كامل : اشش نسمع من البنيه وبعدين نحكم
كملي بنتي
اساور : اي عافتني وياهم وهوا الجبير حاول يغتصبني* واجيت هنا
ساره : عفتهم وصعدت لغرفه رفل لكيت اسماء على تلفون وتراسل حجيت. لج اسماء شدسوين
اسماء : صعدت للغرفه اني ورفل هيه نامت واني فتحت النت وشوي وصلتني رساله من كرار. شعندج كاعده لسه. اني رجعت السؤال عليه
اسماء : انته همين شعندك كاعد لسه. شافها ورد
كرار : لج حقيره تجاوبيني بسؤال وحق محمد إذا الزمج اطيح حضج وهسه كولي شعندج لسه كاعده وفاتحه نت
اسماء : صارت عدنا مشكله وكعدنا على صوت العياط وضجت وصعدت للغرفه وفتحت نت هسه عندك مشكله؟
كرار: طفي النت ونامي لا هسه اجيج وربج محد يفكج مني
اسماء : اريد اكتب ودخلت ساره عدلت كعدتي. فززتيني
ساره : ولج غير اجو ولد خالها اوي وصارت عيطه بنص الشارع هسه ننفضح
اسماء : عززا والبنيه
ساره : كاعده تبجي جوا. كليلي شجاي تسوين
أسماء : احم هيج كاعده اتصفح على النت
ساره : كاعده تتصفحين لو تحجين ويه كرار
اسماء : ايي جنت احجي ويا
ساره : امشي ننزل
اسماء : ايي. نزلنا والبنيه كاعده تملخ بخدودها اني كبل طفرت عليها. لج ليش
ساره : شكو ليش هيج تسوي بنفسها
كنان : امها سوت حادث وماتت وهيه راجعه
ساره : ياا خطيه الله يرحمها وولد خالها ليش اجو يعيطون
كنان : يردون ياخذونها وكاظم كضهم وصلخ جلدهم
ساره : ضحكت بصوت عالي كلها انتبهت عليه. اسفه بس اجت بالي نكته. حجيت هيج وعمو ظل يضحك شوي وسكت حجت عمه ياسمين
ياسمين : وهسه شنو نسوي
كاظم : هنددد جيبي حجاب منج وجبه وتعالي
هند : ماشي. صعدت ركض جبت الشال والجبه ونزلت ركض عالدرج ردت اوكع اجه ياسر
ياسر : الله الله شبيج وثول
هند : اوي وخر عني. قدمت ايدي لكاظم ونطيتهم
كاظم : كومي اساور لبسي
اساور : وين تاخذني
كاظم : لبسي بدون حرف زايد ترا كوه لازم نفسي عليج
اساور : لبست ولزم ايدي كاظم
كاظم : راح أخذها لبيت خالي علي هناك تبقى. بنات منو تروح وياها
هند : اني اروح
كاظم :لبسي بسرعه انتظرج
ياسمين : شنو جاي يصير كامل احجي ويا
كامل : جاي يسوي الصح
ياسمين : البنيه اكيد عدها عمام خوال ياخذونها عدهم احنه شكو
اساور : عمامي ذبوني اني وامي من مات بابا وخوالي اذا اروحلهم مايستقبلوني لان امي خلص ماتت
كاظم : يمه خلي اوديها واامن عليها واجي اتفاهم وياج اروحلج فدوه
مريم : الي يكوله كاظم صح خيتي هدي وان شاء الله خير
هند : نزلت. يلا اجيت
كاظم :امشي. لزمت ايد اساور وهند تمشي بصفي ومشينا وصلت دكيت الباب مرتين الثالثه فتحه وهوا مستغرب حجيت. تستقبلني
علي : تفضل تفضل وليدي
دخلوا وكعدوا بالصاله
علي : احجيلي كاظم منو هاي البنيه وليش جايين بهيج وقت انته وهند
كاظم :حجيتله كلشي من الألف إلى الياء. اريد اخليها يمك خالي
علي : بعيوني هند صعديها بغرفه ساره وخليها ترتاح
هند : ان شاء الله خالوا. صعدتها وكتلها. نزعي حجابج خالوا مايجي ونامي حتى اني همين انام يمج
اساور : ماشي. نزعت الحجاب والجبه ودخلت بنومه عميقه
