مهران

بارت.1

#مهران

الكاتبة_غزاله

قصة حقيقة %

كلانا يحب الأخر بطريقة عميقة و مُعقدة.♥️
☆☆☆☆☆☆☆☆☆☆☆☆☆☆☆☆☆

السلام عليكم وياكم مهران صح هو اسم غريب بس هذا اسم فارسي ايراني نولدت بأيران من ام ايرانية وابو عراقي حاليا عايش بل عراق عمري ٢٩ سنة متخرج من قسم تربية الرياضية من خلصت الدراسة قدمت عل حشد الشعبي عشت طفولتي كلها بأيران تكلمت مثل لغتهم عشت بين عائلة كلها حنية وهدوء مو مثل العراقين اعصاب تعلمت عل هدوء مثلهم يكولون من عاشر قوم ٤٠ يوم صار مثلهم شحال اني عشت وياهم ١٧ سنة شكلي حنطاوي مايل عل سمار شعري اسود طولي زين طويل يعني ١٨٣ جسم مرتب خلي اكول الكم ابوي شون راح لأيران وتعرف عل امي بعهد صدام حسين جان ابوي وي الجيش في شارك بحرب ايران اخذو ابوي اسير الايرانين وضل هناك ما يكدر يرجع للعراق في من ضل هناك حصل عل اصدقاء ومن واحد لواحد عرفو عل امي وخطبها في ضل بعيد عن اهلها وناسة وعاش بأيران لحد ما انتهى صدام وانتهى كلشي يلة قرر يرجع يعني
لمن اجينة احنا ال ٣ يلة قرر يرجع

اعرفكم عل عائلتي♡

الاب كاظم:- عمرة ٦٦ عرفتو قصتة

الام:- زهراء :- عمرة ٥٥ ربة بيت

اني اكبر واحد بعائلتي عدي ٢ اخوان

حسن:- موظف يشتغل بمختبر تحليلات مرضية

حسين:-طالب كلية مرحلة ثانية تربية علم النفس

نبدي من رجعتنة للعراق كمنة نحجي عراقي بس قليل عمود الوالد ميقبل نحجي بس فارسي
●●●●●●●●●●●

(أيران _أصفهان)
يوم الجمعة
الساعة 04:30AM

كعدت من النوم اسمع اصواتهم يحجون نزلت لكيت اهل امي يمنة كلها موجودة علمود يودعونة

مهران:- صبح بخیر (صباح الخير)

الكل:- صبح بخير

مهران:- ساعت پرواز چقدر است؟ ( متى موعد الرحلة )

الاب :- نص ساعة ونروح كم مرة كلت احجي عراقي عمود ما تنسة

مهران:- غير اهل امي هنا

الاب:- ي حجي هيج وهيج

مهران:- امرك

الام:- " نیازهای خود براورده کردید هیچ ال ایا زاید؟( هل اكملت احتياجاتك )

مهران:- أره( فعلت)

ابو زهراء :- مواظب خودت خوب باش( اعتني بنفسك جيداً)

ام مهران:- نگران نباش( لا تقلق)

رحت للحمام غسلت وجهي ورتبت شعري بدلت ملابسي صعدت فوك نزلت جنطة السفر عل ما حضرنة روحنا طلعنة حسيت بضوجة كلش يعني المدينة الي نولدت بيها وعشت بيها هاي السنين كلها راح اعوفها اعوف اصدقائي الي تعودت عليهم وراح اروح المكان ما اعرفة فقط اسمع بي ما اعرف شنو الشعور الي صار بداخلي صعدنة بسيارة وانطلقنا من أصفهان للمطار اخذنة ٤ ساعات بين اصفهان والمطار جنت شايل الجنط وامي شايلة حسين وابوي حسن وبل ايد الثانية جنطة يجر بيها ماخذين جنط هواي لان راجعين جايبين لكل واحد هدية صعدنة بل طيارة متجهين للنجف ما اعرف شون راح اعيش هناك او شون راح اصير حياتي اتوالم وياها لو لا طارت الطيارة واني اباوع عل طيارة شون اطير فوك الغيم شي كلش حلو اول مرة اصعد طيارة جنت حيل متونس

دنبال کردن.....(يتبع)

اكتبو رئيكم بل قصة عمود اكمل ❤
قصة حقيقة 100% وربي

ان شاء الله تعجبكم😍🍁