أنت تقرأ

وهم الوجوه

Action

قصة واقعية لبنت تذوق مرارة الحياة بكل مصاعبها من اقرب الناس لها لتكون اقوى وتتحدى الحياة لتصبح اقوة ..

#اكشن

الحلقة الثالثة عشر

1.2K 132 23 
                                    

                                              
#وهم_الوجوه
الحلقة الثالثة عشر ..
للكاتبة .. زينب الشمري zan_eb15
°°°°°°°°°°°°°°°°°°°°°°°°°°°°°°°°
هدى ..
من بَعد حياة طويلة رغم صغر سني وتعب الدنيا ومصاعبها الحمد لله والشگر الله عوضني بأروع صديقة وأخت "اصيل" 
چانت اختي الماجابتها امي چنت تايهه بوحدتي لحد ما الله خلة اصيل بدربي لمتني من شتات الشارع فتحتلي بيتها وكلبها وثقت بية وامنتني ع اسرارها واني مقدرة گلشي سوتلية سوايتها هاي مسويها بَس الأصيلة وفعلاً هيا اصيلة 
من يوم لعرفتهااا وصرنا نروح للكلية ندخل من باب سوة بعدين گلمن تروح لقسمها چنت أمشي بطريقي مالي علاقة بأحد البنات الوياي اختلط بيهن اضحك واسولف وادير وجهي واعوفهن تصرف نذالة لو حرص ماعرف شنو چان بضبط بَس بسبب الظروف العشتها ماخلت عندي ثقة بأحد 
اعترض طريقي لگم مرة " قيصر " واني احاول اصدى بلبداية چان عبالي زاحف واگُعد ارزلة واطيح حضة 
بيوم توني طالعة من محاضرة وروحي طالعة من الگعدة اجاني من بعيد 
_ مرحبا 
_ اهلاً تفضل رايد شي ؟ 
_ اي حاب اسولف وياج 
_ ما اعتقد اكو شي يجمعنا اني تربية انتَ قانون شنو لربط الممكن يجمعنا ونگُعد نسولف بي 
_ ليش نظرتچ بلحياة هيچ قصيرة انطي مجال فگة شچاااج 
_ تَدري تووني طالعة من محاضرة استمرت ٣ ساعات روحي طالعة گوول شتريد عندي شغل أريد اخلصة 
_ الله يساعدج .. بَس مو حلوة هيچ وگفتنة خلنگعُد بمكان 
زفرت قووي بوجهه واني ضايجة منة مشيت گدامة وهوة وراي رحنا للحديقة _ كوول حضرة المحامي
_ قيصر
_ گللشي چااان تفضل 
_ تگدرين صيحيلي ابوو سچين 
گمشتني الضحگة _ شنووو ههه
_ اكو شي يضحك ؟
_ اي اسمك 
_ گللش صريحة ما شاء الله عليچ 
_ مالة داعي اجاملگ 
_ حلوو انتي وذيچ ام عطووب نَفس سستم 
_ سالمين خالي شنوو ام عطووب تايهتلك عدهاا اسم 
_ بسرعة دافعيلهاا 
_ طبعاً واشگ حلگة اليجيب طاريهاا بحچااية وحدة 
_ مو تحسين إسلوبج شووية همچي 
_ اتعامل ويا گلل شخص بلي يناسبة 
_ لا بَس الدشووفة إسلوبج ويا گلل هيچ ماكو گيااتة بلموضوع وأنوثة
وهم الوجوهحيث تعيش القصص. اكتشف الآن