ساره :مر على زواجنا اسبوعين وسمعت بزينب انو أهلها وافقوا على سعد واني عايشه احلا عيشه ويه حبيبي كنان وبعد يومين خطوبتها هيه تتصل عليه وتشوفني تجهيزاتها كلشي بسيط بس مع ذلك يجنن وكنان شبه قابل انو رفل ومصطفى يتزوجون بس بقى عمو واحمد ياسر مايدخل بهيج أمور يكول اذا يحبون بعض ليش ما يتزوجون. ها نسيت اكلكم طلعت النتائج واني الحمدالله ممتاز حتى زينب واحمد وياسر والبنات همين ناجحات بس هند دور ثاني فزيت من صفنتي على صوت عمه مريم
ام كنان : يمه ساره نزلي اجت عمتج ياسمين
ساره :اي عمه ثواني وانزل. رحت فتحت الكنتور ابدل كنان بالشغل بدلت ونزلت سلمت على عمه ياسمين والبنات بس رحمان وكاظم ماجاينن صار وكت العشه كمت اني وهند وأسماء ورفل سوينا عشه شوي واجه كنان
كنان :سلام عليكم
الكل :وعليكم السلام
ياسمين :شلونك عمه
كنان : هلا بيج عمه زين انتي شلونج
ياسمين :الحمدالله
كنان : صعدت لغرفتي وصحت لسارتي اجتي
ساره :الله يساعدك حبيبي
كنان :ويساعدج حياتي. اكول تعالي حضريلي ملابسي اريد اسبح
ساره :تمام. رحت حضرتله ملابس وهوا يسبح كعدت اكلب بموبايلي طلع لاف على خصره المنشفه عطت بيه. لك ليش هيج تتطلع هسه تتمرض كنان
كنان : هاي شبيج بعدين ماتمرض متعود اطلع هيج
ساره : اجيت وكفت يمه وحجيت. حبيبي البس هسه تتمرض الجوا بيه بروده
كنان : لعد لبسيني انتي اذا تخافين عليه
ساره :اوف منك. جبت تشيرت ولبسته وشلت بجامه وباوعت عليه وهوا ظل يضحك
كنان :يلا هم هاي لبسيني ياها جا بس التيشيرت
ساره : البس انته عيب
كنان : هسه تخجلين بس البارحه شاورتها
ساره :عزا كنان كافي صوجي اني اخاف عليك وخر اروح
كنان : حضنتها حيل وبستها من خدها. لج اروح فدوه للخجلان
ساره : امم يلا بدل علمود ننزل نتعشى
كنان :ماشي ينظر عيني. لبست ونزلت اني وساره
ساره :كاعدين ناكل وانتبهت على أسماء ماتاكل حجيت بهدوء. اسماء ليش متاكلين
اسماء :هاا ااي دا اكل
ام كنان :يمه خاف معجبج الاكل
اسماء :لا شسالفه قابل شنو اكل واصلا طيب الاكل عاشت ايدج
ام كنان : وايدج بنيتي
ساره :بقيت ساكته بعدين أحقق وياها ليش ساكته. بعدها خلصنا اكل كمت غسلت المواعين اني وهند وأسماءورفل شوي مريضه فا ماغسلت ويانا صارت ساعه 10 كنان كلي يلا تعالي
ساره :حباب كنان بس اريد احجي ويه البنات
كنان :لعد اني عندي سالفه اهم من البنات
ساره : كنان حباب بي هالمره بس احجي ويه البنات وارجع انام يمك
كنان : تمام بس هالمره واذا انعادت بالعباس اعلكج بالبنكه فهمتي
ساره :اوك
كنان :فهمتييي
ساره :فهمت والله فهمت. عفته يسب ويغلط على سعد ماعرف ليش على سعد المهم اني صعدت يم البنات دخلت. هلاوو اجيت
هند :لج شلون اقتنع كنان
ساره :يمه خلاني اتوسل. المهم اني جايه هنا علمود اعرف شي ومااطلع من الغرفه اذا ماعرف
رفل :شنو
ساره :اسماء احجي يلا
اسماء :شحجي
ساره :ترا وضعج ماعاجبني من يوم الي رحتي وياي للصالون ولليوم ماعاجبني احجي شكو ولا تظلين تصفطين حجي
اسماء : شحجي شبيج ساره
هند :الفضول طلع من عيوني واذاني احجي شكو اسماء شمسويه
رفل :حتى اني احجي شكو
اسماء :خلص صرعتني هسه احجي. اول شي من رحنا نحجز بدله حنه لساره....... (حجت كلشي) وهسه يكول اجي اخطبج بس اني ماعرف شبيه أريده وماريده
ساره :عزا هيه تحجي واني فاتحه عيوني على وسعهن حجيت. لج هذا كله صاير وماتحجين
هند : هسه يمكن انتي بعيده عنها اني اختها نايمه وياها بنفس الغرفه وماتحجي
رفل :زين ليش تريدينه
اسماء :لان كلبي يكول
رفل :وليش ماتريدنه
اسماء :لان عقلي يكول اهلج ميقبلون واذا سألوا عليه ماعنده عمام ولا حتى خوال بس امه واخو وابوه ميت
ساره :زين هوا شنو يشتغل
اسماء :عنده شركه هوا مديرها هوا حالته كلش زينه حتى صورلي البيت مالته يجنن وبس هوا وأمه واخو عايشين بيه
ساره :زين شكد عمره وشنو اسمه
اسماء :بعد طلعوله هويه
هند :نجبي واحجي
اسماء :هوا عمره 29 سنه واسمه كرار
ساره :هاا هوا اكبر لو اخوه
اسماء : لا هوا اكبر اخو أمير عمره 26 سنه همين مامتزوج
هند :اكلج شنو رايج نطبق الاخوان سوا
اسماء :نجبي هوا اخو يكره النسوان مايحبهن
ساره :يلا اني عرفت هسه اروح انام تصبحون على خير بنات
البنات :وانتي بخير
ساره : طلعت من الغرفه رحت لغرفتي وشفت مطفي الضوا مشيت على طرف اصابعي واني اروح للكنتور فتحته وحجه كنان فززني
كنان :ان شاء الله خلصتي
ساره :اي والله اخخ جان فضولي يوسوس باذاني
كنان :نجبي وتعالي نامي يمي لان مشتاقلج
ساره :حبيبي بس ابدل. رحت للحمام بدلت وطلعت نمت على جربايه وهوا جرني اله
كنان : جريتها عليه وأخذت شفايفها وعشنه احلا ليله
