أنت تقرأ

وهم الوجوه

Ação

قصة واقعية لبنت تذوق مرارة الحياة بكل مصاعبها من اقرب الناس لها لتكون اقوى وتتحدى الحياة لتصبح اقوة ..

#اكشن

الحلقة الحادي عشر

1.2K 141 18 
                                    

                                              
وهم_الوجوه
الحلقة الحادي عشر..
للكاتبة .. زينب الشمري zan_eb15
°°°°°°°°°°°°°°°°°°°°°°°°°°°°°°°°
خَلصت العطلة الصيفية وبلشت المدارس قدمت على إعدادية أدبي وگل هدفي وحلمي اتخرج واكون محامية 
والحمدلله دَرست الصف الرابع والخامس وصَرت سادس ..
چنت مقسمة وقتي بين الدراسة والشغل ماحبيت اترگ معا لعلم بابا صالح راد اترك الشغل والتهي بدراستي بَس إني ماقبلت 
الصبح أطلع للدوام ارجع الظهر اصلي واتغدة واشتغل لليل وياي گتبي اقرة بلمطعم ارجع اسبح واكمل واجباتي ولو انام لو اضل للصبح بسبب الأرق 
صَار روتيني ملل + متعب بس متحمللة حتى أوصل للاريدة واحقق حلمي درجاتي گلهن تسعينات وجنت دومي اطلع اعفاء يصيحولي سجاجة گشرة هههههه 
صديقات عندي بس مامتعمقة وياهن حد الدراسة والسلام يعني زميلات فقط ماحب احد يعرف عن حياتي الشخصية محافظة عليها گللش + ما اگدر اثق بأي بنية گلهن مارتاحلهن مو لان هنا مو زينات بس إني ما اعرف شبيه احس گل ناس مو زينة ماعدة بابا صالح وام مرتضى المقربين علية
بَلشت مراچعة سادس وهنا تركت الشغل وستقريت بلبيت صَرت حتى من ادخل اسبح احط الكتاب ع رف واراچع تخبلت منفصلة عن العالم الخارجي گلة وملتهيه فقط بدراستي الدروس الصعبة خليت الهن مدرس خصوصي 
والحمدلله والشگر الله ماضيع تعبي وسهري وقلقلي وخوفي ع بلاش تخرجت من السادس بتوفق وبمعدل يرفع الراس ٩٢.٨ چان من احلا فررحة الي تصيرلي كمية الفرح الي بداخلي متنوصف صَرت ابجي 
شكد تعبت وسهرت بس الحمدلله وشگر طلعت المعدل بزودي واعتمدت على نفسي 
انقبلت بگلية احلامي گلية القانون دخلت للجامعة اسجل متوترة وخايفة بس ماخليت هل شي ينعگس علية بلعگس صَرت امشي واني واثقة بنفسي ما مهتمه لأي احد مركزة على هدفي ودراستي فقط بس من جوة گلبي يرگص من توتر ولقلق 
قبطت ال ١٨ سنة وسئلت المحامي عن القضية وصار اكدر ارفع دعوة وارچع گل حقي بس بعدين صفنت وگلت اني صبرت صبرت گل هاي لسنين ماتحمل بعد شوية خلي اتخرچ ويصير خير 
الجامعة چانت گلش بعيدة على البيت والروحى والجية گلش صعبات وازدحامات بغداد و ماحبيت ادخل قسم داخلي هواي سمعت حجي عليه 
وعمو صالح شافني داتعب هواي اقترح علية أجر شقة قريبة من الكلية استقر بيها وكلامة وياي قنعني بي _ بووية إصيل انتي گبرتي وصرتي مرة وتفتهمين واني ادري بيج سباعية لو احطج بين الف زلمة ترجعيلي مثل ما انتي 
اني مادايملج باجر عكبة رايح داريتج لهذا عمرج بس لازم بعد شوفين حياتج انتي گبرتي واني واثق بيج تكدرين تعيشين وحدج وتعتمدين ع روحج اني يمج كل وقت تحتاجينة تلگيني يمج
وهم الوجوهحيث تعيش القصص. اكتشف الآن