وهم الوجوه

الحلقة السابعة

#وهم_الوجوه

الحلقة السابعة ..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°

.. تعويضات الله مُذهلة ، تستحقّ الإنتظار.

بهلعبارة هااي من صدك الي يتوكل على الله وينتظر ويصبر مراح يخيب رب العالمين ضنه مااكدر اكول حياتي واو وعايشة بيت وأهل ويمي كلشي موجود ومتوفر والي اطلبة يوصلي
بس ربي من بعد تبهذل وتعب وتعذيب والم وحرمان

تعرفت على عمو صالح رجل ونعم الرجل سوالي الي قريب مني ومن دمي ولحمي ماعطف علية مثلة

رجال نقي قلبة ابيض كريم عندة رحمه بكلبة مو مثل لبشر لتعرفت عليهم والجانو بطريقي كلهم كلوبهم سود قاسية ميعرفون شي اسمه رأفة رحمة عطف هما حتى الله ميعرفوو ماعدهم لادين ولا ديانا

بس اكيد ربي بلمرصاد لابد هذا الدولاب يدور ويفتر وكتهم ويتندمون على كلشي سوو بية وبغيري ..

حسبي الله ونعم الوكيل..

..

من بعد مانضفت المطبخ وغسلت كل المواعين ونشفتهن طبعا اني صاحبة خبرة بلشغل وتنضيف وهلامور

تعلمت كلشي وعمري مايقارب ال ١٠ سنوات بفضل زهيرة وبلقيس

حسيت ضهري طك من التعب طلعت ليبرة كعدت على طاولات لكيت عموو صالح مرتب طاولات والارضية كلشي مسووي

وجان باب محل يمه زلم واكفين يَسولفون شوية ودخل

جان وضعي مزري ملابسي من ناحية بطني غركانه مي وشعري جان شوية واصل لجتفي تقريباً

جنت لابسة بنطرون كابوي ممزوك من الكبات بس يلا اسوي مودة جديدة بنطرون مشكك وكذا

وبلوز وردي وحذائي قديمه اعتقد صارلها سنتين البس بيها

اشترتليها زهيرة وجان حجمهه جبير حتى ماضل يوميه اشتري واني دااكبر ورجلي تكبر علمود متشتريلي يومية

والشي ليضحك اكثر ياريت من فلوسهه مشتريتلي الحمدلله والشكر كلة بخير أبوية عايشة هيا وجنتها و المكموع ابنها

فوك مافلوس أبوية حرموني منهن اووووف

..

دخل عمو صالح للمطعم وكال .. ها بوية كملتي خو ماتعبتي

.. لا عموو عادي كملت كللشي بالمطبخ

.. عفية بلسباعية..  اكلج عمي انتي متاكده بأرادتج تردين تشتغلين هنااا ماريد اضلمج وانتي بهذا عمرج واخليج بين لجدورة والماعين هم اني باجر وراي حساب وكتاب اذا متردين تشتغلين وتحسين مو مناسب لعمرج والله كلشي ماريد منج