سعد
بعد ما خطبت زينب وصلني الجواب بالرفض احتركت اعصابي وكل ما تخابرني زينب تكلي امي دا تجبرني على ابن خالتي واني افور واتعارك وياها وهيه بس تبجي ماتريده اجت امتحاناتها وكلت استغل الفرصه واروح اشوفها بالكليه رحت شفتها واكفه هيه وساره ومبينه مقهوره اوف يابت كلبي وصلت يمهن كلت. صباح الخير بنات
ساره :دا نحجي واجه سعد صبح علينه. صباح النور
زينب :وهيه تتهرب من نظراته. صباح النور
سعد :زينب تعالي لاكافتريا احجي وياج
زينب :ماعندي وقت هسه يبدا الامتحان عود من اخلص
سعد :لعد اكعد انتظرج بالكافتريا
ساره :باوعت لساعة تلفوني وحجيت. يلا زينب بعد خمس دقايق ويبدأ الامتحان
زينب :امشي
ساره : مشينا وهوا راح دخلنا القاعه وتوزعت الاسئله زينب باوعتلي واعرف بيها مادارسه ابتسمتلها مطمنه. ياربي كون تجاوب اذا رسبت اخوها يزينها صفر وربي المهم بين سوؤال صعب وسهل خلصت وسلمت ورقتي طلعت انتظرت زينب تخلص ربع ساعه وطلعت. ها حبي جاوبتي
زينب : بعدم تأكيد. اي جاوبت
ساره :يلا لعد روحي لسعد احجي وياه
زينب :شحجي
ساره :كلش يخطر على بالج اهم شي تبقين تحبي وهوا يحبج ولا تنسين من سعد الي يتخلى على شي يحبه يلا روحي وان شاء الله تكونون لبعض
زينب :اوك اني رايحه
ساره :راحت زينب واني رحت على أحمد لكيته مخلص امتحان ورجعنا للبيت
❤️🩹❤️🩹❤️🩹❤️🩹❤️🩹❤️🩹❤️🩹
زينب : رحت للكافتريا شفته كاعد وعينه بالموبايل شافني غلق موبايله كعدت. احم احجي سعد اسمعك
سعد : زينب اني ادري بيج ضايجه لان اصيح عليج وارزلج
زينب :اصلا عادي هوا ياهو شايفني مرزلني عادي الشغله
سعد :افهميني لج اغار شلون ترديني اقبل اعوفج واخلي هذا السرسري ياخذج مني لج والله اموت احبج اني حيل
زينب : اذا اهلي ميقبلون شلون اصير الك
سعد : مو اني الي اتخلى على شي احبه وافضله عن عافيتي يابعد عافيتي واهلها
زينب :دنكت باجيه. سعد امي بالخصوص معانده غير عمار ماتزوج وتكول اذا اجه سعد خطبج من جديد اطرده
سعد : لزمت حنجها ورفعت راسها. مو زينب العرفها شبيج تبجين ترا انتي الي وهذا عمار ناوي عليه كل شر بس اصبري ااذا ماكره بالنسوان واخلي يكرهج
زينب :حباب لا تسوي شي ما ناقصني مشاكل ترا امي على أقل حركه مني ترزلني واني ماحجي شي واكول عادي هذا نصيبي من عم...
سعد :أشك حلكج اذا كلتي نصيبي من عمار " اني نصيبج وانتي نصيبي" فهمتي
زينب :هزيت راسي بـ اي وهوا طلب عصير
سعد :شربي شبيج صافنه
زينب :ماشتهي
سعد :شربي لا اكوم افرغه بحلكج غصب
زينب : راح اشرب بس لا تعصب
سعد :ترا اني احب البنيه للحبابه والي تسمع الكلام
زينب : اوك اصير حبابه وراح اسمع الكلام
سعد :بنيتي الأحبها
زينب :واني هم احب..
: لج زينب
زينب :نداريت عزا هذا عباس اخوي اجه تقرب مني وسعد كام. اخوي بس افهمك
عباس :شتفهميني لج حقيرا طلعين ويه شباب
سعد : برود. اكعد احجي وياك ليش هلكعد عصبي
عباس : كاعد وتحجين كلشي واحنه مو رفضنا ليش بعدج طلعين وياه
سعد : ترا هاي اول مره اطلبها بس انتبه "مو آخر مره"
عباس :تهدد لو شنو
زينب :عباس اهدى خلي افهمك. تعرفني اني ماحب عمار ومااريده وادري امي فارضه رأيها عليكم حباب اوكف وياي ترا ادري بالك راح بعيد بس والله بالحلال ومالازم ايدي حتى صدكني واني ادري بيك تثق بيه وراح تصدكني
عباس :سحبت راسها وبسته وحجيت. اعرفج تربيتي وما تمشين بالطريق الغلط لكن تعرفين امي اذا حجت مالنا رأي خاصه بزواجج واني وياج وكلنا نحب ونعشك وكلنا نتعذب بالحب ابسط مثال اني حاربت عمامها وأخذتها تذكرين
سعد :ابتسمت على كلامه الها وشلون يثق بيها حجيت. واني راح احارب واخذها من خوالها غصب
عباس : زين اني عندي خطه وهاي الخطه اذا مشيتوا عليها راح تكونون لبعض بس ساعدوني شوي
زينب : مسحت دموعي. شنو هيه
عباس : تعرفون عمار ابو الملاهي ويشرب بس مايتقرب يم النسوان بس يسهر ويجي بس اني هسه اخليه يتقرب لزمت ياخة تشيرت ورفعت راسي. ربي لا تجعله ذنب وانته غفور رحيم
سعد :اي كمل
عباس :احم وانته صيدلاني فا راح دبرلي كم حبوب مخدر حتى يشرب وينام وانوم وحده يمه واطكطك كم صوره اله واراويها لامي بس ماطلع صور البنيه خطيه سمعته تروح
سعد : لك خلي بليس يتعلم منك
زينب :بس خايفه
عباس :لا تخافين واني بظهرج. وانته سعد أريدك تسوي حساب ثاني الك على انستا فيس بكيفك وتروح لاكاظم تطك صور بالمرقد وتنشرها وهنوب تروح لامام علي هم نفس شي والأمام الحسين والأمام العباس (ع) كذالك حتى اراويهن لأبوي واقارن عمار بيك
سعد :هسه بليس يدمغ جهاله يكلهم تعلموا
زينب :لا اني مااوافق
سعد :هسه اكوم امدج هنا نجبي احسن
عباس :باوعله ورافع حاجبه. باع الأخلاق ترا هاي اختي واذا هيج تتعامل وياها انساها
سعد :احم سكتت
عباس :خيتي يلا امشي كافي تأخرنا هسه ساعه 12 يلا. الله وياك سعد
سعد :الله وياكم
زينب : رحت ويه عباس وصلت للبيت جانت امي كاعده بالحديقة
ام زينب : وين جنتو وليش تأخرتوا
عباس :وعليكم السلام يمه رحت على زينب وتغدينا برا وفرينا اجيت ام زينب :هاا يلا لعد زينب روحي بدلي ونزلي نضفي البيت ويه مرت أخوج
زينب :ان شاء الله دخلت لغرفتي سبحت ونزلت شاعدت شذى (زوجت عباس). طبعن عائلتنا متكونه من امي وابوي واني واخوي شذى زوجته وابنهم محمد. نضفت البيت وصعدت لغرفتي
