قصه كنان وساره "
صباحاً ساعه ب7
ساره :كعدت على صوت المنبه كمت بدلت لبست فستان قصير احمر بس موكلش وياه جاكيت كابوي وحذاء ابيض رياضي وشال وانتظرت الخط يجي عليه اوف شكد يتأخر... شوي واجه وصلت للكليه لكيت زينب
زينب:هلا صباح الخير
ساره :صباح النور
زينب :شلونج مشتاقتلج كومه
ساره :اني زينه انتي شلونج
زينب :تمام.... يلا امشي بدت المحاضره
ساره :اي امشي..... دخلت القاعه بدت المحاضره وجانت محاضره ممله لدرجه خلصت وطلعت واني معرف ليش ضايجه اليوم
زينب :شبيج اليوم ضايجه
ساره :البارحه كلت البابا خلي اجيج مقبل وضحت حيل
زينب :وبعدج ضايجه هاي بعد شفتيني
ساره :صدك اتذكرت شنو الشي الضروري الي تردين تحجين بيه وياي
زينب : (حجت وهيه مدنكه) ءشسمه اجوني خطابه
ساره :(بصدمه) ولج منو ويمته وافقتي لولا
زينب :انطيني مجال احجي... هوا طالب ويانا بس مرحله رابعه اجوي يوم الجمعه ورفضت ماريد
ساره :منو يا طالب بس لا هذا الايعععع
زينب :لعد يهو غير
ساره :عابتله وانتي زين ما وافقتي خيولي... شوي وحسيت خيال على راسي
حسن :عيني زينب انتي صحيح رفضتيني بس والله الا اندمج
زينب :هيو انته شجاي تحجي احترم نفسك
حسن :هيو شنو ترا انتي الي وما تصيرين لغيري تمام
زينب :دروح مريض نفسي
ساره :اباوعله وعيونه حمر عبالك شارب... اسمع اخوي اكلك شي هيه بعد قسمه ونصيب انته ليش لازك وهيه ما تريدك
حسن :انتي منو كلج احجي وثانيا هيه الي تمام
ساره :انته مو مال احترام دروح منا لا اشتكي عليك
حسن :بيج خير واشتكي جكمه
ساره :(عصبت من كلامه) كتله منو الجكمه احجي عدل واخر مره اكلك امشي منا
حسن :اني راح اروح بس قسما بالله يا زينب اذا مااجيب راسج يمي اطلع ناقص
زينب :ولك لو تبقى اخير واحد على الكره الارضيه
حسن :اي خوش
ساره :بعد العركه راح شكد مكروه.... وانتي شبيج شويه وتبجين
زينب :ولج ماريده وهوا يهدد خاف يسوي شي ويخليني اقبل غصباً على راسي
ساره :لا تخافين هذا فد واحد خنيث وما يسوي شي... يلا امشي راح علينا الامتحان... دخلت القاعه توزعت الاسئله طلعت الأسئلة سهله الحمدالله ورا ساعه خلصت لان صحيح سهله بس الإجابات طويله طلعت من القاعه اني و زينب
زينب :اكلج امشي نروح نشرب عصير شي ترا حلكي يابس كلش
ساره :يلا امشي وانتي ليش ضايجه هيج نحجي ونمشي علمود نوصل كافتريا
زينب :كلش تعبانه معرف شوي
ساره :لا تعبين ولا شي هسه نشرب عصير وتكعد شوي ونروح للبيت وترتاحين تمام
زينب :هزيت راسي ب اي
ساره :دخلنا الكافتيريا وشفنا وجه السعد يالله صبرنا
زينب :ساره عفيه خلي نطلع
ساره :والله اذا طلعتي اكص رجليج خيولي هوا فد جلب عابت
زينب :اوف.. طلبنا عصير اني برتقال وساره ليمون
ساره :كعدنا شربنا... اكلج يلا خلي نروح
زينب :يلا امشي... اكلج ساره امشي وياي اخوي اجه عليه
ساره :تسلمين حياتي هسه الخط يجي
زينب :ترا ازعل
ساره :يلا اوك.... صعدنا بسياره اخوها عباس
عباس :شلونج خويه ساره
ساره :(اخجي واني مدنكه) الحمدالله زينه
عباس:اكلج زنوب راح انزل لصيدليه اجيب دوا لبابا ابقوا هنا
زينب :اني اريد انزل اشتري فيتامين لوجهي
عباس: يلا لعد امشي
زينب :اكول ساره متنزلين
ساره:لأ خليني هنا انتظركم
زينب :تمام... نزلنا لصيدليه ودخلت
عباس:سلام عليكم
الصيدلاني :وعليكم تفضل
زينب :دخلت لصيدليه وشفت طركاعه اخوي انطا الدوا يشتري عليه واني صافنه على ابو الصيدليه خرب حظي شكد حلو
عباس :خيتي وين صافنه يلا شنو من فيتامين تريدين
زينب :هاا اريد فيتامين E
الصيدلاني :اوك... هذا الفيتامين
زينب :حاسبه اخوي وطلعنا اني الفاهيه التفتت عليه وجان يغمزلي خرب حظي غير انثولت
الصيدلاني :ههههه
زينب :اجينا للسياره واني افكر بل طركاعه اخ يا بويه شكد حلو
ساره :ولج زينب وين صافنه
زينب :لأ ماصافنه بس هيج.... المهم وصلنا وصلنا ساره قبلنا تنزل... دخلت للبيت واني افكر بهذا خرب اخذ عقلي
ساره :هلو ماما شلونج
فرح :هلا بنيتي.... يلا بدلي حتى اصب غده انتظرتج وابوج لسه ماجه
ساره :اي ماما ثواني واجي.... صعدت بدلت ونزلت لكيتها مكمله كلشي وتنتظرني... اجيت
فرح :ليش اليوم اتاخرتي خفت عليج
ساره :اليوم اجيت ويه اخو زينب وكفوا يم الصيدليه واشتروا دوا لابوهم
فرح :هاا
ساره :اي اكلج ماما زينب تكول اجوها خطابه بس رفضت
فرح :ليش رفض ولو هيه قسمه ونصيب
ساره :هوا طالب بل كليه مالتي واليوم اجه واتعارك وياها
فرح :ليش شنو مايستحي يتعارك وياها بنص الكليه
ساره :لان رفضته تعارك وياها وكللها ما تصيرين لغيري حتى بل الامتحان ماركزت
فرح :لعد ماكالت لخوها
ساره :خافت تكله لا يتعارك وياه
فرح:ها يمكن يجيها الأحسن
ساره :اي..... خلصنا اكل وماما شالت المواعين واني غسلتهم وصعدت لغرفتي نمت كعدت على صوت الموبايل.... اخ منو هذا الي دا يتصل رفعت الموبايل وشفته كنان يمه شعنده متصل
ساره :الو كنان
كنان :هلا شلونج
ساره :(بنعاس) بخير
كنان :مبين الحلو جان نايم
ساره :اي جنت نايمه
كنان :ها ردت اسمع صوتج الحلو
ساره :(بكلبي احجي) هذا شبيه كاعد يتغزل بيه
كنان :وياي انتي لو رجعتي نمتي
ساره :لا وياك اي شلونك
كنان :هسه صرت زين.... يلا اني اترخص عندي شغل
ساره :الله وياك... سديته منه يبو احس النفس مالي كوه يصعد وينزل وكلبي الي خبصني احسه راح يطلع من ضلوعي ليش عود شنو احبه لا لا مااحبـه اووف شكد خبله اني احجي ويه نفسي خلي اطب اسبح احسن.... دخلت سبحت وطلعت امشط شعري سويته ظفيره نزلت شفت بابا
علي:هلا بنيتي
ساره :هلا بيك بابا... كعدت يم بابا شوي..... صار المغرب صلينا وسويت ويه ماما العشه وتعشينه ومر اليوم عادي قريت شوي صارت ب12 نمت
855 كلمه💜
لتنسون التصويت ♥️🥺
