مهران

بارت.12

قلبٌ سعيدٌ و روحٌ هادئه🍁
____________________

مهران:- طلعت وسديت باب الغرفغه وبوجهي للحديقه گعدت هناك بعيد عن الهوسه.. اني شكد غبي يعني اريد ااخليها تحبني بكم اسبوع مثلاً وهيه وي علي من الطفوله اكيد تحبه او هوه يحبها او ثنينهم يحبون بعض واجوز اني اكون طرف ثالث بينهم ماريد هذا الشي الاحسن مو بس ابتعد عن البيت الاحسن ابتعد عن حياتها بأكملها ضليت برا اكثر من ساعتين مدخلت اني ماعرف شعوري يعني لاضضايج ولافرحان شعور كلش متناقضض لمهم شويه ودخلت للبيت چانو كلهم گاعدين سوه وهيه هم چانت موجوده وياهم گعدت يم عادل وچان يمه محمد وعلي بعيد من يمنه وچانت گاعده يمه جوان

عادل:- ها خالي وين چنت

مهران:- برا

عادل:- شتسوي

مهران:- هيچ گاعد

عادل:- ها اوك

مهران:- ممنتبهه لليحچون بكد ما منتبة التصرفات علي وجوان حطيتهم ابالي ههههه طبعا باليل احنه راح نروح لمهم رحت للغرفه گعدت على الچربايه وصرت افكر بحياتي شراح يصير بيها بالعراق راح تتغير لو لا شنو حيصيرر شنو نهاية مستقبليي ول اهم من هذا كله راح انجح بحياتي او لا هل راح اكسر گلب شخص بمسيرتي او راح اخلي شخص يعاني بسببي هل راح اسعد شخص واخلي فرحان طول حياته بسببي شنو لراح اسويي وشراح يصير كل هاي التسائلات تدور بعقلي لحد منمت بدون مادري.. گعدت ب 7 المغرب على صوت جوان

جوان:- مهرانن

مهران:- هاا

جوان:- ممهراان شووو گومم تسمعني

مهران:- گتلچ هاا گاعد شكو

جوان:- اهلك يردوك

مهران:- ليش

جوان:- موترحون ليوم

مهران:- اي

جوان:- اي گوم

مهران:- بنزعاج... ايييي

جوان:- هاي شبيك

مهران- مابيه

جوان:- اوك اترخص

مهران:- براحتج.. طلعت جوان من الغرفه واني گمت غسلت وطلعت غراضي طولت شويه وطلعت للصاله لگيتهم منتضريني حته نطلع سلمنة عليهم بس جوان مموجوده بالنهايه ردنه نطلع ياله اجت سلمت على اهلي وعليه بس سلامها عليه مچان مثل كل مره لمهم ما اهتميت هاهيه راح انقطع عنها وعن حياتها بأكملها لمهم طلعنه للسياره وجان عمي يسوقها ضلوا يحجون واني مدايرلهم بال بس اريد نوصل بسرعه تقريباً ربع ساعه وصلنه للبيت نزلت لغراض ونزلنه دخلنه للبيت چان نضيف لان اعتقد اجن نضفنه قبل لانجي بكم يوم دخلت لغراض وعفتهم باصاله گاعدين ورحت لغرفة من الغرف فتحت لباب وطبيت وحسيتها مخنوگه أو وحشه ماعرف بس هسه ياله حسيت نفسي غريب بل العراق يعني هناك چانو كلهم يمي وهنا هسه وحدي خليت الغراض بزاويه من الزوايا وعدلت لچربايه وردت انام طبعاً لغرفه چانت بسيطه يعني مجرد چربايه وفراش ارضيات وطبله صغيره بعدني ممأسسها لمهم رحت اريد انام ومرت على بالي ماعرف ليش وشجابها هسه على بالي ذكرت ضحكتها عيونها كلامها صوتها عصبيتها هاي الاشياء كلها حطلعها من بالي ومن حياتي هم شتت الافكار ولجئت للنوم... گعدت تقريباً ب 11 ونص غسلت ونزلت لجوه چان البيت هادء يمكن بعدهم نايمين رحت للمطبخ ما اعتقد راح الگه اكل حاليا شربت مايي واخذت غراضي وطلعت حته اجيب خضروات واشياء غذائيه وهم اجيب غدة اخذت تكسي وطلعنة وصلت اطيت الكروة وتشكرت منة رحت للسوك وضليت صافن علية هوسة منين ابدي سميت بأسم الله ورحت اشتري غراض تقريباً باساعتين اني بسوگ لان جبت مستلزمات هم لمهم رجعت للبيت وچانو گاعدين انطيتهم لغراض وصعدت ارتاح طبعاً جوان متروح من بالي وتصرفي كذالك شلون ردت اخليها تحبني اصلا ليش تقربت منها وتواصلت وياها اكثر من لبقيه ليش اله جوان مرت الايام ويوم بعد يوم حاولت اتناساها بعد مرور شهر كلت ليش ما ارجع للدراسة احسن شي يصير اكمل سادس ف قررت ابدي ادرس من جديد واستقللل لان لاشغله ولا عمله لمهم قدمت للمدارس وچنت بين المستعد ولتمررددد لان حسب مگالو انو لدراسه هنا صعبه كلش ف چنت متردد بسس انقبلت بوحده من المدارس حضرت نفسي وباشرت دوام من أول يوم گعدت ب7 نص ساعه خلصت ورحت للدوام دخلت للمدرسه وچانت شبهه خرابه لان اعتقد انو مبنيه من زمان بس ماشي حالها يندرس بيها لمهم رحت للصف واول مدخلت چان لصف هوسه يعني لطلاب يتعاركون بس بشقه لمهم گعدت على وحده من الكراسي هنه چانن رحلات وكراسي او ستولات گعدت وشويه واجاني واحد من الطلاب

ميثاق:- عيني عزيزيي شنو مشفت لجنطه حاطيها بشر هنا

مهران:- وينها شو ماهيه.. من حچيت هيچ خله لجنطه على لستول

ميثاق:- وهاي حطيتها

مهران:- حبيبي توكل منا دنيا لصبح ترا ومالي خلگ من اول يوم

ميثاق:- شو انتَ مدري شنو

مهران:- شنو

ميثاق:- شو گول تره

مهران:- ترا

ميثاق:- شبي لسانك ترا هيه تره مو ترا

مهران:- وهسه انتَ عفت عركة الستول وركزت على الترا

ميثاق:- اگلك انسه الستول مدري شوف اليوم وحدي اتصفن بوجوهه هاي الناس الملحه

مهران:- اي وشنو المطلوب مني

ميثاق:- باوع انه خوش رجال ولنعم مني

مهران:- ولنعم منك مبين

ميثاق:- ايي تعال نصير صداقه وهيج

مهران:- جاي تحسسني صف اول ابتدائي

ميثاق... ايي اقصد لا شنو اوللل يوللل

مهران:- انتَ فاهم لصداقه غلط هيه موهيچ

ميثاق:- عمي لتصادقني اتعرف عليه بالبدايه خاف اطلع رجال موزين

مهران:- بضحك.. يلا عمي قابل بس شنو ترا اني جديد هنا وما احب اختلط بسرعه

ميثاق:- دسمعع عندي بعد اصدقائي خل يجون وتعرف عليهم

مهران:- لحضه غير گلت ماعندييي اصدقاء

ميثاق:- وانتَ فطير صدگت وين اكو واحد بعمري ماعندي اصدقاء

مهران:- مبين من هسه لوتييي

ميثاق:- لا ولله احنه خوش ناس نعجبك هسه خل يجون وشوفهم ميطولون

مهران:- گعد يحچي براسي وره كم دقيقه اجو اصدقائه وسلمت عليهم

ميثاق:- باوع عيني هذه السچاچ

مهران... اهلا باسچاچ بس شنو يعني

ميثاق:- يعني حاط راسه باكتب النهار كله عيونه متتعب بس انتَ ليش متعرف شنو يعني سچاچ

مهران:- بعدين اگلك

اذار:- حبيبي اني اسمي اذار

مهران:- عمري تشرفت بيك

ميثاق:- صدگ انتَ شسمك

مهران:- هوه انتَ الي شسمك

ــــــــــــــــــــــــــــــــــــــــــــــــــــــــ

دنبال کردن.....(يتبع)

مهران&جوان🍁