وأحب كونك في الجوار مهما ابتعدت تظل دومًا جانبي طيفًا، خيالاً، فكرة، روحًا تعيش بداخلي ♥️
00:00
~~~~~~~~~~~~~~~~~~~~~~~~
جوان:- هاا
مهران:- ولا شي يلة نفوت
جوان:- من وراك يرادلي مترجم يمشي وياي عمود اعرف شنو تحجي
مهران:- ما احجي شي فقط احب ادندن بيني وبين نفسي
جوان:- راح اصدكك بل ايراني
مهران:- ههههه حلوة هاي
جوان:- جا شسوي هذا الي اعرفلة
مهران:- انتِ شنو ادرسين
جوان:- خامس علمي
مهران:- كلش حلو شنو ناوية اطلعين يعني قسم
جوان:- ما مفكرة كلش كلش اروح علوم كيمياء
مهران:- جيد كل التوفيق
جوان:- شكرا
مهران:- عن أذنج
جوان:- لا عن خشمي هههههه
مهران:- هههههه ارجع واكول دیوانه ( مجنونة)
_عفتها ومشيت رحت بدلت عمود نروح لزيارة الامام علي(ع) واخيرا راح ازورة طلعنة اجرنة سيارة وطلعنة للنجف وصلنة همزين جانت خفيفة مو ذيج الزيارة جاي نمشي بشارع الرسول واباوع لمنظر القبة من فوك جمال دخلنة من بعد التفتيشات عبارة عن راحة نفسية دخلنة للضريح مكان بارد حيل وريحة المكان خيالية يمكن اطيب عطر شميتة بحياتي اول زيارة الي هنا وكفت بل باب وضليت اباوع عل شباك
_واخيرا زرتك ما جنت متوقع اجي هنا واوصل لهذا المكان جنت اسمع عنك هواي وشون يمدحون بيك وينذرولك السلام عليك يا ابا الحسنين يا مذبوح يا شهيد لزمت الشباك سرت قشعريرة بجسمي زرت وخلصت رحت صليت صلاة الزيارة وقريت زيارة الامام علي (ع) رجعنة زرنا مرة ثانية وطلعنة
مهران:- هسه وين راح نروح
محمد:- راح نروح البيت الامام علي والمسلم بن عقيل وميثم التمار للمسجد اليوم ما اخلي مكان يعتب علية
مهران:- يي والله اخذوني
علي :- تدلل
مهران:- وصدك مخلينة مكان ما رحنالة خلصنة زيارة ب١٢ دخلنة لمطعم تغدينة وطلعنة
عادل:- هاا هاهية
مهران:- ليش اكو بعد
عادل:- لاا خلصنة نروح هسه للبيت علمود بليل نروح للروان
محمد:- اي والله من زمان ما رايحين
مهران:- يلة امشونة اخذت حلاوة للاهل ومكسرات رجعنة للبيت تعبانين دخلت سلمت وطبيت للحمام سبحت وطلعت ادور عل امي ماهية
أنت تقرأ
مهران
Romansa- تفاصيل القصة شاب عراقي عاش في أيران 17سنة تطبع بتقاليدهم وتكلم لغتهم وبعد هذة المدة الطويلة يقرر عودتة الى العراق فماذا سوف يحصل هناك ؟ في اخليكم وي القصة وانتم تعرفون♡! القصة حقيقة 100% -سلامًا على من مَرَّ على مُرَّنا فحَلاه ♥️
