ام كنان : يمه اسم الله شبيج بنيتي
بيان : احم لا عمه مابيه شي بس شوي نعسانه
ام كنان : لعد صعدي نامي
بيان : لا بس انتظر لليل. هوا جان ساعه 4 العصر
كاظم : احم اني عازمكم على زياره وياي
ابو كنان : شنو المناسبه
كاظم : اساور تريد تزور امها فكلت أكلكم ونروح كلنا سويه
علي : اي مابيها شي نروح وياك بس يمته
ابو كنان : خلي نطلع الفجر اليوم
فاطمه : جا اني اطلع وياكم للبصره بغير سياره
ابو كنان :براحتج بويه
علي : تروح ويانا امك مو
كاظم : ان شاء الله وهوا اني ترخص
ام كنان : لعد يمه ظل العشه
كاظم : تسلمين يالغاليه بس اريد اروح لسوك اشتري لاساوره عبايه
ام كنان :ها خوش لعد الله وياك
كاظم :الله وياكم. اخذت اساور وطلعت اشتريتلها عبايه وخلصنا. حبيبي شرايج نكعد بمطعم
اساور : ماشي. دا نمشي وصاح علينه رجال لف وجها كاظم واني هم
.. :عمي هاي بنتك وكعت العلاكه مالتها
كاظم :بنتي؟
.. : اي هاي وياشر على اساور
كاظم : ضحكت وكتله. لا هاي خطيبتي مو بنتي
.. : يا عمي نعتذر وهاك العلاكه
اساور :اسمع وعصبت شنو بنته اني اخذ العلاكه ومشينا اباوعله يباوعلي ويضحك. خير شنو الي يضحك
كاظم :بنيتي
اساور : كاظم والله راح ابجي شنو مامبين عليه جبيره
كاظم : كافي حبيبي اصلا انتي كتكوته صغيره
اساور :برطمت ودخلنا المطعم كعدنا اجه النادل
كاظم : رفعت راسي واشوف ابن خال اساور ابتسمت تك خد وحجيت. يلا حبيبي اطلبي
اساور : رفعت راسي اريد احجي واشوف ابن خالي باوعتله وتذكرت هذيج الليله عيوني غرغرن بالدموع باوعلي مستغرب حجه
.. : ترا ندمت وداعتج
اساور : ابتمست بستهزاء. صدك والله بعد ما طردوني انتم وعمامي وخليتوا الغريب يصير احن عليه
.. : اني زين شفتج اريد اكلج شي
كاظم : احجي فضنا
.. : ترا خوالج دا يدورون عليج واذا لكوج يذبحوج فا اذا متزوجه ميكدرون يسون شي واذا لا اتمنى تعقد عليها بأسرع وقت لان حاطين القانون وياهم بتهمه انته خاطفها واني اندل بيتكم بس ماحجيت لان حسيت بغلطي واني اسف واتمنى تكولون شنو تطلبون
اساور : باوعت على كاظم طمني بنضرته وطلبنا اكل اكلت شوي طلعنا وصلت للبيت كبل نمت
"" "" "" "" "" ""
فجراً ساعه 3
ساره : نايمه وفزيت على يزن يبجي وكنان توا كاعد اخذت يزن بحضني. يمته كعدت
كنان :قبلج بشوي هم ورانا طلعه النجف
ساره : اي. غسلت ليزن ورضعته ولبسته وجهزته كلش جهزت
كنان :جهزنا كلشي وعمه فاطمه طلعت لبيتها وبتها زينب طلبت منها تروح ويانا واتصلت على ابوها وافق واجتي ويانا اجه عمو علي واساور وكاظم وجنطهم ربع ساعه ودخلت عمه ياسمين وجنطها بعدها طلعنا أجرنا كوستر جبيره طول الطريق نص نايمه نص كاعده ونص تاكل
هند : بطريق وراسل أمير
أمير : هلاوو
هند : هلا بيك شلونك
أمير : زين انتي شلونج وصلتي بعدكم
هند :بعدنا يمكن بعد اربع ساعات ونوصل
أمير :ابقي طمنيني
هند : ماشي حبيبي
أمير :اكلج
هند : كول
أمير : كرار يكول خلي اسماء ترد على رسايله
هند : ماشي الله وياك حبيبي
أمير : الله وياج
هند : سديت التلفون وباوعت لاسماء. اسماء
اسماء : ها
هند : كرار يكول خلي ترد على راسايلي
اسماء : منو كلج
هند : أمير
اسماء : اوك. فتحت تلفوني شفت رسايل تهديد ورسايل غزل هسه اني عليمن ارد حيرني هلرجال اووف منك كتبت. هلا. اتصل عليه واجاني صوته يرعد رعد
كرار : بت الكلب يعني اني من البارحه اتصل وأراسل وانتي حضرت جنابج قافله الخر. مالتج وتجين تكولين لاختج علمود تكلي ترحين لو لا بت النعال اني خلي الزمج اذا مااطيح حظج بربوك
اسماء : كافي كرار تغلط على بابا
كرار : من دنعل ابوج على هالتربيه السزز وصلتي لولا
اسماء : وشخصك بيه انته يهمك وصلت لو لا معليك بيه يلا روح
كرار : أسماء لا تخليني الحكج واكضج يم الإمام اجنزج ترا والله اسويها
اسماء : خوش ماوصلت بعدني تريد شي يلا روح
كرار : استغفرالله لج بابا كتلج هاي البنيه اعتبرها مثل اختي شبيج
اسماء : مثل اختك تدخل غرفتك وتكلك عيني كرار وتتنعوص
كرار : والله رزلتها ورا ما سديت منج
اسماء : يلا خوش هسه نريد ننزل نريح باي
كرار : ماشي يا اسماء روحي شكو بيها
اسماء : نهيت منه ونزلنا يم مطعم
ياسر : لج بابا لا تركضين تعالي هنا يمي
ليان : بابا بث ثويه (بابا بس شويه)
بيان : ليان ماما تعالي
ياسر : صوتج ولج ترا بنعال
بيان : هسه منو سمع صوتي
ياسر : نجبي احسن. كعدنا بالمطعم واكلنا وجان وقت صلاة صلينا ورجعنا للسياره
كنان : حبيبي راح نصعد محتاجه شي
ساره : اي حبيبي جيبلي حلوياتي الي احبهن
كنان : لج بحضنج طفل ودورين حلويات
ساره : يعني شلون اني اريد
كنان : عيوني الج. رحت لمحل جبتلها علاكه واجيت وانطلقنا
زينب : ااخخ يابه شكد ملل
رفل : اي اكلج اني من اضوج اكل شنو رايج ناكل
زينب :ام بطن اكعدي
رفل : دنجبي. طلعت حلويات وكعدت اكل وزينب تاكل وياي
كاظم :طول طريق اساور نايمه على جتفي وكل شويه امي تباوعلي بطرف عينها اعرف متقبل كعدت اساور لزمت ايدها. حبيبي تردين شي
اساور : لا ماريد بس مي اريد
كاظم : تامرين. جبت بطل مي ونطيتها شربت وكعدت تاكل
كنان : وكفت السياره وصلنا فتحت الباب ونزلنا بالبدايه راح نزور الإمام علي (ع) وبعدين نرتاح ونروح للمقبره نزلنا كل احنه واحجزنا بفندق أني وساره ويزن بغرفه
وامي وعمه ياسمين اسماء بغرفه
وزينب ورفل وهند بغرفه وبيان وخواتها واساور بغرفه
واحمد وياسر ورحمان بغرفه
وعلي وكامل وكاظم بغرفه
ساره : حبيبي بس الزم يزن اريد اسبح كلش ضجت
كنان : ماشي حبيبي روحي. راحت ساره واني حطيت يزن والعب بيه وهوا بس يضحك طلعت من الحمام
ساره : بسته بخده. خو ماتعبك
كنان : تعبه راحه هوا وأمه
ساره : ابتمست بخجل واجه يمه شايل يزن لزم وجهي بأيد وحده
كنان : عدنا طفل ولسه تخجلين من الغزل
ساره : من ابطل أخجل منك صدك بطلت احبك
كنان : احبج حيل يا ريحانه كلبي
ساره : واني هم احبك يروحي
كنان : بست شفتها وخرت عنها سمعت يزن يبجي. لك بابا بعدك صغير وتقطع عليه هيج لحضات
ساره : هههههه جيبه اكيد جوعان. أخذته من رضعته وكنان كاعد مكابلني. شبيك
كنان : عاد بس اباوع مامحصلين شي بس بنضره
ساره : استحي شوي كنان
كنان : ديلا بدلي علمود نروح نزور
ساره : اوك. كمت بدلت ليزن كنان طلع شوي ورجع بدلت اني هم وهوا همين دنكت البس بحذائي واندك الباب فتحه كنان
احمد : يلا راح نروح نزور
كنان : اي ماشي هسه نجي
احمد : اوك. رحت لغرفه بيها رفل دكيت الباب طلعت زينب. خلصتوا بعدكم
زينب : لا حبيبي بعدنا هسه نخلص بس ثواني
احمد :اخاف هاي الثواني تصير ساعات
زينب : شوفني اني خلصت وهند ورفل همين
احمد :لعد يلا انتظركم باب الفندق
زينب :ماشي. دخلت كملنا كلشي وطلعنا لكينه الكل طالع جان الفندق كلش قريب عن الإمام فا رحنا مشي دخلنا للتفتيش وبعدها دخلنا زرنا صلينا ركعتين وكعدنا ندعي
ساره : دخلنا زرنا حطيت يزن بيد كنان واني دخلت أزور صليت وكعدت اقرا قرآن اجتي مره هيج عمرها 40
.. : اكول بنيتي
ساره : رفعت راسي. تفضلي خاله
.. :انتي جايه ويه منو
ساره : ويه اهلي
.. : انتي متزوجه
ساره : اي بس ليش
.. : يا خاله عبالي ما متزوجه حبيتج ودخلتي كلبي كلت اخطبج لابني من امج
ساره : ابتسمت بهدوء. لا خاله عادي
.. : الله وياج بنيتي
ساره : الله وياج. راحت لو يدري كنان انخطبت جان هسه يرجعني لتمينا كلنا وطلعنا بسياره وانطلقنا للمقبره وهنا وبده بجي اساور
اساور : بعد مازرنا وخلصنا طلعنا للمقبره اجه كاظم كعد يمي واني بجيت
كاظم : اني شكلت مو كلت بدون بجي
اساور : هزيت راسي وصلنا للمقبره نزلنا رحنا
ورحنا لقبر امي كعدت يمها وحجيت من بين دموعي. ماما حبيبتي وين رحتي وعفتيني محتاجتج حييل ليش اني ماعندي اهل ليش عفتوني انتي وبابا أني اشتاقيتلج كلش هواي اشتاقيت لصوتج من تكليلي كومي كافي نوم ضحكت من بين دموعي لج ماما خوالي وعمامي يردون يذبحوني ارجعي احتمي بيج انتي وبابا ترا كلش تعبت بغيابكم وضعفت ومالي غيركم ليش خليتوا بنتكم تعيش بين الغريب ليش ماما هيج هانت عليج وعفتيني
كاظم :كافي حبيبتي راح يتعب كلبي
اساور : بصياح وبجي. اني أريده يتعب اني اريد اموت واروح يم ماما عافتني بدون ما تسأل نفسها هاي البنيه من اموت وين تروح تعيش
ام كنان : يمه أهدي مايصير هيج ادعيلها اقريلها قرآن علمود ترتاح بكبرها ميصير هيج
اساور :يعني هيه ترتاح بكبرها واني ماارتاح
كاظم : عطت واني اشوف اساور توكع بين ايديه. لجججج اااسسساوررر مييي بسرعههه شلتها
