မနက်ခင်းရဲ့ နေရောင်ခြည်ပင် ကောင်းစွာ မထွက်သေးသည့်တိုင် ခရီးဆောင်အိတ်နှင့် အတူ သွားသွားလာလာလူတချို့ ၊ ယူနီဖောင်းကိုယ်စီဖြင့် ကျရာတာဝန်ထမ်းဆောင်နေသော ဝန်ထမ်းအချို့နှင့်အတူ အင်ချွန်းလေဆိပ်မှာတော့ အရောင်အသွေးစုံလင်နေပါသည်
မကြာမီမှာပင် ထိုလူအားလုံး၏ သုံးပုံနှစ်ပုံခန့်သော လူထုရဲ့ အာရုံစူးစိုက်မှုသည် တစ်နေရာထဲတွင်သာ တစ်ထပ်တည်းကျသွားလေသည် ၊ ဤသည်မှာတော့ Langgae အိတ်နှစ်လုံးကို
စတိုင်လ်ကျကျ တစ်ဖက်စီကိုင်ဆောင်လာသည့် လူငယ်လေးတစ်ဦး
အနက်ရောင် လည်သာဂျက်ကတ်နှင့် အနက်ရောင် လည်သားဘောင်းဘီရှည် ၊ အနက်ရောင် Sunglass ၊ ကုန်ကုန်ပြောရလျှင် အဝါရောင်ခပ်ဖောက်ဖောက်ဆံသားမှလွဲ၍ ခေါင်းအစခြေအဆုံး အနက်ရောင်သာ ဆင်မြန်းထားသည့် လူငယ်လေးတစ်ဦးပင်
မည်မျှပင် အနက်ရောင်ချည်းသက်သက် ဖုံးလွှမ်းထားပါစေဦး ၊ ထိုလူငယ်လေးရဲ့ ကျဥ်းမြောင်းနေသောမျက်ဝန်းအိမ် နှင့် ခပ်ထူထူနှုတ်ခမ်းနှစ်လွှာကြားမှ ဖြစ်ထွန်းလာသည့် အပြုံးတို့ကတော့ တောက်ပနေဆဲပါပဲ
ထိုလူငယ်လေးကတော့ ချောမောသည့် ရုပ်ရည်နှင့်သာမကဘဲ Social Media တွင်လည်း လျှမ်းလျှမ်းတောက်ကျော်ကြားနေသော ကောင်ချောလေးအဖြစ်သာမက နာမည်ရပြီးသားဖြစ်သော ' P & G ' Branded အဝတ်အထည်နှင့်အိတ်များကိုသာ အဓိကထုတ်လုပ်သည့် ကိုးရီးယားနိုင်ငံ၏ Top 3 ဝင် Park Group ၏ တစ်ဦးတည်းသောသားအဖြစ်နှင့်လည်း ပုရိသတို့၏ အာရုံကို ဖမ်းစားထားနိုင်ပါသည်
တစ်ဆက်တည်းမှာပင် အမေရိကတွင် 5 နှစ်ကြာ စီးပွားရေးဆိုင်ရာ ဘာသာရပ်ကို သင်ယူခဲ့သည့် Park Group ရဲ့ အမွေဆက်ခံသူ ပတ်ခ်ဂျီမင် ကိုးရီးယားမြေကို ခြေပြန်ချပြီမို့ သတင်းစာခေါင်းကြီးပိုင်းတွင် Park Group ရဲ့ ဥက္ကဌရာထူး လွှဲပြောင်းခြင်းမဟုတ်လျှင် Park Group ရဲ့ အကြီးအကဲပိုင်းတစ်နေရာရာတော့ အပြောင်းအလဲဖြစ်လာမည့်သတင်းက ဟိုးလေးတကျော်ကျော် ဖြစ်လာမည့်အရေးကိုလည်း ကြိုတင် ဟောကိန်းထုတ်ထားပြီးဖြစ်သည်
အငေးခံ လူသားလေး ပတ်ခ်ဂျီမင် ကတော့ မည်သူတစ်ဦးတစ်ယောက်တွက်ရယ်လို့ ရည်ရွယ်ခြင်းမရှိပါဘဲ အလှပဆုံးသော ကိုယ်ပိုင်အပြုံးလေးတစ်ပွင့်နှင့်သာ Taxi ငှားရန် ထွက်လာချေေလပြီ
