စမ်းရေကျသံကဲ့သို့ ညိမ့်ညောင်းလှသော ခပ်ကြွကြွစန္ဒယားသံလေးသာ ပျံ့လွင့်နေသည့် Euphoria ဆိုသည့် Coffee & book shop လေးတွင် ဖြစ်သည်
မှန်နံရံနှင့်သာ ကာရံထားပြီး ဝါကျစ်ကျစ်မီးလုံးလေး တေွကိုသာ အသုံးပြုထားသည်မို့ Classic ဆန်လွန်းလှသည့် ဆိုင်အတွင်းတွင် Coffee နဲ့ cake မျိုးစုံရောင်းချသည့်အပြင် စာအုပ်စင်လေးပါ ထပ်လောင်းထည့်ထားသည်မို့ တိတ်တဆိတ်နဲ့စာဖတ်တတ်သူများတွက် အသွားသင့်ဆုံး.ဆိုင်လေးတစ်ဆိုင်ဖြစ်သည်
ဆိုင်၏အရှေ့တွင်သာမက ဆိုင်အတွင်းတွင်လည်း နိုင်ငံခြားမှ သီးသန့်မှာယူထားသည့် အစိမ်းရောင်အပင်ပုလေးတွေ ၊ မြင်ရခဲလှသည့် ပန်းမျိုးစိတ်လေးတွေလည်း ရှိနေပါသေးသည် ၊ ထိုသို့မျှ ထည်ဝါလှသော ဆိုင်လေးသို့လည်း စားသုံးသူအတော်များများ သဘောကျလှပါသည် ၊ ဘာလို့ဆို ဆိုင်အပြင်အဆင်က ကိန်းကြီးခမ်းကြီးနိုင်သလောက် ဈေးနှုန်းက အသင့်
တင့်သလို ဆိုင်ပိုင်ရှင်နဲ့ ဝန်ထမ်းလေးတွေကလည်း Service ေကာင်းသကိုး
ဆိုင်ဖွင့်ချိန်မရောက်သေး၍ Customer ဟူ၍ တစ်ယောက်မျှ မရှိသော ထိုဆိုင်လေးတွင် ခန္ဓာကိုယ်အချိုးအစားတောင့်တောင့်ဖြောင့်
ဖြောင့်နှင့် အင်မတန်မှ ချောမောခန့်ညားလှသည့် အသက် 40 အရွယ်ကော်ဖီဆိုင်ပိုင်ရှင်နှင့် အသားခပ်ညိုညို အရပ်ခပ်မြင့်မြင့်နှင့် အသက် 20 ခန့် ဝန်ထမ်းကောင်လေးတို့သာ ရှိနေပါသည်
" သူဌေး.... အစ်ကိုယွန်းဂီ ကို မျှော်နေတာလာ "
စာအုပ်စင်တွင် သန့်ရှင်းရေးလုပ်နေသော ဝန်ထမ်းကောင်လေး
လီရှင်း က counter တွင်ထိုင်ကာ ဆိုင်တံခါးဝကို ကြည့်လိုက် ၊ ဖုန်းကိုကြည့်လိုက်နှင့် နာရီပိုင်းလောက်မျှပင် အလုပ်ရှူပ်နေပါသော သူ့သူဌေးအား မေးခြင်းသာ
" မ....မဟုတ်ပါဘူး "
စကားထစ်နေသော သူဌေးဖြစ်သူရဲ့ အကြောင်းကို အလုံးစုံသိနေပါသော လီရှင်း က မသိချင်ယောင်ဆောင်လိုက်ကာ ခေါင်းသာညိမ့်ပြလိုက်ပြီး စာအုပ်စင်ကိုသာ သန့်ရှင်းရေးဆက်လုပ်နေလိုက်သည် ၊ အမှန်ဆို လီရှင်း၏အလုပ်သည် စားပွဲထိုးရန်သာ ဖြစ်ပြီး စာအုပ်စင်သန့်ရှင်းရန်နှင့် ကော်ဖီဖျော်သည့်အလုပ်သည်
အစ်ကိုယွန်းဂီ ၏ အလုပ်ဖြစ်ပါသည်
