من شفتك. وحكك. تهيت دربي!.
ماڪلك متت.. بس نخمش. ڪلبي؟
ــــــــــــــــــــــــــــــــــــــــــــــــــــــــــــ
مهران:- باوعت للغرفه بنضرة خوف من منضر الكتب وخوف من المستقبل المجهول بكلشي مجهول تراكمت الافكار ولصور ولتفكير بأحداث خياليه مستحيل تصير نفضت كلشي من بالي وكمت حته اعدل لغرفه من الفوضى الي صايره كمت نضفتها وجمعت لكتب على طبلة القرائه ورجعت مددت على چربايتي اخذني بالي لمعرف وين وبتسائولات الغريبه
وين هيه؟!
شنو تسوي حالياً؟!
نايمه لو لا؟!
ضايجه لو فرحانه؟!
ولسؤال الاهم من ذني كلهن
تحب علي او لا؟!
_منو الي راح يجاوبني على هاي الاسئله اذا هيه ماموجوده حسيت انو ابتعادي عنها وعنهم كلهم هوه الخيار الامثل ولصحيح لِغرض انو ميتعلقون بيه اكثررر حسيت انو بلحضه دخولي عليهم من چانو يقرون وجودي لاشيء لما كان الرد بقمة الهدوء ولبرود ودخولي المفاجأ ماخلاهم ينطون ردت فعل قويه ايجوز لان چانو يقرون او اجوز مچان الي اي اهتمام او ما اعرف شنو الصح بين ذني كلهن نرجع للواقع ونعوف خيال التفكير الروائي لان هذا التفكير مراح يفيدك يا مهران بكل الحالات مراح توصل لنتيجه نهائياً طفيت ضوء الغرفه وفتحت لمبايل وطلعت كدامي اغنيه
كلماتها:
ياشايل وجوه السفر
كلها بسواليفك
عايشلك بكيف الغرب
بس ميت بكيفك
كونك تريد ولايتي
چا صادفتني واني
على ريح ولايتك
تايهه وأغني
.
.
_قبل مفهمت معضم الكلمات بس فهمت شويه منها المهم نمتتت بعدها.. خلي اقدملكم الاحداث شويه بعد معاناتتت وصراعاتتت وتعب وسهر وي السادس نجحتتت وخلصت منه طلعت معدل68 چان معدل موكلشش زينن بس زيين بالنسبه الي لان اني مو من اللعراق ولا اعرف نموذج الاسئله ولا اعرف دراستهم وجديد على كلشيي حته طبعهم وتعاملهم فچان هذا اصعبب شيي بس گدرت انو انجح وادخل كلييه بعد ما نجحتت وخلصت من هذا الضيمممم وصرتت ارتاح واطلع واتونسس لحد يوم من الايام چانت ساعه 4 العصر گاعد وحدي باصاله بأمان الله اجو ابوي وأمي
ابو مهران:- مهران عندي كلام وياك
مهران:- اي تفضل
ابو مهران:- اسمعني مهران قررنة نخطبلك اني وامك يرادلنه بنت با لبيت تعبنه وانتَ كبرت وهم يرادلك مره
مهران:- صدگ تحجي بابا ويني وين الزواج كل عمري ٢٠ سنة توني طلعت من السادس بلضيم اجيبني الضيم ثاني دخيلك يابه مو حمل مسؤلية
ابو مهران:- شنو مو حمل مسؤلية شاب شكبرك شعرضك دگلي مو حمل اسمع مهران امك تعبت وهنا بل عراق كلشي ما تعرف عاد وحدة وياها
أنت تقرأ
مهران
Romance- تفاصيل القصة شاب عراقي عاش في أيران 17سنة تطبع بتقاليدهم وتكلم لغتهم وبعد هذة المدة الطويلة يقرر عودتة الى العراق فماذا سوف يحصل هناك ؟ في اخليكم وي القصة وانتم تعرفون♡! القصة حقيقة 100% -سلامًا على من مَرَّ على مُرَّنا فحَلاه ♥️
