بعد ماكمل الدكتور تجبيس ايد كنان وعمليه خشمه طلع الدكتور...
عادل :ها دكتور ابني شلونه
دكتور :الحمدالله والشكر ابنك طلع سالم من الحادث بس تعرف ايده مكسوره وخشمه هسه احنا جبسنا ايده وسوينا عمليه الخشمه وصار زين بس بعد تحت تأثير البنج
احمد:دكتور نكدر نشوفه هسه
دكتور :هسه لا بعد نص ساعه تكدرون ن
تشوفونه
عادل:شكراً دكتور تعبناك
الدكتور:ولو هذا واجبي
عادل :خويه علي اخذ مرتك وروحوا للبيت هسه البنات وحدهم روح انته
علي:بس خلي اظل يمكم خاف تحتاجون شي
عادل :لا تخاف اني هنا واحمد راح يظل بس ياسر يروح وياكم وهسه ساعه ب1 يلا روحورا رتاحوا واني اطمنكم على كنان
علي:يلا لعد اروح اني وانته طمني على كنان
عادل :اي ان شاء الله..... وانته ياسر روح ويه عمك
ياسر :صار يابه
راح علي وفرح مرته وياسر وصلوا للبيت دخلوا مالكو احد
فرح :وين البنات
علي :بله روحي شوفيهن وين
ياسر :خاله وين الغرفه اريد انام تعبان حيل
فرح :تعال وياي وليدي
علي:لعد اني اروح انام وباجر اروح للمستشفى
صعدت فرح وخذت ياسر لغرفه فارغه بس نظيفه ومجهزه مابيها شي
فرح:وليدي ياسر هاي الغرفه نام بيها
ياسر :اي خاله شكراً
فرح :ولو تسلم..... رحت صعدت للبنات بغرفه ساره لكيتهم نايمات خطيه غطيتهم عدل ورحت للغرفه نمت لان تعبانه
علي:ها البنات وين
فرح :عبالي نايم...... البنات نايمات خطيه
علي:لا انتظرتج حتى اطمن على البنات.... يلا لعد نام
__
صباحاً ساعه ب7ونص
فرح :صباح الخير
علي:صباح النور.... اكلج فروح اني راح اخذ ريوك لعادل
فرح :اي خوش اجي وياك لو ميحتاج
علي :لا ابقي هنا احسن.........يلا اني اروح
فرح :الله وياك.... راح علي وكعدت البنات
فرح :يلا ماما ساره كعدي
ساره :(بنعاس) اي ماما هسه اكعد
فرح :يلا كعدي وكعدي رفل وتعالوا تريكوا
ساره :كعدت وكعدت رفل وياي خطيه كوه نامت ظلت بس تبجي.... تريكنا وخلصنا اني عندي امتحان رحت قريت شوي ضايجه على كنان حيل
رفل :خاله اريد اشوف كنان عفيه اخذيني
فرح :شلون اخذج يا كلبي انتي لا عمج يقبل ولا حتى ابوج ميقبلون نجي للمستشفى هوا كنان اليوم يطلع من المستشفى لا تخافين عليه
رفل :صعدت للغرفه واني كلش ضايجه على اخويه...... اكلج ساره اني راح اروح لبيتنا اسبح
ساره :واني دا اخذلي نظره على الكتب.. ولج دنجبي شنو ترحين لبيتكم اني انطيج ملابس حد ما يطلع كنان من ألمستشفى ويصير زين وترحون لبيتكم
رفل :تمام اقتنعت شوي يلا انطيني ملابس
ساره :اني اذا اكوم كل معلومه اطير من عقلي انتي روحي فتحي الكنتور واختاري على مزاجج
رفل :ههههه اي تمام...... اخذت ملابس من ساره فديتها اني هههه وسبحت وطلعت واني كاعده امشط سمعت ساره تصيح
ساره :ولج لحكي اجه كنان اخ يمه كلبي
رفل :صدك تحجين اجه؟
ساره :اي ولج
رفل :بدون ما ارد نزلت وشفت كنان حضنته حيل وبجيت وكتله.... والله خفت عليك ليش هيج سويت بيه
كنان :لا تخافين اني مابيه شي هاي اني كدامج.. يلا وخري خلي اعدل كعدي
رفل :(بدلع) هسه اني ازعجتك
كنان : لا بس وخري
ساره :اني كاعده على القنفه واباوعلهم واكول ليش معندي اخ مثل رفل اخ بس لو اعرف ليش يلا عادي
كنان :اكول ياسر وين اشو ماكو البذات
ساره :نايم ياسر
علي:اي مو خطيه البارحه كلش تعبان هسه يكعد... فرح شراح تسوين غده على سلامه كنان
فرح :الي يطلبه كنان
كنان :ها لعد الغده على حسابي اني اطلب سمج شوي من ايدين خاله فرح وتمن حلو من ايدين امي مريم ها شكلتوا
مريم :غالي وطلب رخيص بعد امك
كنان :حبيبتي امي
عادل :كنان ما مسموحلك تتغزل بمرتي
كنان:فديت للي يغار
الكل: ههههههه
ساره :اني راح اكمل قرايه باجر عندي امتحان
فرح :روحي اقري وياج كعدي ياسر
ساره :صار..... صعدت لغرفه ياسر وكعدته كوه كعد يبوو هههـ ورحت كعدتت بالغرفه مالتي طلعت كتب وشوي وندك الباب.. تفضل
كنان :مرحبا
ساره :اريد احجي واجتني مكالمه.. كنان بس لحضه
كنان :اخذي راحتج
ساره :الو ها ولج شلونج شخبارج
زينب :زينه انتي شلونج مشتاقتلج باجر ضروري احجي وياج
ساره :اول شي اعرفكم عليها هاي صديقتي او اختي الي احبها هيه نفس عمري بس هيه سمره وعيونها خضر وشعرها طويل وتدرس مثلي طب أسنان وبس واني كلش احبها..... ولج بشنو وشنو هذا الضروري احجي هسه
زينب :لا باجر احجي
ساره :يلا اخذي راحتج
زينب :الله وياج
ساره:سديت المكالمه من ورجعت احجي ويه كنان..... تفضل شنو تريد تحجي
كنان :اول شي عوفي هاي الرسميات وثاني شي انتي ليش فرحانه من شفتيني طلعت من المستشفى وحتاريتي شلون تكعدين
ساره :(بارتباك) اني مو فرحانه لا اقصد فرحانه بس
كنان :شنو بس
ساره :بس.... انته شتريد جاي هنا
كنان :اني كلت ماطيب اذا ماشوف عيونج واركز بيهن
ساره: ا انت انته شد شدتكول اطلع بره
كنان :مو انتي الي طلعيني اني بكيفي اطلع
ساره :كنان اطلع اريد اكمل قرايه عندي امتحان ومعندي وقت للكلام
كنان :باوع للساعه وكال هيه كلها الساعه ب9 عندج وقت
ساره :الماده صعبه
كنان :خلي ابوسج
ساره :لزمته من ايده المكسوره حيل
كنان :آاااخ ولج خرب بيومج
ساره :عيب عليك تكول هيج اطلع بره شنو تبوسني
كنان :عمي اسفين واني هم راح اطلع كرامتي راحت ولو بالحب ماكو كرامه.... باي ياحلو
ساره :(بخجل) ابد ميستحي هنوب يريد بوسه باع حظي
كنان : (سمعتها تدردم) عيني اقري ترا وقت ماكو
ساره :لفيت وجهي وشفته كلش خجلت... رجعت اكمل قرايه
__
مريم :ماما احمد بله روح شوف السمج ليحترك
احمد :اي رايح
كنان :كعد المعرس( يقصد ياسر)
ياسر :حمدلله على السلامتك
كنان :الله يسلمك...... شعندك لسه نايم
ياسر :دنجب غير البارحه لساعه ب2 باليل يالله نمت واصلا بعدني مشبعان نوم
كنان :غير تنبل
ياسر :ديلا عساس انته من تنام جنك جبل
ساره :نزلت وسمعت كنان وياسر يتناكرون ههههههـ هما دوم هيج عكس احمد الي دوم هادئ... لك صباح الخير
ياسر :هلا صباح النور
كنان :مو عندج امتحان ليش نزلتي( بغمزه)
ساره :من غمزلي احس كل معلومه طارت من عقلي خرب... ها نزلت شوي ضجت من القرايه
كنان :ها خوش لعد
عادل :اكول ياسر انته يمته اداوم
ياسر : بعد يومين ادوام
المهم كمل الغده وصبوا وكعدوا اكلو وضحك وسوالف
ساره :ياربي هذا شبيه بس يباوعلي راح اغص هنوب يبتسم( احجي بكلبي) ليش كاعد كبالي يربي حموت يمته نخلص...... خلصنا اكل وشلنه المواعين وغسلنا اني ورفل وماما وعمه مريم ساعدونا وخلصنا بسرعه واجينا كعدنا يم بابا وعمي وأولاده
فرح :حصب جاي واجي
علي :اكلك عادل
عادل :كول
علي:بعد يومين راح تجي اختي هدى من سوريا تجي زياره للعراق هيه وزوجها
عادل :اي هلا بيها
علي:كلت خلي اعزم ياسمين وفاطمه هم مشتاقين الهن
عادل :زين تسوي لعد العزيمه راح تصير ابيتي
علي:ان شاء الله يصير خير
فرج :وهذا الجاي وصل.. قدمت الجاي للكل وصارت ب3 الضهر
عادل :يلا خويه احنا نترخص بعد كافي ثكلنا عليكم
علي:هذا الحجي ماريد اسمعه شنو ثكلنا عليكم وثانيا هذا البيت بيتكم
عادل :يلا تترخص وماقصرتوا
علي:الله وياك خويه... وانته بويه كنان ديربالك على ايدك وخشمك
كنان :صار عمي
راحوا بيت عادل لبيتهم
ساره :بابا اني ضايجه اريد اروح لبيت زينب
علي:كعدي وسكتي ماكو روحه
ساره :ضاجت ليش بابا عفيه
علي:ماكو روحه وبعدين انتي عندج امتحان شعندج رايحه
ساره :تمام بابا ماروح... صعدت لغرفتي واني كلش ضايجه يلا غير مره بلكت يقبل
صار الليل وماما صاحتني حتى نتعشه تعشينه وخلصنا خليت المواعين على ماما
بارت طويل لعيونكم
لتسون التصويت ♥️🥺
1138 كلمه 💜
