سعد :رجعت صعدت بالسياره.. هسه من ادخل لبيتهم والزمها واسحلها هم يجي كواد يلومني
كنان :انته هم كواد ليش ما سحلتها
ساره :على كيفكم شنو يسلحلها.. سعد لف وجه وباوعلي... خير تباوعلي
كنان :دور وجهك
سعد :اي خوش اني مطي شبيه رحت ورا العناد هاي البنات شكدهن
كنان :انته ماغلطت بشي واحد
سعد :شنو
كنان :من كلت اني مطي
سعد :مو صوج وربي يلا نزلني اروح مشي
كنان :يلا ولي.. وكفت السياره ونزل.. ظل بالشمس هوا انته مطي
سعد :اني اعلمك
كنان :حبيبي نزلي وتعاي يمي صعدي
ساره :تمام. نزلت وكعدت بالصدر
كنان :حبيبي ليش ما تلبسين عبايه
ساره :شنوو لا والله مالبس
كنان :بس خلي اتزوجج واعلمج شلون ما تلبسين عبايه
ساره :لا والله اصلا ماتزوجك
كنان :بكيفج هوا
ساره :اي غير اني إلي راح تتزوج
كنان :ديلا يلا نزلي وصلنا
ساره :يلا باي بعدين اجيكم
كنان :شعندج
ساره :شعليك سوالف مايخصنك حبيبي
كنان :يلا امشي دخلي
ساره :دخلت للبيت شفت بابا.. هلاو بابا شلونك
علي:هلا بيج ليش تأخرتي
ساره :والله بابا كنان كلي نكعد بمطعم
علي:يلا بنتي روحي بدلي وتعالي حتى نتغده
ساره :تمام.. صعدت لغرفتي غسلت وبدلت ونزلت.. اجيت
علي:يلا تعالي تغدي انتي مو اليوم تروحين ويه مرت عمج لسوك
ساره :سحبت كرسي وكعدت.. اي بابا اليوم اروح
علي:خوش لعد علمود انطيج فلوس هسه انتي اكلي وارتاحي وتلكين الفلوس يم راسج
ساره :شكراً بابا
علي :هوا اني كم ساره عندي
ساره :حبيبي بابا... خلصنا اكل وغسلت المواعين وتذكرت جنت اخلي المواعين على ماما اوفف يا ماما اشتاقيتلج خلصت مواعين وصعدت رحت لغرفتي اتصلت بزينب.. الو زينو شلونج
زينب :مو زينه
ساره :خير شبيج ليش تبجين
زينب :تعبت ولج
ساره :منين
زينب :ولج احبه
ساره :حبيبتي زينب اهدي شوي وان شاء الله تنحل وهسه انتي ليش تبجين كافي فدوه لعينج
زينب :تمام بعد ماابجي.. بس والله احبه بس مع ذلك هوا غلط بحقي هواي
ساره :ترا هوا هم يحبج ويغار عليج افهمي شوي يعني انتي تضحكين ويه غيره لا هنا المفروض يحطج ويسحلج
زينب :يعني هسه انتي جاي تهدين عليه لو تزيدين شنو يسحلني غير حجه كلام خلاني ابجي واتندم على الساعه الحبيت بيها
ساره :يلا حبيبي عادي اصلا هذا لسه قليل
زينب :يعني شنو
ساره :اصلا انتي جنتي خوش بنيه
زينب :شلون
ساره :جنتي تركضين ورا الحلوين وعايشه حياتج صح هسه اجاج مستر سعد وظل يصيح ويغلط بكيفه
زينب :اول مره تحجين شي صح
ساره :يلا حبي باي اروح اسبح
زينب :باي ام الوصخ ههه
ساره :الزمج.. نهيت المكالمه من زينب ودخلت سبحت بعدها طلعت مشطت وكعدت اكللب بالموبايل اجتني رساله
:(كلي لزينب خلي تفتح الحظر)
ساره :انته سعد؟
:اي اني سعد
ساره :هسه أكلها.. رحت راسلت زينب... اكلج زينب يكول سعد خلي تفتح الحظر
زينب :شيريد ماافتح
ساره :اكلج فتحي احسن الج ترا مبين عليه معصب
زينب :اوك
ساره :فتحي الحظر وتفاهموا احسن ليش تظلون تتعاركون
زينب :تمام.. رحت فتحت الحظر عن سعد كبل اختني رساله
سعد :حقيرا ليش حظرتيني والله اذا الزمج افرك حلكج بنعال
زينب :احجي شتريد
سعد :اريدج تبطلين زعل
زينب :مابطل زعل اني وهسه كلي شتريد عندي دراسه
سعد:زينب خليني هادئ وياج حبابه
زينب :يغني انته تغلط عليه وبعدين تجي تكلي بطلي زعل
سعد :اسف اسف اسف اسف اسف
زينب :خلص لا تتأسف
سعد :يعني مقبول تأسفي
زينب :ايي مقبول
سعد :يبععُد رمَوش عينِي ❤️ وجفَني وَالعين وصبيَها. ونضَرها وذيچِ الأحَلام؟ سنهَ ماَشايفكك:( بسِ انته موجودَ! لسه اشتم عطِر مِن شوفتَ العام.!
زينب :احبكك وربي
سعد :واني هم احبج لج خبله
زينب :يلا باي حبيبي
سعد :باي حياتي 🤍
