بدلت لبست تنوره اسود وقميص ازرگ كابوي كعب ابيض وشال رصاصي بخطوط سوده وجنطه رصاصي مثل الشال. انتظرت السايق اجه صعدت رحنا للكليه تقريباً نص ساعه وصلنا نزلت لكيت زينب صباح الخير
زينب : صباح النور
ساره :شلونج مشتاقتلج حييل
زينب :زينه
ساره :شبيج تردين من ورا خشمج
زينب :والله عيني لكيتي غيري مو زين واحجي وياج
ساره :هههه شلون ويه غيرتج ترا اني ابقى احبج وانتي خبلتي الوحيده واصلا محد يگدر ياخذ مكانج بگلبي
زينب: بدلع) اي اقتنعت شوي
ساره : يعني بعدج زعلانه
زينب :اي بعدني رضيني بشي اني احبه
ساره :انتي تحبين ولد الحلوين هسه منين الكه ولد
زينب :انتي صدك تحجين
ساره :ههههههههههايـي
زينب :اي ضحكي عابت اكلج اليوم اخوي يأخذنا
ساره :دنجبي اني عندي خط اروح وياه
زينب :ترا ازيد الزعل
ساره :اوفف منج تمام اروح وياكم
زينب:اي خوش
ساره :بعدج زعلانه
زينب :يعني شوي
ساره : دمشي امشي هسه نتأخر على المحاضره.... رحنا دخلنا للقاعه جانت المحاضره من نصيب دكتوره شيماء هاي الاستاذه من تشرح يطب منا 🦻ويطلع منا🦻 ههه
زينب :واني هم مثلج
دكتوره شيماء :ساره وزينب طلعوا برا
ساره :بس شنو سوينا
دكتوره شيماء :عيني ماعجبكم شرحي وهسه طلعوا برا
ساره :تمام
زينب :امشي احسن هيج بس تلغين
ساره :نجبي واتصلي على اخوج بعد مانتظر ابقى هنا من الفشله
زينب :اوك هسه اتصل.. تصلت الو عباس
عباس:ها شگو
زينب :تعال علينا بالكليه اريد نرجع
عباس :ثواني واجي
زينب :يلا باي.. اكلج حياتي هسه يجي اخوي
ساره :اي تمام... شوي واجه حسن
زينب :خير شجابك
حسن :اجيت اكلج اليوم امي يمكم علمودج واذا ترفضين اسوي شي اخليج تندمين
زينب :اشو انته تهدد وماخذ راحتك شوف ترا اني هذيج المره ماكلت لأخوي جان سحلك سحل حقيرر
حسن :شنو انتي تهدديني بأخوج ترا اجيب راسج وراس اخوج
عباس :اجيب راس منو ولك
ساره :حجيت بكلبي) يابويه اليوم منو يفكهم اخخ ياربي
حسن :اجيب راسك وراس اختك الصاق**
عباس :ولك اختي صاق***
ساره :ماشفت غير عباس هجم على حسن ودك بوكسات وزينب وكعت خرب حظي ظليت اذب على وجهها مي وهذول يتعاركون لمن اجو الطلاب وفاككوهم
حسن:والله الا اندمك يا جلب
عباس :يلا امشن انتن ما وراجن غير الطلايب بس اني اله على الغلطه اخخ
ساره :لزمت زينب كومتها من ايدها خطيه ماتحملت وگعت
عباس:بعد ابطئ امشننن حيييل
زينب :انته ليش تصيح
ساره :سكتي لا يعيط بيچ.. صعدنا السياره وگتله.. بس انزل يم الصيدليه انته مجروح بأيدك
عباس:اي هسه
زينب :بعد مايتحاچه اوفف لو تسمعين هسه الرزاله الي راح تصير بالبيت
ساره :الله يصيرج ههههه... قاطعنه عباس
عباس:يلا اني حنزل لصيدليه وانتن ابقن هنا
زينب :اني اريد انزل وياك
ساره : انيهم
عباس :لا اله الا الله امشن
ساره :هذا شبيه أخوج. اباوع لزينب مصدومه.. شبيج شكو
زينب :خلي ندخل وبعدين اسولفلج
ساره :دخلنا لصيدليه وشفت كنان خرب حظي اني شلون ما نتبهت هاي الصيدليه الي يشتغل بيها كنان
كنان :دخل ولد ماعرف شبيه بس خشمه بيه دم وياه بنيه ما اعرفها بس دخلت الثانيه هااي ساره شجابها هنا.. ساره شجابج هنا انتي مو هسه ترجعين
ساره :ياربي.. هاا اي مو طلعنا وگت واخو صديقتي اجه أخذنا وگال ننزل لصيدليه واني گلت هم انزل واجيب علاج الي
كنان :ولج دمي فار مو عندج ابو زين اني احمد ياسر ليش انتي تجين اني اعلمج بس اروح للبيت اذا ماكسر راسج
ساره :مو بكيفك
كنان :اي خوش ان شاء الله يصير زين.. سعد جيب العلاج الي كتلك عليه
سعد :اي هاك.. شفت نفس هاي البنيه خرب هاي ما تعرف غير هاي الصيدليه بس ماعرف منين جايبه هلجمال
عباس :يلا بنات خلصتوا
كنان :لا تتأمر هما يخلصن ويكولولك
عباس :انته منو؟
كنان :اني ابن عم ساره
عباس : نتشرف بس نبرة صوتك ما عجبتني اعرف تتكلم ويه الناس
كنان :اوي جاي تعلمني شلون احجي ويه الناس
سعد :كنان كافي لا تسوي مشاكل عيب
كنان :لخاطرك بس راح اسكت. بس وعلي يا ساره بس ارجع للبيت
ساره :دا احجي ودخل مره وزلم اثنين وسكتت بعدها طلعنا بس أتعجبت من موضوع زينب شعجب ماحجت وهيه ادور مشاكل يمكن خطيه من ورا حسن سكتت.. شوي وصلت للبيت صعدت لغرفتي بس محد بالبيت ماعرف وينهم بابا يمكن بالشغل بس ماما وين صحت ماما وينج محد رد خاف راحت لبيت عمو خلي اتصل تصلت تلفونها بالمطبخ ياا وينها بعدها رحت سبحت وبدلت ونزلت للمطبخ وين ماما اوفف ليش ماخذت تلفونها خلي اصعد لغرفتها صعدت ولكيتها
لكيتها واگعه اجيت عليها مامااااا شبيج ماما كومي يااا بابا وينك عفيه ماما گومي أضرب على وجهها ماكو ما تگعد ما تحرك لا رجل ولا ايد شسوي اتصلت على بابا. ابچي واحجي.. بابا ماما تعاالل
علي :شبيج بنتي شبيها امج
ساره :اجيت وشفتها واكعه بالغرفه ماعرف شسوي عفيه بابا تعااال
علي:جاي جاي. ركبت سيارتي ورحت دخلت كبل الدرج سويته بايتين.. شبيهااا فرح گعدي.. شبيها ساره شصارلها
ساره :ابچي واحجي. بابا مادري اجيت اريد ادخل لغرفه ماما ولكيتها هيج واگعه
علي :امشي أخذها للمستشفى
ساره :اي بابا بس البس واجي
علي:انتظر.. شلتها ورحت لسياره حطيتها ورا اجت ساره
ساره :بابا اني راح اكعد يم ماما
علي :اي خوش.. طرت بيها للمستشفى وصلت جابوا السديه حطوها بغرفه كالوا لازم تحليل دم وحللوا
ساره :بابا ماما اكيد راح تعيش
علي :لا تخافين بنتي ان شاء الله مابيها شي... شوي وجابوا تحليل.. ها دكتور شبي تحليل
الدكتور :والله مادري شكلكم
علي :شنو شبيه كول دكتور
الدكتور :المريضه فرح صاير بيها سرطان
علي :من گال الدكتور صاير بيها سرطان احس كلشي بيه انتهى.. زين دكتور شلون اعالجه
الدكتور : اني راح اكتب الها علاج بس اذا انتشر اكثر راح تضرب كيمياوي ويطيح كل شعرها
علي :اخ يا دكتور سوي كلشي علمود تصير زينه
الدكتور : ان شاء الله احنا نسوي الي نگدر عليه والي كاتبه الله يصير
علي :والنعم بالله شكراً دكتور... طلعت لكيت اخوي برا
كامل :ها شصار شبيها مريتك
علي : باوعت لساره وهيه متلهفه على ما تعرف شنو بيها... شكلك ياخوي
ساره :قاطعت الحديث.. شكو بابا ماما شبيها كول
علي :والله طلع بيها سرطان
ساره :من گال بابا ماحسيت برجليه كبل وكعت وغمى عليه
كامل :شيلها
علي :شلتها واجت ممرضه حطيتها بغرفه وهيه حطتلها مغذي ياربي جنت بوحده صرت بثنين يارب احس ظهري نكسر شلون ويمته صار بيها هيج اوفف.. حسيت ايد ساره تحركت.. ها بابا انتي زينه
ساره :بابا عفيه اخذني لماما
علي :بنتي شوي رتاحي وروحي شوفيها
ساره :عطت بيه.. باباااا كلتتت اريددد اشوفهااا مامااااا
كامل :عمو اهدي هسه تشوفينها
ساره :عمو اخذني الها الله يخليك
كامل :يابنتي بس اهدي وابقي شوي علمود يخلص المغذي مالتج
ساره : اوفف انتظر.. شوي ودخلوا احمد وكنان
كنان :شكو شصاير شبيها عمه فرح
كامل :صار بيها سرطان
احمد +كنان :بصدمه ياا
ساره :عمو تعال شوفه ماخلص اريد اروح
كامل :لا بنتي ماخلص اهدي ولا تتوترين.. علي انته شبيك اهدى
علي :اخخ يا كامل شسوي
كنان :عمو اهدى شوي ان شاء الله تصير زينه
ساره :تودوني لو اني اروح
كنان :ساره لا تتخبلين اهدى مو گلنا يخلص المغذي وتروحين تشوفيها
ساره :ماا ماا اريد هسه
كنان :صيري عاقله. باوعت للمغذي وحجيت. اها شوفي بس انتظري خمس دقايق ويخلص واني بيدي اخذج
ساره :تمام اوفف.. شوي وصارت هوسه عماتي اجن والولد كلهم ومرت عمو كامل وياسر بس البنات ماجن ماشفت وحده
هدى :شو صار شبها فرح
علي :صار بيها سرطان
الكل :يااا ‼️
فاطمه :وهسه شلونها هيه وينها
علي :هيه بهاي الغرفه ماعرف شلونها
ممرضه :ممكن تبعدون ترا مو زين على المريضه وشوي أصواتكم
الكل :تمام
ساره :خلص المغذي واجت الممرضه شالته مني.. ممكن سؤال
الممرضه :تفضلي
ساره :حبابه اگدر اشوف امي
الممرضه :هسه ما تگدرين بس بعدين او باجر
ساره :بچيت باجر ليش هسه اريد والله بس شوي لو من بعيد ومااسوي شي حبابه والله ماگدر بدونها
الممرضه :ماعرف شكلج يلا امشي بشرط ما تلمسينها ولا تتقربين منها من بعيد وتشوفيها
ساره :اي ماسوي شي والله هذا فضلج ما انساه.. رحت اني والممرضه لكيتهم كلهم برا
كنان :ها وين
ساره :رايحه اشوف ماما
الممرضه :يلا امشي ترا ماعندج وقت
ساره :تمام.. رحت ويه الممرضه ودخلت.. بچيت ماما ليش هيج سويتي بيه حبابه كومي والله ماكدر بدونج شلون رااح اعيش ايامي بدونج وبدون حنيتج عليه
الممرضه :ترا مايصير هيج ان شاء الله تكوم بالسلامه
ساره :ان شاء الله.. اوفف
الممرضه :يلا بعد ماگدر اخليج اكثر تفضلي وياي
ساره :تمام... طلعنا اني والممرضه رحت كعدت يم بابا
علي :شفتيها
ساره :حطيت راسي بحضنه وبقيت ابچي.. اي بابا شفتها
علي :اندعيلها تكوم بخير
كنان :ساره شعرج طالع عدلي حجابج
ساره :باوعتله وخزرته عدلت حجابي... شوي وطلع الدكتور وگال
الدكتور :المريضه أيامها معدوده لان انتشر المرض بجسمها كله
ساره : حجه هيج وبابا هجم عليه
علي: من كال الدكتور هيج احس فقدت وطفرت على الدكتور لزمته من ياخته.. شلوووون انتشر بجسمهااا هااا گولل شلوووون
كامل :هاي شصار عليك علي اهدى ان شاء الله تصير زينه
ساره :بابا اهدى شوي ماما ان شاء الله تصير زينه لا تسوي بنفسك هيج حباب
علي :وخررت ورجعت ليورا اخخ يا فرحتي شسويتي بيه
ساره :ظليت ابچي حيل لمن حسيت ايد لزمت زندي لفيت شفته كنان
كنان :اهدى ساره لا تبجين
ساره :كنان شلون ما تريدني ابجي هاي ماما
لا تنسون التصويت ♥️🥺
1435 كلمه 💜..
