وهم الوجوه

الحلقة الثامنة

#وهم_الوجوه

الحلقة الثامنة ..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°
مر شَهر وضعي تَمام لتمام وجمعت فلوس صارن عندي ٣٠٠ الف شلت ٢٥٠ انطيتهن لعمو صالح مال ملابس من اشتريت بقن عندي ٥٠ الف ضميتهن واجمع فوكاهن بس شغل هوواي ومالحك وحدي وعمو صالح ديلاحظ ما اگعد الة بليل وقت نوم يلا ارتاح

اجَة ولد عمرة مايقارب ١٩_٢٠ سنة لعرفتة من خلال كلامة ويا عمو صالح چان يشتغل هنا قبلي وهسه دَيريد يرچع

وهيچ خفت علية ازمة گللش چبيرة وشال چزء چبير من الشغل صار عليه الطاولات والشارع وتنظيف الصالة ونقل الاكل والخدمة

واني فقط المطبخ (الماعين) علية وعمو صالح هوة ليطبخ

صرنا خوش فريق ثلاثي ..

الولد حباب ولطيف گُللش مشفت عنه شي محلوو او نظرة مو زينة اسمه هيثم ودومة يساعدني حتى عمو صالح واثق بي لدرجة يخليني يمة لان يعرف حتى اهلة

بَس اگثر شي من اروح لام مرتضى العصريات يلحگني انتبهت عليه كم مرة

دخلت لام مرتضى

ام مرتضى _ هلا ببنيتي هلااا هايمة شلونچ

أصيل _ هلا بيج خالة الحمدلله بخير انتو شلونكم

ام مرتضى _ زيينين يمة هااي بعد لاهيين بعيشتنة ونشتغل شنسووي

أصيل _ اي والله خالة الواحد يركض يركض وميلحگ

حوراء ( بنت ام مرتضى) _ عززا ولللِج گلج ١٤ مدري ١٥ وتحچين بلعيشة والشغل

أصيل _ هههههه چا خية شفتة قليل بعمري يمعودة اذا دنيا مصفگتني من گل جهه طبعاً اعتمد على روحي خو ما ابقى اچدي بلشوارع

طبعاً عموو صالح حاجي لام مرتضى على گللشي فتعرف المرة ومتحب تحرچني وتحجي وياي

ام مرتضى _ عفية السبااعية هذا عشمي بيچ شووفي وولللِج تعلمي واني اسحل بيچ حتى تچين تشتغلين وياي بلموووت اشلعها من الفرااش

ززفرت وحچيت _ والله يا خالة مدام عدهاا ام وراهااا وسند خليها تعيش حياتها لتربطيها بمسؤؤلية من هسه وجبريهااا شووفي اني لو عدي أهل ابقى هنااا

حوراء _ اررروح فدوة لحلگج هذا لينگط عسلل سمممعي يوووم سمعي تعلمي خليني أعيش حياتي اسافر اطلع شعنددي بلمگص والقماش من هسه

ام مرتضى _ انچبي لللِج حتى اسگطج واخليج عمية صنعة هااي صنعة تفيدچ يجي يووم وتگولين الحمددلله لأمي من علمتني مشوفيني اترحم لمميمتي لأنها علمتني وخلت بيدي شغلة برب*** تريد ترتاح