اتلافئ نظراته الي مشدده عليه طلع المفاتيح وفتح الباب منطقتنا راقيه وشوارع عريضه وزرع يرد الروح اول دخلنا للبيت نزعت الحذاء تكرمون واستقبلتنا ماما
سرئ: ها بنوتي شون جاوبتي
العنود: زينه ماما حبابه ميته جوع وشوفي منو ورايه نداريت
شهكت وركضت ع بابا تركض حقها صارلها12يوم مشايفته جريت نفس عفتهم وطبيت صعدت لغرفتي قبل مادخل تفقدت غرفه اختي رحمه شفتها نايمه عفتها ودخلت بدلت باوعت ع غرفتي والهوسه الصايره لملمتها بسرعه والله لو تشوفها امي تسويني وصل وصل بدلت وغسلت وجهي ونزلت تريكت وياهم واستمعت للحديث
جمال: أمن بمنقذ هذا وليدي سراوي وليدي تربه يمنه اكثر من اهله مستحيل اخليه بهيج خطر
سرئ: ياجمال لعد ليش كلتلك عليه الله يشهد الله مرزقني بولد رزقني بيه يأمن علينا والبنات ويمر يشوفنا شمحتاجين ممحتاجين ويروح ويسأل ع العنود ورحمه ماعدا يروح ع زمن و اسراء هم يسأل عليهن هنه واطفالهن ليش يهون عليه اشوفه بهيج مكان خطر
جمال: عندي اجازه9ايام اروح اشوفه وانقله هنا بغداد مستحيل اخليه يروح للخطر برجله اليوم اخابره بلكت يجي نشوفه شويه مشتاقله لهلارعن
هذا كلامهم واني لازمه الصمت والهدوء اخر شي كال بابا
بلكت يجي اليوم نشوفه مشتاقله لهلارعن كمت بسرعه
أنت تقرأ
چمره أسر العشك
Mistério / Suspenseهي بنت العنود وهو شاب الكبرياء هَل ستنتهي قصتهم أم تستمر بَقلمي أنا الكاتبه سراب العزاوي
